_في المساء وبعد ان اكتمل الحفل خرج حسام وهاله الى مطعم كي يتناولوا العشاء
حسام:هالي حبيبي فرحانه
هاله:لعد شلون مفرحانه مااعتقد اكو انسان هسه بفرحتي
حسام :لا اكو
هاله:منو
حسام:اني 😍
هاله:هههه الله عاد يتممها ع خير وميصير شي يخرب فرحتنه
حسام:لتخافين حياتي كولشي ميصير
_اتممنا العشاء وبعدها قمت بأيصال هاله الى بيتها ،وقمت بالاتصال بها في الطريق واستمرينا في الحديث الى آﻦ وصلت الى البيت وصعدت الى غرفتي
هاله:حبيبي روح بدل عاد وارتاح ونتخابر من نزلتني الحد موصلت احنه نحجي😁
حسام:شنو مليتي مني
هاله:اكيد لا بس غير ملابسك حتى ترتاح ياعمري
حسام:اوگفي هاي الباب دتندگ ،،منو
همام:هذا اني ممكن ادخل
حسام:اي تعال،هالي حبيبي اوك ابدل ونتخابر
هاله:اوك حياتي باي😘
همام: اگـِول حسومي الف مبروك حبيبي وشايف كل الخير
حسام:حبيبي خير اللي يصيبك ويوم الافرح بيك
همام:امين
حسام:امممم ترى باركتلي اليوم هوايه خيرك؟ معقوله جاي هسه هم حتى بس اتبارك
همام:اي شبـْ�ـٍَْـيْـك لعد شعندي قابل بس غير فرحان بيك
حسام:هههههه حبيبي اتشاقه وياك
همام:هههه اكول ،،اليوم الحفله كولش حلوه
حسام:اتخبل جانت واحلى شي بيها هالي چانت مثل الملاك
همام:اي وهاي البنيه اللي وياها التشبها هم چانت طالعه حلوه
حسام:يابنيه
همام:هاي اللابسه ماروني
حسام:هااا لك اي غير هاي اختها هبه
همام:هاااا هاي هي هبه ،ماشاء الله اتخبل
حسام:امممم المبروك وصلت ،وسؤالك عن هبه هم وصل ولگيت اجابته بعد شعندك
همام:لالا مو قصدي اسأل هاي شبيك مجرد دندردش
حسام:اي اي ادري بيك،و ع سبيل الدردشه هم ترى هبه مخطوبه ماشي؟
همام:صدوك😳
حسام:اي ليش متدري ولو انت مو بحالنه حاير بالبنات العندك
همام:يلا يلا حنزل وانت خابر هاله وسلملي عليها😒
_في بيت هاله..
هاله:ممكن ادخل
هبه:تعالي حياتي
هاله:امـم دخلت من يم غرفتج وسمعتج دتتعاركين وصوتج عالي خير شصاير
هبه:ويه هذا صخمان
هاله:صدك تعالي شنو ذبيتي الحلقه بوجه مروان شنو هالحجي
هبه:اي وبعد مااريده لو يصير ملاك منزل من السماء
هاله:ليش ليش
هبه:دخلي يولي هذا الخاين النذل
هاله:خاين😳ليش شصار
هبه:لج لگيت بجهازه رسائل بنات وهو هم مراسلهن وكله غراميات
هاله:عزه ،زين هو من يجيج غير يعرف حتبحوشين بجهازه
هبه:لج لا نزل من السياره ديجيبلي مي وفتحت الچكمچه مال سياره لكيت بيها تلفون مااعرفه اتخبلت اخذته لكيته خاله صامت فتحته والگالج الرسائل ،فوكاها يكولي شلون اتفتشين باغراضي بعد ماعنده شي يكوله كام يجفص
هاله:صدك لعد هذا صخمان وحقير ،انتي من البدايه مرايدته واجتج عدله مو؟
هبه:هههه اي حتى اگـِْول البابا شوف اختيارك التعبان😁
هاله:هههه لتضوجين حياتي ماكو شي يسوه ويجوز فاهمه غلط
هبه:ضايجه شنو بالعكس افتكيت منه وعندي عذر ،بعدين لا فاهمه صح وكولش صح اكثر من الشفته بعد ششوف 😒
_فاتحت هبه اهلها بالموضوع وطلبت فسخ خطوبتها،بعدها تــَـَم فسخ الخطوبه اما حسام وهاله فاتمموا امتحاناتهم ونجحوا ،وكانوا في هذه الفتره سوياً لا يفترقا وبدأ حبهم يزداد اكثر واكثر اما حسام بدأ يشتغل بعد الدوام كي يجمع فلوس الزواج
_بدأت المرحله الرابعه وانتهت في يوم النتائج..
