Woo Hyun's POV
" မလုပ်နဲ့ Ahn Jae ...
အဲ့လို လုပ်လို့ မဖြစ်ဘူး ... တကယ် မဖြစ်ဘူး ... မလုပ်နဲ့ ... "ကျွန်တော်တို့ စီးနင်းနေသော ကားသည် ကျိန်းစပ်စပ် အလင်းရောင်တွေဆီ မျက်နှာမူ ဦးတည်ထားလျက် ... ။
Driver ခုံပေါ်တွင်တော့ Ahn Jae ... ။
သူမ မျက်ဝန်းတွေသည် ဟိုးအရင် သူမ မျက်ဝန်းတွေလို မဟုတ် ... ။
စိမ်းသက်နေသည်။ ခက်ထန်နေသည်။ အေးစက်နေသည်။
" Ahn Jae !!! ကားကို ခုချက်ချင်း ရပ်လိုက် ! ဆက်မမောင်းနဲ့ !
ဒီအတိုင်း ဆက်မောင်းရင် ငါတို့ တကယ် သေကုန်လိမ့်မယ် !! "ကျွန်တော့် အသံတွေထဲ ကြောက်လန့် တုန်လှုပ်မှုတွေအပြင် ဒေါသ အနည်းငယ်ပါ ရောယှက်လို့ နေခဲ့၏။
သူမ ပြုံးသည်။
နေဦး .. ပြုံးသည် ? ပြုံးလိုက်သည်တဲ့လား ?
ဖြူစင်တဲ့ ကျွန်တော့်ရဲ့ Ahn Jae အတွက် ဘယ်လိုမှ မလိုက်ဖက် မအပ်စပ်သော အဲ့ဒီ မဲ့ပြုံးတွေနှင့်လေ ?" ငါတို့ ? "
သူမရဲ့ အက်ကွဲကွဲ လေသံများထဲ နာကျည်းမှုတွေ အပြည့် ကိန်းအောင်းနေသည်။
" Yu Hae In သေမှာ အဲ့လောက် ကြောက်လား ? "
ပြုံးပြန်ပြီ .. အဲ့ဒီ မဲ့ပြုံးတွေ ... ။
ဟင့်အင်း .. ဒါ ကျွန်တော့် Ahn Jae မဟုတ်ဘူး။ ကျွန်တော် ချစ်ရတဲ့ Ahn Jae ဟာ ဘယ်တုန်းကမှ ဒီလို မပြုံးခဲ့ဖူးဘူး။
" ကားရပ်လိုက် Ahn Jae ... ကျေးဇူးပြုပြီး ကား ရပ်လိုက် ... "
သူမ ကျွန်တော့်စကားကို နားမထောင်ဘဲ ကားကို အရှိန် ပိုမြှင့်လိုက်သည်။
ကုန်တင်ကားကြီး၏ မီးအလင်းရောင်တွေသည် ကျွန်တော်တို့ဆီ ပိုနီးကပ်လာနေပြီ။
မဖြစ်ဘူး .. အရှေ့ကို ဒီ့ထက် ဆက်တိုးလို့ တကယ် မဖြစ်ဘူး။
" သေရအောင် ...
ငါတို့ တူတူ သေကြမယ်လေ Hyun- ah .. နော် ?
ငါ ပြန်မရှင်နိုင်တဲ့ အဆုံး နင် သေပေးလို့ ဖြစ်တာပဲ မဟုတ်ဘူးလား ?
နင် ငါ့ကို ချစ်တယ်မှတ်လား ? နင်လည်း .. နင်လည်း ငါ မရှိဘဲ မနေနိုင်ဘူးမှတ်လား ? ငါလည်း အဲ့လိုပဲ .. နင် မရှိလို့ လုံးဝ မဖြစ်ဘူး ...
ငါတို့ အတူတူ သေပြီး ကောင်းကင်ဘုံမှာ ပြန်ဆုံကြမယ်လေ ..
အဲ့လိုဆို ငါတို့ ထပ်ခွဲစရာအကြောင်း မရှိသလို တစ်ချိန်လုံးလည်း တူတူ ရှိနေနိုင်တော့မှာ Hyun- ah ... "
DU LIEST GERADE
If I Have A Chance To Love You (Completed)
Jugendliteraturရူးမိုက်ခဲ့ဖူး၏။ ငိုကြွေးခဲ့ဖူး၏။ နာကျည်းခဲ့ဖူး၏။ သို့သော် ကျွန်မ သူ့ကို သိပ်ချစ်၏။