الحب الذى غيرنى

البارت العاشر

   -داخل قسم العلاج الطبيعي
سلمي بدهشه : يخرب بيتك ازاي تعملي كده
حياة : وفيها ايه !
سلمي : شكلك مستغنيه عن نفسك يابنتي
ده الواد ده عايز السرايا الصفرا مش علاج طبيعي
حياة : ياجماعه قدروا حالته النفسيه اكيد هي السبب
سلمي : انتي ليه عملتي كده ياحياة ؟
حياة : .........
سلمي : طب مش خايفه تاخدي بوكس فى وشك ولا بونيه فى عينك ولا ضربه فى بطنك ولا .....
حياة : ايييييه هو انا داخله على بلطجي
سلمي : هههعهه انيل
حياة : طب انا رايحه اشوف هبدأ ازاي بقي
سلمي : طب اديني رقم الحج عشان لو حصل حاجه اكلمه
حياة : يخرب بيت برودك
سلمي : هننهههههههههه روحي ياختي
    ( خرجت حياة من الغرفه واتجهت لغرفة يحيي فزادت دقات قلبها .. فهي تدعي الشجاعه بينما بداخلها خوف رهيب من رد فعله وعندما اقتربت من الغرفه وقفت للحظات تلتقط انفاسها شهيقا وزفيرا بهدوء واستجمعت قوتها وطرقت على الباب عده طرقات بينما لم تتلقي الرد فكان يحيي ناظرا باتجاه الشرفه ناظرا للسماء ....ففتحت الباب فتحه صغيرة ..... )
حياة بهدوء : مساء الخير .. ممكن ادخل
يحيي بامتغاض : اكيد حضرتك غلطانه فى الاوضه
حياة بابتسامه : لا مش غلطانه ولا حاجه .. تسمحلي ادخل بقي
يحيي : اسف .. اتفضلي اخرجي بره
- دخلت حياة للغرفه وعلى وجهها ابتسامه عذبه وعندما رأها يحيي كليا امامه اكتشف هويتها من خلال الملابس الطبيه التي ترتديها ...
حياة : ميرسي ...
يحيي : انا مسمحتلكيش بالدخول عشان تدخلي
..... الله هو انتي دكتورة هنا بقي
حياة : ايوووون بالضبط كده
يحيي : هما بقي بعتينك عشان الرجاله معرفوش يتصرفوا .. فبعتوا حتت بت لا راحت ولا جت عشان معرفش اتصرف معاها بس لاااا ده بعيد عن شنبهم وانا ......
حياة : بسسسسسس يابني خد نفسك الاول
انا الدكتورة حياة صفوان طبيبه بقسم العلاج الطبيعي انت بقي مين
يحيي : ملكيش دعوة واتفضلي بره
حياة بابتسامه : اهلا وسهلا يااستاذ يحيي تشرفت بمعرفتك
يحيي بدهشه : طب بتسئلي ليه طالما عارفه اسمي
حياة : يعني زياده تأكيد
يحيي : اطلعي بره
- جلست حياة بالقرب من فراش يحيي و...
حياة : الله يخليك يارب .. طمني بقي انت عامل ايه
يحيي بحده : اما انك انسانه بارده ومستفزة صحيح
حياة : الله يكرمك يارب .. طب والعلاج ماشي معاك كويس
يحيي : بقولك اخرجي برررررره يعني بطردك ياعديمه الاحساس
حياة : انا مش عايزاك تقلق .. جلسات العلاج الطبيعي مش هتاخد وقت لانهم هيجهزوك للعمليه قريب
يحيي : ..........
حياة : اما بقي بالنسبه ل .....
يحيي : يابنتي مش عايز احدفك بحاجه فى وشك ابوظهولك
حياة : اللي اعرفه ان حضرتك ماخدتش ولا جلسه لحد دلوقتي
يحيي بغضب : يووووووووة انا انسان عصبي ومبستحملش البرود ده
  - شعرت حياة بارتعاد يتملكها فلقد وصل بالفعل لاقصي مراحل العصبيه وهو المطلوب ..
حياة بجديه : تمام .. اولا جلسات العلاج الطبيعي هتبدأ بكرة صباحا الساعه 8
يحيي : انا مش هعمل زفت
حياة : ياريت اجي الاقيك صاحي يااما هضطر اني اعمل الجلسه وانت نايم
يحيي : انتي اتجننتي ولا ايه يابنتي
حياة بابتسامه: ميرسي جدا يااستاذ يحيي سوري عطلتك بقي ... اشوفك بكره
يحيي : .............
  ( خرجت حياة من الغرفه وتنفست الصعداء .. فلقد نجحت ف اثارته لا تنكر انها تخشاه لكنها ستثبت على موقفها وتستمر بالتحدي معه ومع نفسها )
-------------
( منزل حياة )
صفوان : طب انتي عملتي كده ليه ؟
حياة : بصراحه مش عارفه يابابا يمكن حبيت اساعده
صفوان بعذوبه : لا ياحبيبة بابا .. انتي شوفتيني انا فيه صح ؟
حياة : ......
