Haein's point of view
ကျောင်းခန်းထဲ ဝင်လာတဲ့ ခြေလှမ်းတွေက ဒီနေ့တော့ ခါတိုင်းလို သွက်လက်မနေဘဲ သိသိသာသာ လေးပင်နေခဲ့သည်။
အရင်ကဆို အတန်းထဲဝင်လာရင် "GOOD MORNING" လို့ အသံပြဲကြီးနဲ့ အော်ဟစ်နှုတ်ဆက်တတ်တဲ့ ကျွန်မ၊
ဒီနေ့တော့ ဘာအသံတစ်သံမှမထွက်ဘဲ ခေါင်းသာ ငိုက်စိုက်ချလာခဲ့သည်။"YU HAE IN! နင် ဒီကိုလာဦး! မြန်မြန်လာ မြန်မြန်လာ စစ်ဆေးမေးမြန်းစရာတွေရှိတယ် မြန်မြန်လာ"
MinNa က မနက်စောစောစီးစီးကတည်းက အာကျယ်အာကျယ်နဲ့ စတင် နားပူနားဆာပြုနေပြီ။
"ကောင်မစုတ် နင် မနေ့က ဘယ်ကိုမြေလျှိုး မိုးပျံသွားတာလဲ ပြောစမ်းပါဦး"
ပွစိပွစိရေရွတ်နေတဲ့ MinNa ဘေးမှာ ကျွန်မ ဝင်ထိုင်လိုက်ပြီး "Hmm" ခနဲ စိတ်ပျက်လက်ပျက် သက်ပြင်းချတော့ MinNa က မျက်မှောင်ကုတ်၏။
"မနက်ခင်းကတည်းက သက်ပြင်းသံတွေနဲ့ ဘယ်လိုဖြစ်တာတုန်း?
အခုထိ နေမကောင်းသေးလို့လား?"ကျွန်မ ခေါင်းခါလိုက်သည်။
"မဟုတ်ပါဘူးဟာ.. မနေ့ညက မက်တဲ့အိပ်မက်ကြီးကြောင့် စိတ်ထဲလေးနေလို့..."
"ဘာအိပ်မက်မို့လို့လဲ?"
MinNa မေးလိုက်မှ ညကမက်ခဲ့တဲ့ အိပ်မက်ကို တစ်ခါထပ် ပြန်မြင်ယောင်ပြီး ကျောထဲစိမ့်လာတာကြောင့် ဆက်မတွေးဘဲ ခေါင်းကို ဟိုဘက်ဒီဘက် ခပ်ကြမ်းကြမ်း ခါမိ၏။
"ထားလိုက်တော့ ဘာမှမဟုတ်ဘူး"
"ကဲ ပြောစမ်းပါဦး မနေ့က ရုတ်တရက် မြေလျှိုးမိုးပျံသွားရတဲ့ အကြောင်းလေး"
"မနေ့က? Ahh.. မနေ့က ခေါင်းမူးလို့ Taxi ငှားပြီး အိမ်ပြန်သွားတာ.. အစက နင်တို့ကို ဖုန်း ဆက်ပြောမလို့ပဲ ဒါပေမယ့် အိမ်ရောက်တော့ မျက်လုံးတောင် မဖွင့်နိုင်တော့ဘဲ အိပ်ပျော်သွားတာ ခု မနက်မှနိုးတယ်.. ဟီး"
ESTÁS LEYENDO
If I Have A Chance To Love You (Completed)
Novela Juvenilရူးမိုက်ခဲ့ဖူး၏။ ငိုကြွေးခဲ့ဖူး၏။ နာကျည်းခဲ့ဖူး၏။ သို့သော် ကျွန်မ သူ့ကို သိပ်ချစ်၏။