ابو هاله:خلي يجون والله كريم
هاله:بس امه اجتي ٥مرات يعني خل نخلي نفسنه بمكانهم انت نفسك تقبل ماما تروح تخطب بنيه اكثر من مره
ابو هاله:والله عاد بكيفهم خلي ليجون بعد احسن هاي فوكاها
هاله:لالا بابا مو قصدي بس اذا اجتي هالمره مو هم نرفضهم ترى المره حتى استحت
ابو هاله:اگولج شو انتي طالعه عينج هالايام ودتتمعشقين كدامي
هاله:ها لا بابا بس انت مو تريد اتزوج ،عالاقل هالولد اعرفه احسن من اللي مااعرفهم 😕
ابو هاله:دصعدي الغرفتج اصعدي ،بنات اخر زمن
هاله:هههه ٱפگـ حبيبي امووواه احلى اب بالدنيا😍
_صعدت الى غرفتي واني بكامل سروري عندما رأيت ابي مبتسم وكأنه وافق على حسام ،بعدها اخذت هاتفي وأتصلت به
هاله:حبيبي حبيبي ابشرك بابا گال خلي يجون 😍
حسام:(بلهفه)الله عليج يعني اخيراً اقتنع
هاله:ايييي خلي خاله تجي باجر فدوه لان مصدگنه
حسام:اففف النوب امي گالتلي بعد لتگولي روحلهم لان اخر مره بالتواسيل يلا دزيتها اتگولي شو ماعدهم احترام وهالمره گالت انسى الموضوع وبعد لتفاتحني بي
هاله:لا حسام عفيه ،اقنعها واكدلها انو هالمره حيقبلون حباب اقنع عمو هم ادري اهلي كولش زودوها ،بس شسوي غير هالضروف صادفتنه
حسام:اكيد حقنعها حبيبي هو اني علمودج ماكو بشر متوسلت بي مبقى بس اروُح ابوس ايادي
هاله:ايباااه بس انت عالاساس اتوسلت ،شو اني وصلت بيه انو اوگف بوجه بابا والا شويه اگوله احبه واذا متنطيني اله انتحر
حسام:ليش بعدج مگايلتله،لا يا نذله عبالي كايلتها ورايحه من زمان ،جان هسه وافق من اول مره متوقعتج هيج هاله روحي زعلت منج طلعتي متحبيني
هاله:هاي صدك يعني؟
حسام:هههه لا حياتي دااوگف گلبج شويه بس مهان عليه😁
هاله:اي مو هو عايز😒
حسام:شوكت يجي هذا اليوم اللي هيج اكعد الصبح والگاج بصفي نايمه ،يمكن انجلط من الفرحه
هاله:واني هم انجلط وياك وتنگلب من گوازه الگنازه 😁
حسام:يمه فديت المصري اني😍
هاله:ههههه يلا روح الامك واريدك تقنعها ماشي؟
حسام:اوك حياتي😘
_ذهبت الى امي كي احاول اقناعها بالذهاب الى بيت هاله
ام حسام:احنه مو گلنه هالموضوع بعد لتفتحه؟
حسام:يمه بس هالمره فدوه العينج واذا موافقوا اني اكولج بعد لتروحين
ام حسام:ابني ذوله ميحترمون الف مره رحتلهم وقافلين
حسام:بس هالمره اروحلج فدوه قبل جان ذاك مچلب وهسه راح ،يمه البنيه تريدني واني اريدها معقوله يعني متساندين ابنج
ام حسام:ابوك هم ميقبل
حسام:ابويه اني اقنعه ميگول شي بس المهم انو توافقين انتي
ام حسام:اوووف والله كله علمودك لان اريدك تكون سعيد ومرتاح
حسام:الله يخليج اليه وميحرمني منج يااحلى ام 😘
_في اليوم التالي ذهبت امي الى بيت هاله،وبعد نقاش طويل ..
