ابو حسام:ماادري شصار ع غفله كلشي راح ،من حسام راح الضحكه من هالبيت راحت
ام حسام:خل اصعد احاجي
_صعدت ام حسام الى غرفه همام وطرقت الباب
همام:ادخلي يمه
ام حسام:اففف شنو ريحه هالجگاير والخنگه الگاعد بيها ،ليش هيج ماما مسوي بروحك
همام:لا بس ضايج شويه ماكو شي
ام حسام:ادري بيك مرايد هالزواج والخاطري دتسوي هيج،بس خلاص ماطول انت مرايد هالشي لتفكر بيه ماريد اتعيش طول عمرك متعذب ،وانسى الموضوع اهم شي اشوفك مرتاح
همام:لا يمه اني مااقبل ابن حسام يتربى بغير بيت جده ،واتحمل اي شي الخاطر اخويه والخاطر ابنه ،لتخافين عليه مابيه شي
ام حسام:اكيد همام
همام:اي اكيد وماكو داعي للتأخير خلينه نفض الموضوع بسرعه
ام حسام:الله يخليك اليه يمه ،ويريح قلبك وعقلك مثل ممريح امك
_احتضنت ام حسام ابنها الذي كان يمثل اللامبالاة لكن في داخله يتقطع
_في بيت هاله...
هاله:يومه فدوه الحبيب ماما الكبران ويلعب ويضحك 😘😍
ام هاله:هههه صدقه لله شلون حاير بالدبدوب وهلسه تهلس
هاله:هههه اي فطير بطرگ الراس ترى كلشي ميفتهم
ام هاله:لالا لتحجين على علاوي حبيب بيبي كولشي يفتهم وعقله يوزن بلد ،شفت حبيبي شلون ماما تغلط عليك وممحترمتك شفت ،حتى من تكبر تگوم تحبني بس اليه لان اني ادافعلك
هاله:اي يوزن بلد ابو البامبرز 😂،بعدين هو من هسه يحبج اكثر مني ويجي عليج وعايفني هالنذل
ام هاله:اييي غير هو يحب البيبي مالته والبيبي هم تحبه ،فدوه القلبه والله ينگرط هو وخدوده
هاله:ماما ترى اني مااغار علي منج،لا اغار عليج منه ،فعوفي لا هسه اكتله
ام هاله:لا ماعوفه ولي انت بيش الكيلو
هاله:هاااا😳خوش لعد خليج ويا واني حروح يم هبه ،صدگ وينها
ام هاله:يمكن دتقره بالمرجوحه بره بالحديقه اطلعيلها وعوفيني ويه علاوي عدنه مواضيع انحلها
هاله:اي عايفتكم خلي يفيدج وعود افتهمي منه لان كلامه معدل😒🙄
_خرجت هاله الى حديقة المنزل ورأت هبه جالسه تبكي ،فعندما رأت هاله مسحت دموعها وتضاهرت انها تدرس
هاله:الاعرفه طالعه ادرسين مو تبچين،ممكن اگعد يمج
هبه:هههه معرفتج صايره مؤدبه وتستأذنين
هاله:واني هم معرفتج صايره تبچين من ورايه وتضمضمين عليه
هبه:لا يولي بس حايره والمواد صعبه وعندي كومه كوزات وحايره هم بمشروع التخرج ،فمن التوتر گمت ابجي
هاله:مو گتلج صايره تكذبين عليه،هباوي اني هاله اختج يعني اقرب انسانه الج من اي احد فصارحيني شنو اللي مضوجچ
هبه:هيج مخنوگه ومضغوطه صدگيني مدااكذب
هاله:هبه اني مستحيل اخطي اي خطوه بيها قهر الج لو اعرف اتخلى عن كلشي بس مااگدر اشوفج ضايجه ومقهوره
هبه:شنو معنى هالحجي ليش انتي شعليج بضوجتي
هاله:اخاف انتي اتحبين همام ومگايلتلي ،فدوه احجيلي هبه دااشوف هالشي بعيونج ريحي گلبي اذا اكو اي مشاعر اتجاهه صارحيني لتخلين خوفي وضميري ياكل بيه
هبه:ههههه شبيج هاله اصلا هالشي مو ابالي وهمام چان مجرد حماچ لا اكثر ولا اقل ،شيلي هالاوهام من بالچ ولو اكو شي چان كتلج من زمان صدگيني
هاله:اكيد هبه ؟زين ليش اني احس غير شي
هبه:اممم ماعرف يجوز انتي هالفتره حساسه زايد😁او تريدين تتهربين من الزواج،بس ع العموم همام خوش ولد وان شٌــاآء الله تنسعدين ويا يا رب
هاله:سالمين هو حيكون مجرد زواج ع الورق😒
هبه:وليش ع الورق شناقصج انتي ؟حاولي تتقبلي كزوج وخلاص انتي تعبتي هوايه ومشفتي شي ومتأكده انو هو حيكون زوج كولش زين عليج
هاله:اول شي اني حبيبت مره واتزوجت الاحبه فمحتقبل اي زوج غيره ،وبعدين همام اخو الحسام شلون حتحمل هالشي
هبه:الحياة تستمر والله كريم حبيبتي
هاله:هباوي ع فكره اني احبج
هبه:هههه واني هم ماعندي غيرچ
هاله:اللّـهہ. يخليج اليه حبيبتي وافرح بيج
هبه:وانت هم ❤» ؏ـٍْمريـﮧ
