الجزء الثاني والمزيد من الأحداث..!
أتمنى لكم قراءة ممتعه ✌
........................................................................
ندى : ولكم هاي شنو نهى بعده اول أسبوع ووين ماامشي الكاها تحچي ويه البنات وتضحك! وچ حته من غير مراحل!
سرى : اي والله نداوي! ماادري شبيها! شو شكله شي وسوالفه شي!
هدى : هسه انتن شعليجن بيها! خلي نروح نلعب گبل لا يدگ الجرس!
ندى : وين تلعبين مخبله! انتي اعداديه هسه ثگلي بابا ثگلي!
هدى : اهوووو عليچ انتي شگد نكديه! وچ بعد يوم ، يومين نگضيها بس امتحانات! خلي نلعب شويه شبيج!
رؤى : انتو ليش تتجمعون وتعيفوني ها! ؟ تره ازعل
سرى : اي زعلي وشنو يعني! هو احنه هستونه بدينا نحچي!
رؤى : ها ولچ! والحذاء.. نسيتي!
سرى : لا حبيبتي صدگ هالحچي أصلا احنه خوات.. يعني ميصير هچي تزعلين بسرعه ! كله ولا الحذاء حبابه هههه
هدى : هسه انتن شگد تلغن! خلي نلعب گبل لايبدي الصخام !
رؤى : وچ شتلعبين انتي من كل عقلج ! ههههه
ندى : ها شفتي! مو بس اني هچي احچي!
سرى : يبووو عليچن دك الجرس يله امشن للصف يله!
.
.
في داخل حصه الرياضيات..
نهى : بسبس.. هيه انتي.. شسمج ندى!
ندى : سرى شوفي هاي شبيها اني داانقل مشغوله
سرى : هاااا شبيج!
نهى : وصلي هاي الورقه الزينب !
سرى : الله اكبر عليج! انتي هنا وترديني اوصلچياها الزينب الي بذاك السطر! ؟.؟ .. وانتي شعدج وياها ؟
نهى : اي حبابه عبريلياها.. انتي معليج
سرى : لعد إله اقرأها!
نهى : لاحبابه
مدرسه الماده : سرى كملتي نقل! ؟؟ .. هاي شنو بإيدچ ؟
سرى : اي ست كملت ! ها! هاي كلشي ماكو چنت دااذبها لأن غلطت!
مدرسه الماده : تعالي راويني دفترج! صدك خلصتي ؟!
ندى : هاچ دفتري
سرى : تفضلي ست!
مدرسه الماده : انتي اسمج سرى لو ندى يا چذابه!.. يله طلعي بره.. يله
سرى : ست بس خلي اگلچ..
مدرسه الماده : ولا حچايه! .. حسابج بعدين بدفتر الدرجات
ندى : ست سرى چانت...
مدرسة الماده : ولا حچايه لا اطلعج بره وياها وبعد متحضرين ولا درس!
.
.
انتهت الحصه والكل في حاله صمت! اما نهى فلم تتكلم او تقول الحقيقه! كانت صامته جدا!
.
.
سرى : وچ اني اعلمج يا نهى يا ..
نهى : لتتجاوزين تره اراويج شي ماصاير ولا راح يصير! اني شعليه! انتي لو موصله الورقه بسرعه چا ماصار الي صار!
سرى : اني مااتجاوز لان اني محترمه مو مثلج! ثانيا انتي إله تحچين وياها بالدرس! انتظري يخلص الدرس والغي!
ولو انتي بعدج جديده ومتدرين بهاي المدرسه شگد عصبيه!
.
.
هدى : يله خلي نلعب ماطول الدرس شاغر شويه نغير جو
سرى : يله.. اني كلش ضايجه
ندى : الخاطر سراوي اليوم العب وياكم
رؤى : ايه حلت علينا البركه 😂 نداوي راح تلعب
هدى : شنو رأيكم نلعب ختيلان ؟
ندى : والله الي تخرعني.. اخرع عمرها! ماناقصني خرعات
سرى : لا محد يخرعج ميخالف اليوم سماح 😂😂
هدى : يله خلي نتحاجج حته نشوف..
ندى : يبووو طلع الدور عليه يحظي 😅 والله الي تسويلي ميو هم اكتلها
رؤى : زين والي يسويلج عووو
ندى : اكتلج غير
رؤى : ههههه انتي شگد جبانه!
هدى : يله فضونه هسه انتي اوكفي هنا وحسبي لل 30 و دوري علينا.. حلال عليج من هسه !
.
.
ندى : حلاااال ؟ .. تره راح اطلع ادور! ..
وين خاتلات يعني اكيد وره الباب لو جوه رحله!
لكفتچ رؤى.. طلعي عيني الحذاء الجديده مبينه
رؤى : هههههه ماردت ادحسها حته متتشخط!
ندى : اوي عيني انتي وبرستيجج 😂😂
رؤى : خلي افتن! هدى هناك!
ندى : طلعي عيني هداوي فتنو عليچ الجماعه!
هدى : اني اعلمچ رؤى متبطلين سوالفج هاي! شلون شفتيني ؟
ندى : هسه منو تعرف مكان سرى ؟
رؤى : مااعرف چا كتلج
هدى : اني اعرف وماافتن!
ندى : ها ولچ ليش هيج مو احنه صديقات!
هدى : لوتموتين مااكولج شلون دحست روحه جوه الرحله !
رؤى : هله فلتتها 😂😂
ندى : رحم الله والديه ل لسانچ 😂 يفلت بالاوقات المناسبه
هدى : شوف البخت 😮😆
ندى : عيوني سراوي كومي.. هاي شلون مدحوسه 😂😂
سرى : شلون لعبه! تكسرت عظامي.. وج تعاي طلعيني
رؤى ههههه هاي شنو ثوله!
ندى : يله طلعي.. حمد الله عله سلامتج
هدى : بنااااات شوفن هاي الورقه الي دزتها نهى ال زينب! فارغه!
سرى : شنو.! ؟؟!
ندى : يعني سرى ترزلت علمود ورقه فارغه!
رؤى : هاي چانت متعمده تسويها حته تخلي المدرسه تنتبه! وتترزلين!
سرى : زين ليش! شمسويتلها اني!
يتبع...
_______________________________________
يا هلا وغلا بالطيبين!
يله ارائكم وتوقعاتكم على نهى!
إذا عجبتكم ياريت تدعموني بتصويت وتعليق
وتشاركون القصه ويه اصدقائكم! حته يقروها
Love you all
Zozo_Ejam 💜💜
أنت تقرأ
مرآيا
General Fictionمرايا.. لا اتكلم عن المرآة العاديه.. بل اتكلم عن المرآة الموجوده في داخل كل واحد منا ومن خلالها يستطيع الاخرون معرفتنا.. سأدخل معكم إلى مرايا لأشخاص كثيرين قد عاشوا حيوات مختلفه لنأخذ عبره ونتعلم درس جديد في كل مره! By: Zahraa_hussein
