Ang P.A Kong Raketera

Chapter 4

Chapter 4

Matapos ko pagsilbihan ang amo kong masungit ay pinauwi niya ako, ay mali pala sinabi ko na uuwi na ako kasi babantayan ko pa ang kapatid ko na nasa hospital, agad niya naman akong pinayagan kaya naman umalis na ako at pumunta sa hospital agad ko naman nakita roon sila Aling Nina nilapitan ko naman agad at sinabi na umuwi na muna siya, noong una ayaw pa niya pumayag dapat daw ako ang umuwi para magpahinga, pero pinilit ko sila at sinabi na kaya ko pa kaya naman pumayag na lang si Aling Nina wala na siya magagawa, hinabilin ko na lang si Angel na paki asikasuhin na lang, at padalawain na lang bukas, alas quatro na rin kasi ng umaga, hinatid ko muna si Aling Nina palabas nang maihatid ko na ay bumili muna ako ng makakain ko at ng kape, tapos pumunta sa pharmacy para bumili ng gamot ni Angela sa ngayon may sapat na pera ako pambili mabuti na lang ang nag-waitress ako, at ilang days na lang makakasahod na ako sa masungit kong amo, one hundred fifty thousand din 'yon 'no, maipapagamot ko na nang maayos ang kapatid ko at mabibigyan ko na rin ng mga gamot na kakailangin niya.

Matapos bumili ng mga gamot na niresita ay bumalik na ako kung saang ward nandoon ang kapatid ko, sa isang ward marami sila roon kaya may kaingayan, tiiis-tiis na muna rito kapag nakuha ko na ang sahod ko roon ko na lang ipapalipat si Angela sa private room.

Umupo ako sa gilid ng kama ni Angela at tiningnan ang mahimbing na natutulog si Angela.

Gagaling ka rin Angela gagawin ni Ate ang lahat.

Kinuha ko ang kape na binili ko at ininom medyo sumasakit na ang ulo ko wala kasing ako tulog buong araw at gabi ako nagtrabaho at straight na 'di man lang nakatulog.

Pero kaya ko pa naman ito, idadaan ko na lang ito sa kape.

Nang bandang alas syete ng umaga ay nagising na si Angela agad ko naman pinakain sa kanya ang binili kong paborito niyang lugaw masaya naman 'yong kinain.

Mayamaya ay dumating na si Mang Carding ang asawa ni Aling Nina.

"Hija, magpahinga ka na muna wala ka pa yatang tulog, tingnan mo 'yang mata mo nangingitim sa puyat," sabi ni mang Carding.

"Okay lang po, may trabaho pa po ako ngayon kaya pasensya na po talaga, paki bantayan po muna si Angela pasensya na po nahihiya na talaga ako sa inyo," sabi ko habang nakayuko.

"Ano ka ba namang bata ka, para na rin namin kayong tunay na mga anak kaya 'wag mo naisipin 'yon," sabi ni Mang Carding, napaiyak naman ako at niyakap si Mang Carding.

"Samalat po," sabi ko. Tumango lang naman si mang Carding, agad ko naman tinuyo ang luha ko at lumapit sa kapatid ko na nakahiga sa maliit niyang kama habang nakatingin sa paligid niya.

"Angela, iiwan ka muna ni ate ha, magtatrabaho lang si ate," Sabi ko habang nakangiti kay Angela.

"Puwede na po ba akong umuwi?" Tanong ni Angela, ngumiti muna ako sa kanya at inayos ang buhok niya.

"Hindi pa, magpalakas ka muna ha, mamaya dadalaw rito si Angel, kaya may kalaro ka na, sige aalis muna ang ate ha," sabi ko, ngumiti naman si Angela at niyakap ako.

"Ingat ka, ate," sabi nito ngumiti at tumango naman ako bago siya halikan sa noo, nagpaalam na muna ako sa kanya bago umalis, umuwi muna ako sa bahay at saglit na naligo alam kong masama ang maligo ng puyat pero ayoko naman mag-amoy mabaho.

Dumaan muna ako kila Aling Nina at tiningnan si Angel na malungkot na nakatingin sa may bintana tinawag ko naman siya at agad na tumakbo papalapit sa akin at niyakap ako.

"Si Angela po?" Tanong ni Angel.

"Nasa hospital pa, bisitahin mo siya mamaya ha, magtatrabaho lang si Ate kaya iiwan muna kita," sabi ko, tumango naman sa akin at ngumiti si Angel bago ako halikan sa pisngi.

