MONTGOMERY 2 : I'll Be Your Soldier

Bullet 19

Torn

"Ito na ba lahat 'yon?"

Inabot sa akin ni Ramon ang mga ebidensya na nakalap. Inisa-isa ko ang mga 'yon para makumpirma kung kompleto.

"Yes, Cap. Mag rereport ka na ba kay commander?" Tanong niya.

Tumango ako. "Oo, babalik din naman ako agad. Wag mo muna pagsasabi na mag rereport na ako. This is an order." Saad ko.

Wala na siyang magagawa dahil sa order ko na 'to. Tumango ito at tinalikuran ko na siya. Tumuloy na ako sa labas at sumakay sa kotse.

I went straight ahead to the commander's office. Mahigpit ang pagkakahawak ko sa manibela habang nag iisip kung paano ko ipapaliwanag sa commander na ang hinala namin na may kagagawan nito ay si Diego Monteverde.

"Nandyan ba ang commander? Can I talk to him?" Tanong ko sa sekretarya niya.

"Sandali lang."

Pumasok siya sa opisina at hindi naman nagtagal ay bumalik din siya.

"Pasok ka na."

Tumango ako at pinihit ang sedura ng pintuan. Bahagya akong huminga ng malalim habang tuluyan na itong binuksan.

Nakita kong nagbabasa ito kaya pumasok na ako. Sinara ko ang pintuan at mahigpit na hinawakan ang mga ebidensya na hawak ko. Tumikhim ako at mabilis na sumaludo.

"Can I talk to you, sir?" Tanong ko habang nanatiling naka saludo.

Nakuha ko ang atensyon niya kaya sinara niya ang kung ano mang binabasa niya. Lumingon siya sa akin at sinenyasan akong ibaba ang kamay ko.

Tumango ako at binaba 'to. Lumapit ako doon at pumunta sa harap ng lamesa niya.

"What is it, Captain Montgomery?" Tanong niya.

Kita kong bumaba ang tingin niya sa hawak kong mga ebidensya kaya linapag ko ito sa taas ng lamesa niya. Umayos ako ng tayo at dumiretso ng tingin.

Isa lang naman ang nasa isip ko ngayon.. ang ma protektahan si Markus.

"What is this?" Tanong niya.

Kinuha niya ito at binuksan.

"Diego Monteverde, siya po ang suspect namin sa likod ng lahat ng 'to. Nandyan po lahat ng ebidensya." Saad ko.

Bumuntong hininga ako dahil sa wakas nasabi ko na. Ngayon ay maghihintay nalang ako ng order na hulihin o gumawa na ng hakbang para mahuli si Monteverde.

"I know."

Namilog ang mata ko at napaawang ang labi ko sa narinig ko. Hindi ko napigilan at nagbaba ako ng tingin para magtama ang mga mata namin. Kita kong seryoso siya.

Alam niya?

Hindi ko maintindihan..

Nakaramdam ako ng paninikip ng dibdib.

"Ano po?" Magalang kong tanong.

"Alam ko at alam ni Mr. De la Fuente na si Mr. Monteverde ang gustong pumatay sa anak niya. Mr. Monteverde is his brother. Do you think anong magiging stand niya dito?"

Napakagat ako sa aking labi. Pilit kong iniintindi ang sinasabi ni commander pero wala. Hindi ko maintindihan. He's asking me a question that can answer my own questions.

Pero I'm not even sure myself.

"Of course, it's injustice. We need to lock the man behind the bars." Saad ko.