هاله:هلو خاله
ام حسام:هلو حبيبتي بشريني شقررتي
هاله:ليش هو اني بقالي قرار ،بعد حسام كل الدنيا صارت تقرر عني وتخطط حياتي بيدها
ام حسام:بنتي هذا امر الله لا بيدي ولا بيد ابوج ولا بيد اي احد الصار واللي راح يصير ،اني حالي حالج وكلنه قلبنه مكسور،ادري القرار صعب بس لو تفكرين محتلگين غيره،وانتي مثاقه من انو اللي حتزوجي غير همام حيكون خوش انسان وياج وويه ابنج،بس عمه حيكون علي مثل ابو ،وبصراحه اكثر احنه وحتى حسام بتربته ميقبل ابنه يربي اي بشر غريب ،اما اذا انتي تگدرين تعوفين ابنج وتروحين تشوفين حياتج هاي تبقى من حقج ومحد يگدر يمنعج
هاله:لالا خاله لو اموت مااگدر اعوف ابني،هو الشي الوحيد اللي طلعت بي من الدنيا ،اي شي اسوي في سبيل ابقى يمه واربي واكبره
ام حسام:واني هم اريد هيج يلا گولي يالله ووافقي
هاله:زين وهمام شگال
ام حسام:وافق علمودج وعلمود اخو وابن اخو ،همام مو اناني وفكر بيكم وبينه قبل نفسه
هاله:اوك خاله اللي اتشوفي
_غلقت هاله الهاتف وهي قلبها يحترق فجلست تبكي وذهبت تنظر الى صوره زواجها هي وحسام
هاله:من رحت لليوم اني دااموت وهاي اليوم حتزوج اخوك،ماعرف ليش مخنوگه دااحس اخونك بس والله حبيبي مو بيدي كله غصب عني ،انت تدري شكد احبك واضل للموت احبك ومااحب احد غيرك ولا حيدخل الگلبي انسان غيرك،اخخخ لو ترجع وترحمني من هالعذاب والحيره اللي اني بيها،بس ارجع وكلشي يتصلح ومحد اله اي حق يتحكم بيه وبمصيري،مكنت اتخيل انو بعدك هيج حنذل ،حسام من رحت اني انكسرت ،والله الف كسره والف الم بيه ،وفوگ كل هالشي محد ديرحمني ولا اكو احد ديحس بيه،بس اني مستعده الخاطر علي كلشي اسوي ،حتى لو كلفني هالشي حياتي
_في هذه الاثناء دقت هبه الباب على هاله
هبه:اكدر افوت
هاله(مسحت دموعها):اي هبه تعالي
هبه:شو مطلعه الصور وكاعده
هاله:ليش هو شبقالي غيرهن،شوفي هبه هاي صورتنه بالخطوبه ،تذكرين من كنت خايفه وكل شويه اكولج اخاف مااعجب حسام
هبه:هههههه بيومها اتخبل من شافج
هاله:هههه اي وباعي هاي صورة تخرجنه ،چان فرحان ويكولي هم حتخرج وهم اللي احبها واموت عليها يمي وفوكاها خطيبتي،اكيد هسه الناس كلها حاسدتني ههههه كان يضحك وفرحان ممصدگ روحه ،وهاي صور عرسنه جان كل شويه ذابله كلمه وارزل بي گال كافي مرمطتيني ترى اليوم عرسي وبكيفي احچي هههه
_كانت هاله تضحك بعدها تذكرت فراقها لها وتحولت بسمتها لبكاء
هبه:يلا هلول مو اتفقنه بعد ماكو دموع
هاله:مو بيدي هبه،فوگاها اليوم جايه ام حسام وخاطبتني الابنها هاي النوب مصيبه لخ
هبه:اي ووافقتي
هاله:لعد شسوي احسن مااروح الغريب واعيش ويا كزوجه عالاقل زواجي م̷ـــِْט همام بس ع الورق
هبه:يعني وافقتي😳
هاله:عندج غير حل،هبه انتي اخاف اتحبين همام احجيلي
هبه:ها لالا الف مره كتلج لا احبه ولا اريده
هاله:اكيد هبه
هبه:اي اكيد يلا حروح الغرفتي اقره
_ذهبت هبه الى غرفتها وهي بالكاد آﻦ تلتقط انفاسها فأتصلت بهمام
همام:ها هبه
هبه:اشوف گمت مترد بعد ع تلفوناتي وصار اسلوبك ؤٌيَايه مو مثل قبل معناها وافقت ع الزواج مو
همام:هبه لتزيديها عليه عاد
هبه:(ببكاء)همام وافقت؟
همام:حنتزوج بس ع الورق
هبه:يعني لهنا حبنه انتهى مو
