ام هاله:ابتسمي عاد كافي گالبه خلقتج وشويه وتبچين
هاله:امثل يعني ماما اني دااموت
ام هاله:هاله ادري بس ميصير هيج الخاطرنه ابتسمي
هاله:هو همام هم حيبچي
ام هاله:لالا الولد قبل ع شروط ابوج
هاله:هو محد طيح حظنه غير ابويه وشروطه دمرني دمار ،وبعدين منو يكول اني اوافق انو اكون زوجه الهمام
ام هاله:كله المصلحتج وبعدين تفتهمين هالشي
هاله:اي اي ادري😒،المهم وين هبه
ام هاله:مادري يجوز بالمطبخ ،هاا هاي اجتي تعالي هبه
هاله:وين كنتي
هبه:امم رحت عدلت مكياجي ،بعدين اليوم حياخذوج وياهم لو شنو الفلم
هاله:شمدريني اني واصلا ميهمني
هبه:عدلي خلقتج عاد😊
ام هاله:اي اليوم تروح وياهم هاهيه گطعوا المهر
هبه:اهاا بالخير عليج حياتي واتمنالج كل السعاده
هاله:اي سعاده 😒
هبه:ميخالف حياتي شويه شويه تتقبلي
_ذهبت هاله مع بيت زوجها همام 💔وكان الجميع حزين ع الذي يجري خصوصا همام وهبه وهاله..،دخلت هاله الى غرفتها الجديده غرفه همام دخلت للمره الثانيه الى ذلك المنزل عروسه لكن لرجل اخر ،في المره الاولى لرجل كانت تتنفسه عْ ـشّـق وكانت السعاده تغمر قلبها،اما للمره الثانيه دخلت كالميته 💔
ام حسام:هالايام خلي علي يمي ينام اريده
هاله:لالا خاله يبجي بالليل خلي يمي
ام حسام:انتي عروسه وهاي ليلتج
هاله:خاله شو انتو مكذبين الكذبه ومصدگيها
ام حسام:مو كذبه برأيي صار رجلج وخلاص بعدين نسيتي وعد همام الابوج،وثاني شي حتى لو كانت كذبه مصيرها تتحول حقيقه،وشي ثالث لتخافين علي حتى لو يبجي مستعده اسهر ويا عمري كله هذا حفيدي الوحيد وابن الغالي
_ذهبت ام حسام واخذت علي معها
هاله:اويلي اي ابن الغالي والغالي من راح دمرني دمار ورى ،اخخخ حسام لو تدري شديصير بيه وراك اني بأمتحان صعب ،بين نارين صايره ،لا اكدر اتقبل شخص غيرك واحسها خيانه الك ولا دااكدر ابعد نفسي واعيش وحدي،حبيبي حتسامحني مو والله مو بيدي كل اللي ديصير صدگني ،اني وعدتك انو انت الوحيد اللي حبقى احبك طول عمري ووراك حعيش مجرد جسد بروح ميته
_في حوالي الساعه الثانية عشر ليلاً رجع همام الى المنزل وفتحت امه الباب
ام حسام:اشوف لو بايت برى احسن مو عيب من البنيه عايفها بيوم عرسها وحدها
همام:شكو يمه كأنو مصدكه انو هي عروسه واني عريس
ام حسام:هاي شبيكم نسيت الوعد اللي انطيته الابوها لو انت مو كد كلمتك مثلا
همام:افففف ياربي هو اني بعد لا حول ولا قوه هيج مجرد انسان اسوي اي شي تريدوا مني
ام حسام:اتصور اني كتلك اذا متحب تزوج بطل وانت كتلي لا وحكون زوج الها واحاول اسعدها وكلت الابوها هيج هم شنو اتغير هسه
همام:اوف اوف منو يفهم اوك يمه تأمرين بس عوفيني وخل انام
ام حسام:وين تنام اصعد فوك ونام بغرفتك يم مرتك همام لتخليني بموقف حرج
همام:ياااربي شلون حيخلوني اشك هدومي صاعد وخل اشوف تاليها
ام حسام:ابني هاله ورده مال اللّـهہ. بنيه كامله مكمله من كلشي ديربالك عليها وخليها بعيونك
همام:يمه هاي زوجة اخويه حسام 💔
ام حسام:(ببكاء)الله يرحمك يمه ،اخخخ يا ناري عليك اللي مدتنطفي ،يمه اخوك راح وخلالك امانه ،هسه هي متخصه اله اتخصك الك لان صارت مرتك
همام:يمه اني صاعد ومادري اذا هالشي حيريح حسام لو يأذي
_صعد همام الى غرفته وطرق الباب ،ودخل ..
