_اغلقت ام حسام الهاتف واغمي عليها
همام:يمه فدوه العينج كومي باعي عليه ،ابويه هم تعبان جوه وگلبه حيوكف،ياللهي كون ويانه واستر
_في المشفى ،كانت هاله وهيج تحت تأثير البنج تهذي باسم حسام
هاله:لتعوفني وتروح محتروح حترجع انت وعدتني متعوفني
ام هاله:ها حياتي صحيتي
هاله:حسام وينه حسام💔
هبه:حبيبتي جبتي ولد ايه من الجمال
هاله:(وهي شبه ان تهذي)داگولكم حسام وينه جاوبوني
_بدأت ام هاله وهبه بالبكاء
هاله:شبيكم تبجون كولولي رجلي وينه حسام وينه
ام هاله:اهدي حبيبتي دنبجي لان گمتي بالسلامه ،وحسام مابي شي خابرنا وهو زين وحيرجع
هاله:خابروليا هسه گلبي ممرتاح ،خابروليا خل اگوله جبتلك الولد كنت تنتظره
هبه:ارتاحي ونامي هسه من تكعدين انخابره
هاله:(بصراخ)دااكولكم خابروا هسه
_اتصلت ام هاله حتى تقنع هاله بأنه لا يوجد شيء لكن حسام جهازه مغلق
ام هاله:شوف صدگ شلون نسيت گال هو انو المنطقه اللي هسه بيها هو مابيها شبكه وحيفصل جهازه
هاله:ماما دتكذبون عليه مو حسام بي شي مو ،فدوه لتحرگون گلبي وكولولي
ام هاله:فدوه حبيبتي كتلج ماكو شي لتعبين نفسج وانتي هسه گايمه من عمليه
هاله:(بانهيار وصراخ)طز بيه اريد حسام جيبوليا حموت گلبي يكول صاير شي
ام هاله:اهدي ماما اهدي ،هبه بسرعه صيحي الطبيب
_جاء الطبيب واعطى لهاله ابره مهدأ فنامت،بعدها اتصلت ام هاله ببيت حسام
ام هاله:بشريني فدوه ام حسام الولد خوما بي شي
همام :اني همام ،ماادري خاله رايح ١٧٠٠ شهيداكيد اخويه وياهم
ام هاله:اهده خاله وفهمني ،حسام وياهم
همام:(ببكاء وانهيار)وياهم خاله وياهم هو ،بس گلت الاهلي مو وياهم هو ،بس محد ديصدگ وامي وابويه ديموتون مدااعرف شسوي ،معقوله خسرت اخويه
_اخذت ام هاله بالبكاء وهي تنظر الى ابنتها
ام هاله:بنتي جابت ولد معقوله اجه الطفل ومات ابو ،معقوله حتترمل وابنها يتيتم وبعده مشايف ابو ،البنيه بالكوه انطيناها مهدأ ونامت خايفه اذا تصحى وتعرف الخبر والله تموت،زين خاله حسام اكيد وياهم يعني راح الولد
همام:١٧٠٠شهيد رايح ديگولون وحسام ماكو يعني كلهم ماتوا 💔
_مرت ايام واهل هاله يحاولون الكذب على هاله الى ان تتحسن فكانت كلما صحت وطلبت حسام يقولون لها انه اتصل،واذا انهارت احضروا لها المهدئات كي تنام،اما اهل حسام(همام وابو حسام وامه)ضلوا يبحثون عن ولدهم لكنهم فقدوا الامل في رجوعه ،وايقنوا انه تـم دفنه مع الشهداء في المقابر الجماعيه ،اخذت حاله ام حسام وابو حسام بالتدهور ،ف ام حسام كان يغمى عليها باستمرار من شدة الالم والعذاب على فقيدها 💔،فبدأ العزاء ومراسيمه
في بيت هاله...
