حسام:اني عفتج بمزاجي مثلاً؟حگولج وين كنت هالمده كلها وشنو من ضيم شفت ،حتى تعرفين انو مدااتونس،مو مثلج رحتي حبلتي من غيري وعشتي حياتج،المهم بيوم اللي دخلوا علينه هذوله الدواعش الانگاس وحاوطونه من كل مكان ،بعدها اخذونه بأماكن وخلونه بالسره نايمين،وبس الطلقات فوگ راسنه هذا ما عدا العذاب اللي شفنا والعطش والكتل ،الاغلبيه ماتو ،بس اني وكم شخص نفذنه الطلقات تجي من يم راسي واحس بيها ،واتصوبت بيدي واجتي طلقه هم بكتفي ،بعدين عبالهم الكل مات بس اني كنت عايش بيه روح وامثل ميت عافونه وكانو اكو هم شباب ياخذوهم يقتلون بيهم ويذبوهم بالمي ،القتل والدم والبشاعه كانت بكل مكان واصواتهم العفنه واوامرهم فوگ راسنه ،اصدقائي كلهم راحوا عدا صديقي واحد طلع عايش ،وراها ضليت بمكاني ،اجوي يسحبون بينه حس واحد منهم انو بيه روح،اني وصديقي وكم ولد هم،اخذونه حتى يحققون ويانه ،اتفقوا انو كل شخص منهم يقتل واحد منه عالاساس انو ينالون الشهاده بقتلنه لان احنه كفره كما يدعون،المهم خلونه بغرفه ،وكتل واعترافات انتو منو وشنو اسمائكم والاي طائفه تنتمون ومن هالسوالف اللي ماللها اي علاقه بالدين بس تفرقه ،بعد ما عرفوا اني من يا طائفه واحد منهم كال عوفوا هذا خلي يروح لان سني وعالاساس همه ويه السنه بس الانجاس هذوله مينتمون الاي مذهب لا للسنه ولا للشيعه ذوله مجرد فتنه وتفرقه حلت علينه حتى تفرقنه لان من دخلوا وقتلونه مفكروا احنه منو لا فكروا بأهل ولا بعرض ولا بحرگه قلوب الامهات ع ابنائهن ولا الاطفال اللي اتيتموا والنساء اللي اترملن ،مفاهمين اي كلمه ولا اي تفسير من القران الكريم ،واللي فاهمي محرفي ،الرسول (ص)عمره متعده ع الكفار وقاتلهم مع العلم همه كانوا يأذوا ويحاربوا،الا اذا همه بدوا بالقتال وداسوا حرمة ارضه،وبنص المعركه اذا الكافرين انسحبوا الرسول هم ينسحب وميأذي بشر ولا يغصب احد على انو يدخل دين الاسلام ،لان الديانه مو غصب ،الديانه حب وانتماء وصله برب العالمين مابيها اي شوائب او اي غصب ،عاد ذولي اللي يحاربون المسلمين ،لك تقتل احد يكول الله اكبر،تأذي احد ينتمي الى آل محمد الاطهار تقتل ناس ابرياء ادافع عن ارضها اللي اغتصبتوها بحجه الدين اتبره منكم الدين بكل طوائفه واتبره منكم رب العالمين ورسوله وكل انبيائه ماعرف شنو هالعقول حتخبل ،وراها واحد گال لا ماطول منتمي وياهم خلي نقتله هالنگس ربطونه اني وصديقي ،وبدوا يقتلون كدامنه بهالشباب اللي مثل الورود،اخر شي وصل السره النه ،ضل يحاجيني ع خل يفيدك انتمائك الهذولي،گلت هي روح لو روحين حجيت كل اللي بقلبي گتله العراقيين بكل طوائفهم واديانهم قندرتهم اتشرفكم يا كفره،ضربني وكال هذا اتعذبوا يلا اتمتوا ،ضلوا يعذبون بيه وبصديقي هم لان جادلهم مخلوا ضربوني ع راسي وضلو يقتلون بينه،اخر شي رادوا يخلصون علينه اثنينهم بس سمعوا صوت بره عافونه مربوطين وطلعوا ،صديقي كان ممربوط زين حاول يفك نفسه فك روحه ،واجه فكني وكان اكو فتحه صغيره مال شباك بالگوه طلعنه منها،لگينه سياره من سيارتهم موگفيها بره اخذناها وطلعنه ،سمعوا صوت السياره ركضوا ورانه واني بسرعه حركت انعميت والتراب عمانه منعرف وين السياره ماخذتنه ،اخر شي لگينه سيطره من بعيد هالحجي احنه مدنكدر نجر نفسنه والدمايه ماخذتنه من التعذيب واني اكلت ضربه ع راسي ،وكفتنه السيطره شافوا السياره