هاله:سمسم حبيبي انت روح اخذ النتيجه اني اخاف
حسام:لتخافين حياتي اكيد ناجحين واتخرجنه
هاله:منين جايب برود هالاعصاب ماادري دروح شوفها
حسام :اوك اوك بس جاي اخذج ونروح سوه ترى مااروح
هاله:اففف امري لله يلا تعال
_جائني حسام وذهبنا الى الجامعه معاً صعدنا واستلمنا النتيجه ونحن على اعصابنا خصوصاً انا كنت متوتره جداً لكن حسام كان يحاول اخفاء قلقه ،
هاله:عاااا حسام انت ناجح كللوش واحلى محامي بالكون
حسام:عاااا وانتي هم حياتي اخيراً حنتزوج هوووو
هاله:ههههه لك نصي صوتك فضحتنه
حسام:خلي يعرفون حتصيرين مرتي هوووو
هاله:فدوه نصي صوتك
زملاء حسام:لك الف مبروك عريسنه
حسام:اللّـهہ. يبارك بيكم
_بعد النجاح تــَم تحديد موعد زواجي بهاله ،كانت تلك اللحظات
اشبه بلحضات دخول الجنه فرحه وشعور لا يوصف اخيراً وبعد حب ٤سنوات سأجمع مع من احببها قلبي بكل صدق ،كانت هاله كالاميره بفستانها الابيض ،جمالها لا يصدق ،
حسام:اني دااحلم تعالي كرصيني
هاله:دگرصني انت لان حفقد الوعي😁
_اكتمل حفل الزواج وذهبوا الى الفندق
حسام:لك هلا اخيراً حتنسد علينه باب وحده😍
هاله:صير حباب واكعد بأدب ها ترى الم عليك امه محمد كلها
حسام:اي ليش لا صارلي ٤سنوات شيبتي گلبي انتي واهلج وهسه تكولي اكعد عاقل والله يالله ،شو دتعالي
_واخيراً اصبحت هاله لحسام لكن هل هذه القصه ستنتهي بهذا الفرح او ستسلك طريقاً اخر ؟!!
بعد مرور شهرين...
هاله:الو هباوي تعاليلي للبيت هسه
هبه:ليش حبي شبيج
هاله:عندي بشاره الج
هبه:هسه جايه
_ذهبت هبه الى بيت زوج هاله ودقت الباب ففتحها همام
همام:هلا هلا نور البيت
هبه:بخجل)) النور نورك وين هاله
همام:فوگ بغرفتها ،مكلتيلي شلونج
هبه:الحمدلله وانت
همام:تمام من شفتج
_في هذه الاثناء جائت هاله
هاله:يومه هلا بحبيبتي شلونج
هبه:الحمدلله حياتي انتي شلونج
هاله:تمام ،شبيها وجوهكم حمر صايره🙄
هبه:😳لا لا حمر شنو ،يلا امشي نصعد فوك
_صعدنا الى الاعلى
هبه:هيج اتخجليني كدام الولد
هاله:احسه معجب بيج وانتي هم مو لو مو مو😉
هبه:عوفي احاسيج لا مومو ماكو هيج شي،بعدين شنو الشي اللي ردتي اتگوليلي عنه
هاله:اني حامل🙊
هبه:عاااا لالا جذابه بربج يعني اني حصير خاله هووو
هاله:لج صوتج بعد لا حسام ولا اي واحد يعرف بس انتي
هبه:لج ممصدكه خرب وليش مگلتيله
هاله:اريد اسويله مفاجئه نطلع واگوله
هبه:اي اي اكيد حيفرح
هاله:ييي اكيد
_في المساء جاء حسام فأخذته وخرجنا كي نتناول العشاء خارج المنزل
هاله:حبيبي اذا صار عدنه طفل حتفرح مو
حسام:شنو هالسؤال البايخ اكيد اطير من الفرح🙄
هاله:ها سؤالي بايخ مو دروح مو صوجك صوج اللي تريد تحجيلك😒
حسام:هههه سوري حبيبي اي گولي
هاله:لا مااگول😒
حسام:لج هاله يعني بس لا انتي😳
هاله:اي اي اني حامل وحتصير اب😍
حسام:لالا صدك اني اب بأبن منج😳ياااربي
هاله:صوتك العالم دتباوع
حسام:امشي امشي كومي منا خل نطلع
-اخذ حسام هاله وخرجوا من المطعم وهو بكامل سعادته ،وهي تضحك عليه وفرحانه
_في المساء
همام:اني هاي عاجبتني واريدها ياللهي شلون اصارحها كومه صارحت بنات وعادي بس هاي ليش استحي منها يا ربــي
اففف احسن شي ادخل ع اصدقاء هاله اكيد ضايفه هبه وادخل احاجيها
_ارسل همام الى هبه طلب صداقه فوافقت عليه ،بعدها اصبحوا اصدقاء وبدأو يتكلمون سوياً لكنه لا يصارحها ،فقط اكتفى بالتلميح لها ،فالاثنان وقعا بحب بعضهم❤️