ام هاله:والله ياام حسام اني اعتذر منج بس جان ابوها الرافض هالفكره وتعرفين ماكو شي بيدي
ام حسام:مصار شي المهم انو هسه وافق ،لان اذا الولد رايد البنيه وهي رايدته ،حرام احنه نعارض ونوگف بطريقهم
ام هاله:اي والله صح وعندج حق ،بس مثل متعرفين انو احنه ماعدنه غير بس هاله واختها هبه ،فأبوهم شويه نقناقي ويخاف عليهن كولش وراسم اباله انو ينطيها لهذاك على انو تاجر ويعيشها حياة حلوه بس اني گتله الناس خوش ناس وانتي مره تنحطين ع الراس الله شاهد مو گدامج ،والاخلاق والطيبه اهم من كلشي بهالزمن ،عاد وافق وكال الله يقدم اللي بي الخير
ام حسام:الله يحفظج اكيد مو احسن منكم ومنزيدكم بشي ،وصدگيني اخلي هاله بعيوني واعاملها مثل مااعامل بنتي واكثر
_تمت واخيراً الموافقه على خطبة (حسام وهاله)واتفقوا على كل شيء من المقدم والمؤخر لكنهم اجلوا موعد الزواج بعد التخرج
كان الاثنان لا يصدقان انهم واخيراً اصبحوا لبعض
بعدها تــَـم تحديد موعد حفلة المهر ،قبل امتحانات النهائيه
هاله:اوكف اوكف يعني باجر المهر مالتنه واني هاهيه راح اصير مرتك شرعاً مو 😳
حسام:يييي مرتي حتصيرين تعرفين شنو يعني حلالي يعني مالتي ،لج هلولتي ممصدگ شوكت نمتحن هالامتحانات ونصير وراها رابع ونتخرج ،ماادري شلون حتحمل هالسنه ،لو بيدي هسه اخذج ؤٌيَّآيه للبيت وماافارگج لحظه
هاله:احنه هسه هم سوه ممصدگه انو واخيراً وافقوا وصرت اليه ،تدري اخر شي من وافقوا ع مهيمن قطعت الامل وگلت حنحرم منك ،الف الحمدلله والشكر ربـي انو مخيبت امالي
حسام:اوعدج حياتي انو ماطول اني عايش وخشمي يشتم الهوى مااخليج محتاجه الاي شي ،واخليج اسعد انسانه بالكون ،ومااقصر وياج باقل شغله
هاله:اروحلك فدوه الله يخليلياك وميحرمني منك ابد ويقدرني ع انو اخليك اسعد انسان😘❤️
_في اليوم التالي ..
هاله:هباوي هباوي يعني اكيد طالعه حلوه
هبه:لج اصلا اني اختي احلى بنيه بالكون بدون كلشي انتي اتجننين متشوفين حسومي متخبل عليج
هاله:هههه مو احلى منج عمري انتي هم مروان متخبل بيج
هبه:خلي يولي لتجيبيلي سيرته بعد
هاله:ليش ولج😳
هبه:بعد ماريده وذبيت الحلقه بوجهه
هاله:شنو شنو😳
هبه:اششش العالم اجتي هسه بعدين نحجي بهالموضوع
هاله:اكيد يعني مرتبه
هبه:وّلّْـچ⇝ والله تجننين وتموتين گـافي عاد توتر مو خبلتيني
_جاء حسام واهله وتم المهر بعدها بدأت الحفله ،كان الاثنان لا يصدقون انفسهم من السعاده
حسام:لج هاي شطالعه اني مناقص واصل حدي وانتي دتسوين هيج بيه
هاله:ههههه وانت طالع جنتل مان فدوه العمرك ،سمسم اني ممصدگه روحي
حسام:ولا اني ياعمري حاسس حالي طاير
(قد نَمُر بمشاكل وازمات تتعبنا واحيانا تفقدنا الامل ،ربما احياناً قد نيأس من ان نلتقي مره ثانيه بمن احبنناهم ،ونستسلم الى ان يحرق هذا اليأس قلوبنا ،لكن اي فرحه تلك التي قد نتاولها بعد كل جرعات اليأس التي تعاطيناها ،تلك الفرحه التي ستؤخذنا الى عالم بعيد وربما تنسينا تلك الالام والجروح التي عانيناها،لربما قد يكون ذلك اليأس الذي طعننا امس هو السبب في هذه السعاده الكبيره التي تحل بنا حاليا،لاننا وببساطه لولا تلك الوجع ما كنا عرفنا للراحه والفرح باب❤️)