صفوان : مش عايزة تشوفي حد فى الوضع اللي انا فيه
حياة : لو بايدي يابابا ارجعك زي الاول واحسن بس
........
صفوان : بسسس مين قالك اني زعلان على حالي .. الف حمد وشكر ليك يارب اداني نعمه وخدها تاني وانا راضي
حياة مقبله راسه : حبيبي ربنا يخليك لينا يااااارب
هي ماما عامله اكل ايه النهارده
صفوان باامتغاض : متفكرنيش ياحياة .. امك عامله باميه وهي عارفه اني مبحبش الباميه
حياة : ايييي انا كمان مبحبهاش
صفوان بخبث : طب ايه رايك تنزلي تجيبلنا اكل ياحبيبة بابا
حياة : هههههههه هتقولي عايز سندوتشات كبده من المحل اللي تحت صح
صفوان : ايوووة بحبك يابنتي واللهي انتي الوحيده اللي فاهماني فى البيت ده
نوال : الاكل جاهز يلا ياحياة يلا ياصفوان
صفوان : حاضر ياحبيبتي
حياة : حبيبتك هههههههههه
صفوان : هتنزلي ولا اكلم الواد يبعتلي دليفري وبعينك لو خدتي منه
حياة : لا طبعا هنزل ياصفصف ده هاموت على كبده بتاعته
صفوان : طب بسرعه قبل ما امك تخرج من المطبخ
نوال : انت ا لسه مقومتوش
حياة ؛ انا هاجيب حاجات من تحت وجايه ياماما
نوال بحده : حياااااااااة
صفوان ؛ لا اله الا الله
حياة : محمدا رسول الله .. نعم يامامتي
نوال : مفيش كبده من تحت
حياة : لالا كبدة ايه بس ياماما هو احنا بتوع الحاجات دي .. يلا سلام بقي
- ذهبت حياة بالفعل واحضرت بعض السندوتشات لها ولابيها وصعدت سريعا وخبئتها داخل الشرفه
صفوان بهمس : هاه جيبتي ؟
حياة : ايوة طبعا هعمل الشاي بقي واجيلك
صفوان : لا كده الكبده هتبرد .. احنا ناكل الاول وبعدين نشرب الشاي... اوعي تكوني نسيتي المخلل
حياة : براحه ياحج كده مش كويس على صحتك
صفوان : هي مرة يابنتي ..
حياة : اهييييي ده انس مظبتك على طول انت فاكرني نايمه على وداني
صفوان ؛ ابن الكلب لحق يقولك
حياة : ههههه طبعا ...
انس : احم ... ايه الريحه المألوفه دي مش غريبه عليا
حياة : اهلا اهلا تعالي كل
صفوان : هي لمه بقي ولا ايه ..
انس بهمس : الكبده تحب اللمه يابابا بدل ما اجيبلكوا ماما هنا
صفوان : طب اقعد ياحيوان
انس : تسلم ياحج .. حياة هاتي فلفل والنبي
( واثناء تناولهم للطعام .....
نوال : ايه الريحه دي !! البيت في كبده
يالهوووووووووووووي
صفوان : كبسه !!!
حياة : روحنا ف داهيه
-----------------
( هاتفيا )
حنين : الوو
جو : انتي فاكرة لما مترديش على رقمي مش هعرف اوصلك
حنين : اا انت ؟
جو : لو قفلتي السكه هتلاقيني عندك دلوقتي
حنين بقلق : اا انت عايز ايه ؟
جو : بقي بعتالي حبيب القلب عشان تخلعي ياقطه
حنين : ااانا قولتلك مش عايزة الشغل بتاعك
جو : طبعااا ماانتي رسمتي على الواد خلاص ولقيته مريش ومش هتتعبي في حاجه
( اغلقت حنين الهاتف دون ان تستمع لكلماته السامه واغلقت الهاتف نهائيا وجلست ف حالة رعب ..... فجاء اليها بيبرس )
بيبرس بابتسامه : ازيك
حنين بتوتر : لو سمحتوميصحش كل شويه تجيلي هنا كده
بيبرس : انتي عندك حق .. طب البسي وانزلي  وانا هستناكي تحت
حنين : متاسفه انا ...
بيبرس بجديه : انا مستني تحت .15 دقيقه لو منزلتيش انا هطلع اجيبك
حنين : ............
( نزل بيبرس للاسفل وانتظر حنين طويلا حتي لحقته بالنزول وعلى وجهها ملامح الضيق والتوتر والرعب والقلق .. مشاعر مختلطه وممزوجه معا )
( في سيارة بيبرس )
حنين : لو سمحت كفايه تدخل فى حياتي انا ...