همام:(بصراخ)كافي عاد الله يخليج ارحميني يعني متكولين منين اتلگاها منج ومن حبج لو من امي لو من ابويه لو من اخويه حسام العافني وراح وخله امانه برگبتي هالكبرها،يعني شلون اكتل نفسي حتى الحگه وارتاح واريحكم
هبه:خلاص همام خلاص ماكو داعي تصيح،روح شوف حياتك واني مااوگف بطريقكم ابد لان اعرف اختي شكد اتأذت وشكد محتأذه بهالفتره اكيد محتكون أذيتي بكدها لازم اضحي لان ماكو غير حل ،الاطلبه منك تنساني للابد وتنسى كل لحظه حلوه مرت بيناتنه ولتباوعلي بعد بغير نظره انو اني اخت مرتك،امسح رقمي وكل اللي عشنا لازم ننسى
همام:بس اني احبج
هبه:واني احب اختي ومااريد تتأذه بعد،والاطلبه منك انو اتخليها بعيونك وزواجك منها هم يكون كامل،حاول تخليها تتقبلك وتگدر تنسى القهر العاشت بي لان مشافت شي يريح ابد وهواي اتبهذلت واني اكثر انسانه اعرف بهالشي
همام:لا هبه لا اني احبج وزواجنه بس ع الورق شلون اگدر اعوفج شلون
هبه:همام هالحجي الحجيته بعد ماريدك اتعيده لان مو من حقنه انو نحجي بعد،واذا فعلا حبيتني حقق مطلبي منك وساعد اختي،لان هاله شكنت اطلب منها تنطيني ومافديوم بدت نفسها عليه بكلشي واجه دوري اوگف بجانبها،همام الخاطري ساعدها ادري فقدت الامل بحياتها بس هالامل انت ممكن ترجعه الها اعرف طيبه قلبك اني ارجوك ساعدها ارجوك
همام:كاافي تبچين ،يلا هبه اشوفج بخير ولتنسين انو اني حبيتج اكثر من كلشي بهالحياة وحبقى احبج ،ححبس حبچ بداخلي ومستحيل انسى اي كلمه حلوه او اي موقف صار بيناتنه،اتمنالج السعاده ويه غيري ،مع السلامه
_اغلقت هبه الهاتف ،وكان قلبها وقلب همام يحترق فأخذ الاثنان البكاء بشده والم
هبه:واني هم احبك يا ربي ساعدني وخليك ؤٌيَّآيه ساعدني انسى واطلعة من گلبي وانسى حبه خليني اعدي هالشي اخخخ يا ربي گلبي ديحترگ اغسله من گلبي وخل ارتاح وانطي الاختي الراحه واسعدهم
احيانا قد نعاني الظلم بسبب اناس ،واحيانا نعاني الذل من احدهم،احيانا نُهجر واحيانا نُكسَر لكن كل تلك العوامل قد ترحل وتتبدد اذا كانت من اشخاص ربما في مرور الوقت قد نسترجع ثأرنا منهم او قد يشربون من نفس الكأس الذي شربنا منه وجربنا مرارته فتنطفئ بنا نار الحقد والكسران الذي عانياها منهم في الامس،لكن ماالذي سيحصل اذا كان ذلك الكسران والخيبات من تأثير عواصف الحياة التي لا نستطيع صدها وتجعلنا نرضخ لها بكل الم واستسلام،تتلاعب تلك العواصف بعدادات حياتنا كحاكم يتلاعب بشعبه الضعيف الذي لا يستطيع صده،تلك هي الاهات اللا متناهيه التي تسلب منا ارواحنا امام اعيننا ونحن بكل ضعف لا نملك قوة ايقافها 💔
_مرت ايام وهبه تعاني لوحدها ولا تظهر ضعفها وحزنها امام احد خصوصاً هاله،كي لا تشعر بها وهي تشك بحبها لهمام،حاولت ان تضاهي ذلك الالم بداخلها من اجل ان تستعيد البسمه لشفاه اختها مره ثانيه ❤️
ابو حسام:يلا صار لازم نروح نخطب هاله ونسرع بگطع المهر والزواج ماكو داعي الهالتأخير
ام حسام:هسه اخابر ام هاله اكولها حنجيكم باجر وناخذ سيد ويانه نگطعلهم مهر ونفضها
ابو حسام :الله كريم ولو الولد معاجبني حابس روحه ومديطلع من هالغرفه
ام حسام:ليش هي سهله سوده عليه ذاك مات بعز شبابه وهذا اتحمل الضيم والقهر