_احتضنت هاله اختها التي كانت على وشك ان تنهار دموعها ،لكنها كانت تمثل السعاده كي لا تشعر هاله بما في داخلها
هاله:يلا گـst🚫pـآآفي عاد دراما وامشي نفوت يم علي
هبه:هههههه فدوه القلبه
هاله:ديصيحج يگول وين خالتي عايفتني
هبه:اي والله لابسته هالايام
هاله:يلا كومي ليضوج وتعرفي انتي شكد عصبي
هبه:هههه كومي لعد بسرعه 😁
بداخلي مراره وغابه معتمه ،بداخلي عالم مهجور وقلب مكسور
نعم انا ثري !!امتلك الكثير من رصيد الجروح والغصات ،والعديد من شيكات الضياع والخوف ،داخلي غني بالالام بقدر تحويل ذلك الشخص ذا البسمه المشرقه الى جثه هامده يائسه،
برغم كل الذي اعانيه لا اجد في ذلك صعوبه كصعوبه الوحده التي تقتحمني ،فالوجع قاسي لكن ربما اذا شاركناه مع من نثق بهم سيخف ويكون اقل مراره،اما اذا كنا نخفيه عن اولئك الاشخاص ونحاول ان نستبق دمعنا امامهم بضحكه مزيفه تخفي ورائها الف كسره ووجع وقتها سيصطحب تلك المراره غربه ووحده مفجعه وقاضيه 💔
(فأالاشد وجع من الالم هو اخفائه )💔
_في الليل اتصل همام بهبه لكنها لن ترد على اتصالته الى ان ارسل لها رساله وقال فيها انه صديق همام وهمام تعرض لحادث فعاودت الاتصال به بسرعه
هبه:(بخوف)الو الو اني هبه شبي همام عفيه
همام:ليش متردين صارلي الف مره اتصل بيج وادز رسائل
هبه:همام؟(بعصبيه)هاي انت ويبست دمي عبالي صدگ مسوي حادث هو هذا اسلوب شنو هالسخافه منك
همام:سخافه؟اوك مقبوله منج بس حضرتج مخليتيلي غير حل يلا رديتي صارلي يومين اخابرج
هبه:وشكو اتخابر بعد شكو احنه مو اتفقنه وخلاص
همام:مشتاقلج💔
هبه:گافي عاد همام كافي واصحى ع نفسك ،عيش الواقع واتأقلم ويا ،گتلك انساني لتصعبها عليه و ع نفسك اكثر
همام:دااحاول بس تعبت انتي شلون دتگدرين
هبه(بداخلها اني دااموت باليوم الف مره بدونك متگولي شگدر ):اي لازم نتحمل وگتلك فدوه اذا تحبني تكون زوج صالح الاختي وتسعدها ومتباوعلي بعد بغير نظره ،عيشها حياة حلوه بگد مااني احبها اريدك انت تسعدها وتحبها
همام:برأيج سهله
هبه:كلشي بدايته صعب وبعدين يصير اسهل ونتعايش ويا ،عادي احنه مو اول الناس تفرض علينه الضروف غير اللي نريده ،همام ارجوك بعد لتخابرني لتخليني اضطر احضرك لو اغير رقمي ماريد اوصل وياك الهالمرحله
همام:اوك هبه اللي يريحج وترضين بي حسوي وحكون الاختج مثل متحبين ،بس توعديني انو انتي هم تزوجين ومتضلين تفكرين بيه حتى اقتنع انو انساج ،يمكن من اشوفج ويه غيري ومرتاحه حتحمل هالشي واكدر اتعايش ولو صعبه عليه
هبه:اوك الله كريم اكيد محد حتتوقف حياته
همام:مع السلامه💔(بداخله)احبج ياعمري وحشتاقلج
هبه:الله وياك (بداخلها)اني هم حشتاقلك كومه 💔
_بعد مرور يومان جائوا اهل حسام لخطبه هاله لهمام ،وتم بنفس اليوم قطع المهر لانهم ارادوا ان يتمموا كل شيء بسرعه
ابو هاله:ابني همام اريدك تخلي هاله وابنها بعيونك ومتقصر عليها بكلشي
همام(وهو ينظر لهبه وبعيناه الحزن)ان شاء الله عمي
ابو همام:هاله ماريده مجرد زواج ع ورق لا اريدكم تعيشون كأي ازواج لان بنتي بعدها صغيره ومتستاهل الصار وهذا شرطي كلتلكم علي
همام:(احنى رأسه)اكيد عمي
_قام همام وهاله بتلبيس الحلقات لبعضهم ،وكانت هبه تحترق من الداخل فصعدت لغرفتها لانها لم تعد تحتمل ،جلست تبكي
هبه:شگد اتمنيت هاليوم اعيشه اني وياك ،شگد اتمنيت اكون الك ومرتك ،اخخخ ياربي مكنت اتوقع اشوفك ويه غيري وفرگاها ويه اختي ،ياربي لو تاخذ هالعذاب مني لو تاخذ عمري،
لالا هاله عانت اكثر مني وهاي اختي ماريد اصير انانيه والمفروض اليوم افرح ماابجي ،(وقفت امام المرآة)صيري قويه هبه هذا مهر اختج اللي اتحبيها وانسي عاد انسي💔
_في الحفل