"Ang bait naman ng kambal kong kapatid," sabi ko. Tumawa lang naman si Angel nagpaalam na rin ako sa kanya at umalis na dumeretso naman agad ako sa unit ng boss sungit ko, habang naglalakad ako papunta sa unit niya ay para akong zombie, nakatulala lang ako antok na antok na kasi ako, tapos pagod na pagod pa kagabi pero kaya ko 'to para kay Angela.

Nang nasa tapat na ako ng unit ni Boss Sungit ay inayos ko na muna ang sarili ko bago magdoorbell, mayamaya ay bumukas naman agad 'yon at niluwa ang isang guwapong nilang na naka sando at boxer lang kaya naman natulala ako sa muscle niya sa braso.

Siguro may abs 'to, tingnan ko kaya!

"Hey!" Sigaw ni Boss Sungit na nagbalik sa akin sa tamang pag-iisip.

"Oy boss sungit, ki-aga aga naninigaw ka agad lagi ka na lang HB." Sabi ko.

"HB?" Kunot noong tanong niya.

"High blood," sabi ko sabay pasok ulit ng derederetso sa unit niya at umupo sa sofa na.

"Feel at home, ha?" Nakangisi niyang sabi.

Humiga ako sa maganda niyang sofa at tinaas ang kamay ko.

"Five minutes na pahinga please lang wala akong tulog, kaya--" 'di ko na natapos ang sinasabi dahil lumipad na ako sa panaginip ko.

Nagising ako nang may parang nakapatong sa may hita ko kaya naman inalis ko 'yon at tumagilid ang lambot naman ng hinihigaan ko.

Ang sarap matulog, ang lamig pa parang may air condition napayakap naman ako sa unan na nasa gilid ko, kakaiba rin ang unan ko, bakit matigas? 'Di bale ang sarap naman yakapin ang bango pa, sininghot-singhot ko pa ang unan na niyakap ko, ang bango 'di ko alam kung kailan ako nagpalit ng punda ng unan pero ang bango-bango ng unan ko kaya naman hinigpitan ko ang yakap ko ang sarap matulog, naramdaman ko naman na parang may yumakap din sa akin.

Naku, si Angel naglalambing lang baka si Angel itong yakap ko, kaya naman medyo niluwagan ko ang pagkakayakap hinalikan ko na ang pisngi niya na malapit sa labi niya habang nakapikit ako, ang bango naman ni Angel, amoy lalaki pero ang bango.

Teka, bakit amoy lalaki si Angel?

Naramdaman ko naman na humigpit ang pagkakayakap sa akin ni Angel kaya hinayaan ko na lang at niyakap ko na rin.

Ang bango talaga ni Angel.

Pero bakit amoy lalaki, amoy pabango ng lalaki? Baby cologne naman ang pabango ni Angel at Angela, bakit amoy lalaki?

Binuksan ko ang isa kong mata bago buksan ang isa ko rin mata sabay tingin sa muscle na nasa harap ko.

Kailan pa nagka-muscle si Angel?

Tiningnan ko ang mukha ng katabi ko agad ko naman naitulak ito kaya nahulog, agad ko naman binalot ng kumot ang katawan ko.

"May rapist! Walanghiya ka Boss Sungit, packing tape ka! Packing tape ka! Pinagsamantalahan mo ako!" Sigaw ko habang hawak-hawak ng mahigpit ang kumot, tiningnan naman ako ng masama ni Boss Sungit.

"For your information, 'di kita nirape tinganan mo itsura mo may damit ka pa!" Sigaw ni Boss Sungit, agad ko naman tiningnan ako suot ko.

Oo nga 'no kaya naman tinanggal ko na ang kumot sa katawan ko.

"Bakit katabi kita?" Tanong ko.

"Una, naawa ako sa'yo kahapon ng umaga ng mahulog ka sa sofa na hinihigaan mo, kaya nilipat kita sa kama ko at sa tingin mo sa'kin matutulog sa sahig o sofa, tapos ikaw sa kama ko!" Kunot noo nitong sabi, napangiti naman ako mabait din pala si boss sungit sweet pa, crush ko na siya ang bait-bait niya at ang sweet pa.

Pero kahapon daw?

"Kahapon?" Tanong ko.

"Yeah!" Sabi niya sabay turo sa alarm clock niya, alas syete na pala ng umaga kaya naman napalaki ang mata ko, dali-dali kong hinanap ang cellphone ko .

"Boss Sungit patawag naman," sabi ko.

"Wala ka bang load?" Kunot noo niyang tanong.

"Kung may load ba ako makikitawag ako at isa pa 'di ko makita ang cellphone ko kaya patawag," sabi ko. Tinapon niya naman sa akin ang cellphone niya na nasa sidetable lang bago lumabas ng kwarto.

"Salamat!" Sigaw ko.

Ang bait at sweet ni Boss Sungit, crush ko na talaga siya!