النهايه! إن شاء الله تعجبكم!
أتمنى لكم قراءة ممتعه ✌
........................................................................
كانت سرى تفكر في الأمر الذي دفع نهى للإحتيال عليها !
وفي اليوم التالي :
ندى : هاي شنو أم الأحياء! شبسرعه حددت امتحان !
هدى : اي والله! ماادري ليش مستعجله! هسه خلينه نتونس اول أيام المدرسه
ندى : وچ شنو تتونسين! هيه هيته! انتي جايه تلعبين لو تدرسين! ؟
هدى : جايه اتونس وياكم حته اخلص من ضيم البيت!
ندى : اي والله! الله يساعدج عله مرت الأبو! شلون متحملتها!
هدى : والله مطلعه روحي هاي العوبه! الله لا يطيها
ندى : لا لاتدعين عليها! ترجع عليج وانتي ماناقصه!
هدى : ايييه! شسوي لعد غير هيه طلعتني عن طوري!
سرى : هلو بنات! .. اكلكم شفتو نهى ؟
ندى : لا ماشفتها! ليش ؟
سرى : يعني اني شمسويه! حته تجي هيه الخانوم وتخليني انطرد من الصف!
هدى : والله ماادري اني هم فكرت! يجوز مقلب!
ندى : لا عيني.. اني اول ماشفتها ماعجبتني! مدري شبيها!
رؤى : لكفتكم! .. يعني شلون بيكم ! غير تنتظروني!
سرى : اي انتي السايق مالتكم يتأخر ! احنه شعلينا! ؟
رؤى : هسه عله الأقل انتظروني !
ندى : يله دگ الجرس عيوني ...
.
.
سرى : ندى! شو نهى ما مداومه!.. يمكن انهزمت!
ندى : اعوذ بالله من هچي ناس! خاف دتحضر المصيبه ثانيه!
سرى : اعوذ بالله!
.
.
في يوم الامتحان لماده الأحياء..
هدى : يمه شگد متوتره!
ندى : اسكتي دااراجع
سرى : اهووو! طگت روحي من المراجعه! اففف شوكت نمتحن!
رؤى : يمه منچن يمه! بس تلغن ولچن اريد اقره مامخلصه!
سرى : هدى! امشي نتمشه شويه!
هدى : اگلج! حاچتني نهى العوبه گبل لاتجن
سرى : اي وشگالت!
هدى : گالت راح تگعد ورايه وتريد تغش! واذا مانطيتها مجال تسويلي مشكله!
سرى : شنو! 😡 شنو مشكله! وشتسوي يعني ! خوب روحي كليلها للمدرسه!
هدى : اي مو كلتلها للمدرسه شو هاي گالت عود من تغش اني اشوفها!
سرى : يااا 😨😨 انوب! استغفر الله! .. شوفي هيه من تحسيها بدت تنقل كولي للمدرسه!
هدى : وچ والله اني جبانه! صح اهمبل عليكم بس مالي خلك الهچي سوالف!
سرى : هدى لتخبليني! والله جديده هاي مالت لو تغششيني لو اسوي مشكله! اول مره اسمعها!
.
.
داخل الامتحان..
نهى : بس بس هدى ادني شويه!
هدى : اسكتي لا اكوم وافضحج والله
نهى : ست.. ست! هدى صارلها ساعه تريدني اغششها!
هدى : ست والله ما..
مدرسه الماده : هدى! طلعي بره وماخذه صفر.. يله طلعي
هدى : ست دشوفي ورقتي. ..
مدرسه الماده : كافي ! يله اطيني ورقتچ وطلعي!
.
.
هدى : وينها..! وينها البلوه ؟
سرى : سوده عليه هداوي! ماادري خلصت امتحان واختفت!
هدى : ولكم! شون صلافه! ساعه تگلي دني راسج اريد اباوع! تاليها اطلعني اني الغشاشه!
.
.
في المدرسه صباح اليوم التالي..
.
.
نهى : صباح الخير!
هدى : تعاي.. تعاي! والله اليوم انفخ عيونچ واسويلج بوتكس يخبل!.. انتي منو! شنو! ليش جايه علينه! منو دزج ؟؟ ها احچي
نهى : عوفي شعري اووي! .. شكو شسويت!
هدى : شنو شسويتي! وچ والله انتي عينج صلفه!
نهى : من اول يوم شفتكم بيها واني اكرهكم!
هدى : ليش ولج يا ظالمه! مو احنه اخذناج وراويناج المدرسه! ؟
نهى : انتو سويتو هچي بس لأن شفتوني فقيره ومااعرف احد! اني اموت من واحد يحسسني انو هوه شافق عليه او يگول عليه خطيه! ..
هدى : وچ احنه شسوينه! والله احنه لا گلنه نشفق عليج ولا شي كلنه نساعدج تعرفين المدرسه والطالبات!
نهى : يله ولي من يمي!
.
.
سرى : اكلج ندى هاي شكو العركه اليوم!
ندى : اي ولج مكافش! بس اني يمكن عرفت السبب !
أنت تقرأ
مرآيا
General Fictionمرايا.. لا اتكلم عن المرآة العاديه.. بل اتكلم عن المرآة الموجوده في داخل كل واحد منا ومن خلالها يستطيع الاخرون معرفتنا.. سأدخل معكم إلى مرايا لأشخاص كثيرين قد عاشوا حيوات مختلفه لنأخذ عبره ونتعلم درس جديد في كل مره! By: Zahraa_hussein