ام هاله:متريدين اتشوفين ابنج عاد الحد الان مشلتي ورضعتي ،خالته يم هبه يصير هيج؟
هاله:لا مااريد مااشوفه الا يجي حسام ونشوفه سوه،بعدين انتي وين دتروحين كل يوم وشبيج تبجين
ام هاله:كنت ابيت ابو حسام
هاله:انتي رحتيلهم ،وهمه جبت بالجذب مرفعوا عليه خط وسألوا عليه هاي صارلي ٥ايام،ماما احجي شصاير حسام بي شي مو
ام هاله:ماعرف شكولج كلت تتحسن وأگوللها
هاله:احجي ماما احجي ،كملي وكوليلي شبي رجلي
ام هاله:(بخوف وبكاء)داعش دخلوا القاعده سبايكر وقتلوا اكثر من ١٧٠٠شهيد حسب ميگولون،ونجى كم واحد ع الاساس بس الاغلبيه ماتو وحسام...
هاله:(بصراخ وانهيار)لا لا لا لتنطقيها حسام ممات ميموت ميعوفني ويعوف علي ويروح هو گلي ارجع والله ماما والله گلي ارجع ومااعوفج وحدج ومااعوف ابني،هو ميكدر لان يحبني ،لتكذبون عليه ولتفاولوا هيج ،هو هسه هسه يجي صدگيني يجي
ام هاله:(بغصه وبكاء)اهدي ماما فدوه العينج ،هذا امر الله
هاله:(بأنهيار)لااااا لتكولين امر الله،الله ميريدلي العذاب ومياخذه ويحرگ گلبي علي ،اني تعبت بي ،ميروح هيج ويعوفني،كومي كومي اخذيني اله هسه الگا بالبيت منتظرني ومنتظر ابنه،ادري من يرجع من الدوام يرجع تعبان وميكدر يطلع الهذا مكدر يجيني امشي وديني اني اروحله
ام هاله:يلا گومي💔
_اخذت ام هاله وهبه ،هاله وابنها وذهبوا الى بيت اهل حسام فعندما وصلوا..
هاله:هذا المن الچادر اللي بالباب المن
_نزلت من السياره وهي تصرخ
هاله:(بحرقه وصراخ)وخروا هذا حسام هنا موجود ممات حسام حبيبي تعال اطلع گوللهم اني موجود مسويلك چادر ومفاولين عليك انو ميت
_بدأت النساء تهدأ بهاله، وادخلوها للبيت
هاله:وخروا من يمي وخروا خل اصعد الغرفتي حسام دينتظرني ،هبه جيبي علي وتعالي خل يشوفه ابو اكيد مشتاقله
_صعدت هاله على الدرج وهي تركض وامها وهبه والموجودين من الاقارب صعدوا ورائها ،فدخلت للغرفه ولم تجد احد
هاله:(وهي تناديه)حسام حسام مو دااصيحلك وينك متجاوبني تعال شوف علي جبته الك ،حسام وينك ،يجوز جوه خل ادور بالبيت علي
_اخذت هاله تبحث في البيت وهي كالمجنونه تبحث عن زوجها 💔
لكنها لم تجده
(عندما نصطدم بواقعنا المرعب الذي يحاول قتلنا وسرقة اقرب شخص منا ،نلتجأ الى توبيخ وتكذيب ذلك الواقع ،ونبدأ رفضه بكل الطرق ،ربما لا نكتفي بذلك فأحياناً نتهجم على من يصارحنه به،ونبدأ بمسيره التغافل والرفض كي لا نواجهه ونقع ضحيته بالاخر،
نعم قل لهم ان يكذبوا علي،قل لهم ان يقولوا لي انك لا تتركني،لا تجعلهم يواجهوني بحقيقه غيابك التي تحرقني بالكامل،انا اريد ان اعيش بكذبه معك ،ولا أن ارافق واقعي بدونك،
خبروني عن حبه لي ولا تطعنوا قلبي بمرارة هجرانه ف أنا تلك التي تختنق بالهواء اذا افتقر ذلك الهواء انفاسه💔)