_كانت تجلس على السرير فجلس بجانبها
همام:(بتلبك ولا يعرف من اي حديث سيبدأ) ها منمتي
هاله:لا بعدني
همام:اها ،زين ،هاله
هاله:نعم
همام:احنه من يوم اللي امي فاتحت اهلج بموضوع خطوبته متخاجينه ومعرفت رأيج بالموضوع شنو
هاله:شنو المفروض يكون رأيي برأيك
همام:اني ادري هالشي صعب عليج وعليه ،واحنه الاثنين قبل چنه كولش اقراب عن بعض واصدقاء كولش بس هسه كولشي اتغير وفجأه ،صح ممكن انو مااخذ مكان حسام وهالشي اكيد ،بس انطيني فرصه انو عالاقل اوفي بوعدي الاهلج
هاله:احنه كل حياتنه اني وياك انفرضت علينه بوعود وقرارات مالنه اي ذنب بيها ،بس بما انو كنت ع ذمتك لازم اتحمل واصبر لان بعد حرام عليه ،هه ممكن حتى حرام انو افكر بحسام وهالشي اللي كان ايأذيني ويدمرني انو حتى حسام بعد ماافكر بي لان صرت ع ذمة غيره
همام:لا هاله لا اني ماامنعج انو تفكرين بحسام وادري بيج شكد اتحبي وهو هم يحبج ،اني مو غريب عنج ولا شخص مااعرف شكد جان اخويه ايحبج ،شكو شي بقلبج احتفظي بي واتذكري لان هالشي مو بيدنه
هاله:همام انت انسان عظيم ،وتستاهل مره تكون تحبك وتكون بس الك وكلشي اتحس بي هو يكون اتجاهك والك مو الغير احد ،اني اسفه لان انفرضت عليك
همام:اني هم انفرضت عليج بس اكيد بمرور الوقت حنتقبل بعض
هاله:تكدر تنطيني وقت؟
همام:اكيد لان اني هم بحاجه الهالفتره 😊
_مر حوالي شهر ونصف وحاول همام ان يعيش مع هاله كحياة الازواج الطبيعيه لان والدها كان دائما يذكره بوعده له ،وهاله لا تستطيع ان تنسى ولو ليوم واحد حسام وكانت كالضحيه لكل ما يجري لكنها حاولت ان تعيش معه وتتقبله كزوج لترضي الله ،فتقرب الاثنان من بعضهم ،اما هبه لا زالت تتعذب وتخفي المها وتحاول ان تتعايش ،وكلما مرت من جنب همام يحني كل منهم رأسه ويحاول ان يتناسى مشاعره
لكنهم في الداخل لا شيء يتغير في قلوبهم فالكل يحتفظ بالشخص الذي يحبه بداخله ويعيش مع من انفرض عليه
هاله:همام يلا گوم مو كتلي كعديني من وقت
همام:اييي كمت بيش الساعه
هاله:بالسته ونص
همام:ماشي بسبعه كعديني
هاله:اففف دكوم عاد
همام:خوش گمنه ،،صباح الخير😌
هاله:صباح النور يلا نازله احضرلك الريوگ
همام:اوك واني ادخل اسبح وابدل
هاله:يلا ماشي بين متطلع كلشي جاهز
همام:فدوه الايدج هلول 😌
هل جربت ذلك الشعور من قبل؟هل جربت ان تعيش بصراع طاحن بين قلبك وواقعك ؟هل جربت تلك المعركه وضجيج الضحايا التي تقتل بداخلك؟
لا اتعرف لاي واحد سترضخ ولا لاي قائمه ستنتمي ،ألقائمه الذين يعيشون بقلبك ؟ام لقائمه اولئك الذين فرضتهم عليك قباحة الضروف؟
ستعيش بحاله اخرى من تأنيب الضمير المستمر ولا تعلم اي واحد منهم قد تكون خذلته وخنته ،ألذي بقلبك؟ام الذي يعيش معك تحت مسمى الارتباط القاتل؟
تلك هي متاهة الموت البائد التي تعذبك في خارجها القبيح وفي باطنها المميت 💔
_بعد مرور ٩ اشهر...
هاله:علي گـافي عاد ماما شنو هالوكاحه مو بابا وجدو ديرتاحون بالصاله لتصير وكح ،وكسرت ضهري انت توسخ واني وراك الملم
ام حسام:گـافي عاد ماما هاله،اكعدي انتي حامل والتعب مو زين عليج
هاله:شسوي الهذا المخبل موتني تعال عاد
ام حسام:ههههه فوتي وكلي جوعان متغده زين من الركض😁
هاله:تعال حبيبي خل اوكلك،خاله كأنو الباب دتندك
ام حسام:منو جاينه بهالضهاري خل اطلع اشوف
_خرجت ام حسام كي تفتح الباب وهاله في الداخل تطعم ولدها اما همام ووالده في الصالون كانوا نائمين فسمعت هاله صراخ ام حسام
ام حسام:(بصراخ وبكاء واستغراب)يمه حسام فرحة گلبي رجعت
