Ako'y isa lamang simpleng binata.
Na nagmahal ng totoo sa isang dalaga.
Ilang mga araw ang lumipas na.
At ako'y nagtapat na rin sa kanya.
.
S'ya ay aking niligawan,
Sa loob ng limang buwan.
Nangakong s'ya ay hindi iiwan.
Kahit matapos pa ang magpakailanman.
.
Di nagtagal, ako'y sinagot nya.
Kami'y naging masaya't palaging magkasama.
Kami'y nagtagal at magtatatlong taon na.
Sa palagay ko'y s'ya na talaga at wala ng iba.
.
Pero ang relasyon nami'y katulad din pala ng iba.
Sa aki'y naging malamig ang pakikitungo n'ya.
At aking nalaman, isang masakit na balita.
Matagal na pala syang may kasintahang iba.
.
Sa kagustuhang s'yay maging akin.
Ako'y gumawa ng paraan kahit na malagim.
Kasintahan n'ya'y inabangan upang ito'y patayin.
At plano ko ring s'ya ay gayumahin.
.
Ako ulit ay naging masaya,
Dahil ang gayuma'y sa kanya gumana.
S'ya ay bumalik nga sa aking mga bisig.
Pero nawala na yung dating saya at kilig.
.
Nagpasya akong sa kanya'y sabihin.
Lahat ng dapat n'yang malaman mula sa akin.
Ako'y umiyak, tumakbo at hindi napansin.
Ang sasakyang parating upang ako ay banggain.
.
Ako'y naghihingalo na nang kanyang lapitan.
At alam kong lahat ng ito'y aking kasalanan.
Sa kanyang pag-ibig, ako'y naging gahaman.
Kaya ang naging kapalit nito'y aking kamatayan.
BINABASA MO ANG
Mini-Contest Entries Compilation
RandomAng librong ito ay naglalaman ng iba't ibang katha mula sa iba't ibang mga manunulat sa bansa. Ang mga kathang inyong mababasa ay pawang mga interpretasyon ng mga manunulat sa mga temang ibinigay ng grupo.