بيبرس بهدوء : هاتي تلفونك
حنين : انا بكلم فى ايه وانت بتكلم ف ايه ؟
   - لم ينتظر بيبرس ردها فمد يده وامسك بحقيبتهاوقلب بها واحضر منها الهاتف الخاص بها
حنين : انت ازاي تعمل كده
بيبرس : انتي دماغك ناشفه وعنيدة لو استنيت ردك يبقي هاخده السنه الجايه
-- امسك بيبرس بهاتف حنين واخرج الشريحه الخاصه بها وكسرها باسنانه وهشم الهاتف بيديه ثم قذفه ف الهواء
حنين بغضب : انت اتجنت ازاي تعمل كده
- مد بيبرس يده للخلف واحضر شنطه صغيره واعطاها لحنين
حنين : انا مش عايزة منك حاجه انا ...
بيبرس : ششششششش كفايه رغي . انا مش باخد رأيك
   - تفحصت حنين الشنطه فوجدت هاتفا جديدا يبدو انه باهظ الثمن وملحق به الخط الخاص به
بيبرس : انا سيفت لك الرقم بتاعي ونزلت كل البرامج اللي ممكن تحتاجيها على التليفون
حنين : بب بس انا مش بقبل حاجه من....
بيبرس : انا مش اي حد .. انا جوزك باعتبار ما سيكون
حنين : بس انا مش موافقه اتجوزك
بيبرس : طب بصي فى عيني كده وقوليها تاني
حنين : ......
بيبرس : ما تبصي فى عنيا
حنين : لو سمحت يابيبرس .. وجودي فى حياتك مش هيسبب غير المشاكل والتعب
   - التقط بيبرس كف يديها الصغير وقربه من فمه وطبع عليه قبله طويله ونظر ف عنيها مباشرة ......
بيبرس : وجودك فى حياتي ده الجنه بتاعة ربنا على الارض انتي هتكوني اسعد زوجه معايا اوعدك بده
انا هكون سندك وحمايتك محدش هيقدر يمسك بالكلام ولا بالفعل .. ثقي فيا
حنين باابتسامه : حاااضر
بيبرس : بصي وراكي كده ؟
حنين : ايه ده ؟
بيبرس : دي شويه هدوم وطرررررررررح ... عشان مراتي حبيبتي هتلبس الحجاب تاني ومش هتقلعه ابدا مهما حصل
حنين بدموع : بجد ؟
بيبرس : لالالا ارجوكي اوعي اشوف دموعك .. قلبي بيوجعني مقدرش اشوفك كده
حنين ماسحه لدموعها : حاااضر   
بيبرس ممدا يديه  : خدي كمان دي بطاقتك وشهادة ميلادك وشهادتك وكل حاجه
حنين بصدمه : انت وصلت للورق ده ازاي
بيبرس : بصراحه مرات ابوكي طلعت طماعه قوي وطلعت عيني لحد ما وصلت للورق ده
حنين : اوووو بجد فرحانه بجد
بيبرس : حبيبتي ربنا يفرحك دايما .. بحبك
حنين : .............
بيبرس بابتسامه: مش مستعجل خالص علة فكرة
حنين : طب انت هتوديني فين بقي
بيبرس : لا دي مفاجأه ..........
--------------------
#يوم_جديد
        استيقظ يحيي من نومه ليجد الساعه 12:30 ظهرا ... فتفاجأ لان حياة لم تأتي له فنظر حوله ليجد اجهزة كثيرة لا يعلم هويتها
وتدخل حياة علية مشرقه يعلو صغرها ابتسامه عذبه
حياة : صباح الخير .. كل ده نوم
يحيي : انتي مجيتيش فى معادك زي ما قولتي ليه ؟
حياة : مين قالك اني مجيتش .. انا جيت ولقيتك نايم اضطريت اعمل الجلسه وانت نايم وبصراحه الامر كان اسهل
يحيي محدقا بها : ووو وانا نايم .. بس محستش بيكي
حياة : وانت هتحس بيا ازاي .. كل حاجه بالجهزة ومش بتشعر اي حاجه
يحيي : يي يعني انتي مش بتضربي على رجلي وتخليني اقوم وادرب على المشي وكده
حياة بدهشه : مين قالك كده ؟
العلاج الطبيعي كان بالاجهزة والليزر بس
يحيي بغضب : وانتي ازاي تعملي كده وانا نايم
حياة : انا قولتلك من امبارح وانت مصدقتنيش
على فكرة بكرة الجلسه الساعه 7:30 صباحا
يحيي : يووووووة يابنتي متخلينيش اتعصب عليكي هو انا صحيت 8 لما هصحالك 7:30
حياة : وانت عايز تصحي ليه ؟
يحيي : امال افضل نايم وانتي تعملي اللي انتي عايزاه .. ده بعينك ... قولتلك مش هعمل زفت علاج يبقي مش هعمل
حياة : اشوفك بكرة الصبح بقي .. عن اذنك
يحيي : يابنت ال ..... طب واللهي لاصحالك بكرة واما نشوف انا ولا انتي يابنت صفوان
........