عبالهم احنه دواعش،نزلت عليهم جان يضربوني ع راسي وگعت وماادري بشي بعد ،اثاري عرفوا القصه من صديقي لان نزل ورايه،الضربه اللي اكلتها من ذولاك ومن السيطره خلتني افقد الذاكره لمدة سنه وراها اخذني واحد من الشرطه يمه داوى جروحي ونقلوني للمستشفى وسوولي عمليات حتى يطلعون الطلقات،ضليت هالفتره يم هالولد بيته مابي احد بس هو وابو وامه ،الحد مكمت اتذكر شويه شويه ورة سنه بس مااتذكر كلشي بالضبط ،اخر شي صرت اتذكر عناوين واسماء ،ورى سنه و٣اشهر تقريبا اتذكرت كلشي وكال الطبيب هاهيه شفيت ،ووصلت لهنا ولگيت اللي لكيته تدرين ياريتني ميت ،وياريتني ممهزوم عالاقل انحسب شهيد وادخل الجنه احسن من النار العايش بيها هسه،وخري من يمي كل مااتذكر الصار واللي ديصير اموت الف موته💔
هاله:(ببكاء)سوده عليه كل هذا عانيته واني ماادري
حسام:هاله وخري من يمي دااكولج خلاص اني شفت ضيم بحياتي هواي،بس للاسف كل ذاك الضيم ميساوي الموقف اللي شفتج بي من رجعت،تدرين اول شي اتذكرته شنو؟اتذكرتج الُـ✿ٓـجُ واتذكرت حبج وكل اللحظات العشناها سوه ،اتمنيت بس ارجع حتى اشوفج ويرتاح قلبي،تاليها شفتج وقلبي مات فوگ موته الف مره
هاله:سامحني حسام ابوس ايدك ،حتى لو منرجع وهالشي اكيد ومطامعه ارجع لان اكيد محتتقبلني،بس اتفهم موقفي ،واتأكد انو محد دخل قلبي غيرك الله شاهد عليه،واخوك مخانك،عالاقل لتقطع علاقتك بهمام مااريد اكون السبب بتفرقتكم
حسام:هاله دااكولج خلاص اخويه هالشي بيني وبينه اما انتي مااكدر اسامحج ولا اباوع بوجهج ،لان اتخيل كل اللي سويتي ويه غيري وتلعب نفسي منج ،اطلعي من هالبيت اي شي مبقالج هنا ،فاهمه لو لا
هاله:حسام فدوه افهم اني مخنتك كنت بس جسد والله روح ماكو افهمني عاد اني محبيت بحياتي غيرك
حسام:هاله ابني يبقى بهالبيت وانتي تروحين الاهلج ولتخافين اني مو قليل رحمه عود اخليج اتشوفي بعدين من يجي ابن همام حيعوضج وبعد متذكرين علي اصلاً
هاله:هاي شدتحجي حسام گافي عاد اني مو وسخه الهالدرجه محسسني انو اني بله شرف وبعتك
حسام :مكلت هيج كلت ابني يتربي يمي
هاله:بس اني شلون اعيش بدون علي
حسام:اني عشت بدونه سنه و٣اشهر وشفت الويل ومن رجعت هم شفت الويل ،فأتحملي شويه مثل مااني متحمل ،وعود اتزوجي ارجعي الهمام خلفي ١٠ اني ماليه دخل بيج المهم علي اريده گـافي هواي انحرمت منه
هاله:(بصراخ)انت الضاهر الضربات اثرت ع راسك ومدتفتهم ،الف مره اعيد انو اني مو زوجة همام ،مو الولد كلك يحب هبه وانت تدري شبيك متكولي شبـْ�ـٍَْـيْـك
_قام حسام ونظر في عين هاله ومسك بها من اكتافها بقوه ..
هاله:باوعي ع منظرج وع بطنج وتعرفين اللي بيه ،ولسانج وصوتج بعد ميعلى ؤٌيَّآية لا اكسر راسج،حسام ذاك اللي يحبج واللي مدللج وميريد يزعلج بكلمه ،اعتبري مات مثل مجنتي متوقعه انو اني ميت ،وهسه رجع واحد يبقى يهين بيج وكل مااشوفج ارزلج فاهمه
هاله:اتركني عاد ووخر من يمي
_دفعت حسام بقوه وقالت
هاله:ماشي حسام اللي عاجبك سوي،اني تعبت ابررلك وانت مثل اللي تعرفها وتخلفها،بس اتذكر بكد ماانت اتعذبت اني اتعذبت عدالك مليون مره واذا انت فقدت الذاكره ونسيتني كل هالمده ،اني كل دقيقه كنت اتخيلك يمي وما نسيتك ولا يوم ومتت بفراكك الف موته ،ومثل المخبله احاجي صورك واتخيلها انت،اني رايحه حسام وطالعه من حياتك وخليك بهاي افكارك ،اللي حتموتك وتموتني وياك