بالمناسبه كان همام خريج معهد تكنولوجيا،وهبه طالبه تربيه مرحله ثالثه
_بعد مرور ثمان شهور
حسام:اني صار لازم انزل حبيبي
هاله:حسام اخاف اجيب وانت مو يمي فدوه لتروح قلبي ممطمن والوضع مو زين وداعش گابه هناك بتكريت
حسام:لتخافين حياتي المكتوب يصير واني حالي حال كل الشباب كلهم عدهم اهل وزوجات بس الوطن محتاجلنه شنسوي
هاله:بس اني حدخل بشهري وممكن اجيب
حسام:لتخافين قبل متجيبين اني هنا مااخلي ابني يجي واني مو يمه
هاله:حشتاقلك دير بالك ع نفسك
حسام:حياتي كافي لتبچين
هاله:ممرتاحه 💔
حسام:اوووف گولي يالله وادعيلي وصدگيني اجي مااتأخر ومااعوفج
هاله:اوعدني
حسام:مااكدر اوعدج اني رايح ومضامن حياتي وتعرفين احنه اكثر ناس مضامنين حياتنه،هالي اذا اجه ابني وملحگت اجي يعني اذا اتأخرت او جبتي من وكت گوليله انو ابوك يحبك ويموت عليك
هاله:شفت شفت يعني محتجي ليش تقهرني كتلك لتروح
حسام:حياتي دااكولج اذا اتأخرت ويجوز انتي اتجيبين قبل وقتج مو
هاله:اني احبك شيل هذا الدعاء وياك يحفظك وديربالك ع نفسك علمودي وعلمود علي ابنه ماشي
حسام:تعالي بحضني ❤️
هاله:اخخخ
حسام:كافي عمري كافي حتخوفيني اني هم قابل اول مره اروح
هاله:لا حبيبي خلاص الله وياك💔
_ضل قلب هاله بنار ولم ترتاح ابدا
(فالمصائب تحرق قلوب العاشقين قبل وقوعها💔)
_بعد حوالي اسبوع دخلت هاله بشهرها التاسع وكانت خائفه ان تلد قبل أن يأتي حسام
حسام:الو حياتي دخلتي بشهرج مو
هاله:اي انت شوكت تجي
حسام:بعد مصارلي اسبوع ومتشددين علينه كولش هنا
هاله:يعني شنو مااشوفكً واجيب وانت مو هنا مو وعدتني تجي
حسام:بلكي احاول حياتي والله امري مو بيدي
هاله:اوووف يالله
_بعد مرور ٩ايام كانت هاله قد احست بالام في هذه الاثناء هي كانت ببيت اهلها لان ولادتها اقتربت،وكانت تتصل بحسام لكن هاتفه خارج التغطيه لمدة يومان ،فكانت النار تغلي بقلبها،وبدأت بالصراخ
هاله:ماما الحگيلي الم مدااتحمل حموت
ام هاله:هبه صيحي ابوج خلي يحضر السياره اختج حتجيب
_احضر ابو هاله السياره وتم نقل هاله الى المستشفى ،
هاله:(بصراخ)حسام حسام
ام هاله:ماما اهدي فدوه اهدي
الطبيب:دخلوها الصاله العمليات بسرعه
هاله:لا ماما فدوه جيبولي حسام كال من اتجيبين اني يمج
ام هاله:هسه اخابره حبيبتي
_دخلت هاله الى صالة العمليات ،وام هاله تتصل بحسام لكن جهازه مغلق ،
ام هاله:ياللهي الولد بس لا صار بي شي ياربي ميكون بي شي ياربي كون ويه بنتي وزوجها
_بعد مرور ساعه..
ام هاله:ها دكتور بشرنه
الطبيب:الف مبروك جابت ولد ويتربى بعزكم
ابو هاله:وبنتي شلون صحتها
الطبيب:بعدها بالبنج وحالتها مستقره شويه وتصحى
_بعد مرور ساعه رن هاتف هاله
ام حسام:هاله يمه وينج اخابر عليج متجاوبين
ام هاله:يا ستار ياربي شبيج ام حسام اني ام هاله شبي صوتج
ام حسام:ابني ابني ام هاله
ام هاله:(بصدمه)شبي
ام حسام:اخابره وماكو وهسه مدتسمعين الاخبار وشصاير بقاعده سبايكر
ام هاله:لا شصاير اني مو بالبيت ،بالمستشفى هاله جابت
ام حسام:جابت؟جابت وابو الولد مو يمه
ام هاله:استهدي بالرحمن وكافي بجي خل افتهم منج
ام حسام:اريد اعرف من هاله ابني نزل للبيت لو لا لان اذا بعده هناك معناها راح مني وجهازه مغلق ولج دااموت اني
ام هاله:ياربي دخيلك ،هاله متدري شي عنه ولا كالت نزل بس ضاله بنار لان يومين تخابر علي وماكو ،فدوه العينج اهدي وخل نتأكد من الموضوع
