الحب الذى غيرنى

البارت الثامن والعشرين

   - صدم بيبرس من قول الطبيب فلقد تلقي من الصدمات والرعب والقلق ما يكفي لجعله يصدم حتي للاخبار السعيده ...
يحيي ملوحا بيده امام عينيه : هااااااي .. روحت فين
بيبرس : حامل .... ده بجد
يحيي رافعا حاجبيه : امال بهزار .. ياااعيني الراجل مبقاش متحمل الفرحه حتي
بيبرس بتنهيده مختلطه باابتسامه واسعه برزت اسنانه : هااااااااح .. يعني انا هابقي بابي
يحيي لاويا شفتيه : بابي .. لله يرحم ابوك
بيبرس لنظرات ناريه : قصدك ايه ؟
يحيي : هو انا اتكلمت ياقطز ..الله ..انت ع طول كده قافش ومش سايبلي فرصه اتكلم
بيبرس : انا داخل اشوفها
يحيي : تحب اجي معاك ..
بيبرس عاقدا حاجبيه : نعمين ياحبيبي
يحيي : خلااااص اهدي .. انا هكلم هطلع بره اكلم حياة من فونك عشان بتاعي نسيته ف البيت
بيبرس : طيب
    - دخل بيبرس ليجد حنين غائصه ف نووم عميق وع وجهها علامات الارهاق والتعب فمسد ع وجهها برفق شديد وع وجهه ابتسامه هادئه حتي اقشعر بدنها وافاقت فزعه ..
حنين بفزع : هاااااااااا لا
بيبرس مربتا ع يديها : اهدي ياحبيبتي انا جمبك.. اهدي خااالص
- جلس بيبرس بجوارها وضمها الي صدره ومسد ع رأسها قائلا
بيبرس : هقولك ع خبر يفرحك اوي اوي اوووووي
حنين تهز رأسها ف موافقه : ....
بيبرس : بعد 7 شهور من دلوقتي هايبقي عندنا كتكوت صغير شبهك و......
حنين معتدله من جلستها بسرعه : ااا انت بتكلم جد
بيبرس مقبلا راسها : بجد يااحلي حنين ف الدنيا ..هاتبقي احلي ماما ف الدنيا كلها
حنين بدموع : ااااه يعني انا شايله جوايا حته منك
بيبرس ممسدا بطنها : انا هاموت من الفرحه ان ربنا هيرزقني منك انتي بطفل .. هاشوفك فيه
   - تشبثت حنين به كطفله صغيره ثم اغمضت عينيها ف فرحه وهي تحمد ربها ع نعمته عليها
--------------
( هاتفيا )
حياة بقلق : ياحبيبتي ياحنين .. كل ده حصلها
يحيي : الحمد لله انها جت ع قد كده ومحصلهاش حاجه هي ولا البيبي .. ربنا يعوضهم بيه يارب
حياة : يااارب .. طب انا عايزة اشوفها
يحيي : ان شاء الله ياحبيبتي اول ما ترجع بيتها بالف سلامة هابقي اخدك تروحيلها
حياة : ان شااء الله .. طب طمني عليكو اول بااول
يحيي : حاضر ... اهو المشوار بتاعنا اضرب
حياة باابتسامه : معلش ياحبيبي ان شاء الله يوم تاني
يحيي : عموما الشقه اللي السمسار جابها هتعجبك اوووووي عبارة عن دورين و....
بيبرس مقاطعا : يلا ياروميو جهز العربيه عشان هاجيب حنين ونمشي
يحيي بتذمر : معرفتك كانت معرفه سوده ومنيله ..ع طول فاصلني وبتيجي ف لحظات غلط
بيبرس بنصف عين : معلش ياروميوو..انجز عشان نمشي من المكان الكئيبب ده
يحيي بضيق : هقفل معاكي يايوو واكلمك لما اروح
معلش يابنتي نصيبي وقسمتي ... سلام ياحياة قلبي
بيبرس : كتك وجع ف قلبك
يحيي : هاااا اخس عليك ياقطز.. ده انا معاك من اول الحفله مسيبتكش
بيبرس لاويا شفتيه : مممم .. هابقي اجيبلك هديه ياخويا بس انجز ف ليلتك
   - دلف بيبرس للداخل واسند حنين الي صدره وحملها للخارج وساعدها الجلوس ف الخلف
يحيي غامزا: ايوة بقي شيلاها وحركات و..
بيبرس بحده : افتح الباب وانت ساكت
يحيي هامسا : اللهي تاخد ع دماغك زي ما بتديني ع دماغي يابعيد
بيبرس : سمعني كده بتقول ايه ياعم الرومانسي
يحيي : بقول ربنا يعدي اليوم ع خير اتفضل اركب عشان نمشي ...
      - وبعد ان وصلت حنين لمنزلها بدلت ملابسها وظلت راقده ف فراشها تسترجع الذمري الاليمه التي حفرت ف ذاكرتها ..بينما ظل بيبرس جانبها مهتما بها ومعاونا لها حتي تمر من تلك الحاله النفسيه السيئه وساعده ع ذلك وجود حدث جديد انار عليهم الحياة من جديد.. كما علمت مايسه بما حدث وظلت بجوار حنين لمساندتها فلم تتركها لحظه وكأنها الام الفعليه لها
------------------
   - ظلت معامله علي لصافي جافه جدا ..كما نفذ ما هددها به ومنعها من كافه وسائل الاتصال او الترفيه كنوعا من التربيه لها كما قال....
علي : الوو
شحاته : ايه ياباشا.. انا قولت اعرف انت جهزت الفلوس ولا لسه
علي بغضب : يووووه ماقولتلك ملكش فلوس عندي والواد طلع منها سليم وقارفني ف عيشتي اكتر من الاول .. ع الاقل الاول كان بعيد عن الشركه انما دلوقتي راشق ف الشركه وشغال ثفقات وشغل الله ينور.. غورر كتك البلي ف شكلك
علي لصافي : انتي بتبصيلي كده ليه ياهانم
صافي بترقب : هو انت بتكلم عن مين ؟
علي : وانتي مالك انتي بكلم عن مين ؟
صافي بتوتر : اا انت بتكلم عن يحيي ..صح
علي بنظرات قاتله وناريه : ايوة هو الزفت اللي حنيتي ليه وروحتي تطلبي منه السماح
صافي محدقه عينيها : هه هو انت ليك ايد ف الحادثه اللي حصلتله
علي ببرود : ايوة انا ... انااااا
صافي واضعه يديها ع فمها  : هاااااا انت السبب طب ليه ..ليه عملت فيه كده ليييه
   - نهض علي من مكانه بسرعه واتجه اليها وجذبها من شعرها بشده  ..
صافي بتألم : تااااااااه اييييييي اوعي
علي : دانتي هتشوفي ايام سوداا .. زعلانه اوي عليه ياختي .. لما انتي لسه بتحبيه اتجوزتيني ليه ليييييييييه
صافي ببكاء : اييييي شعري هايتقطع ف ايدك اااااه
علي دافعا اياها : غووووووووووووررري
    - توجهت صافي راكضه لغرفتها واغلقتها ع نفسها .. فشعرت بالاهانه الشديده .. حيث شعرت بحجم الفاجعه التي اوقعت نفسها فيها فلقد تزوجت من قاتل اراد الفتك بحياة حبيبها الاول .. فمسحت دموعها واقسمت لنفسها انها سوف تنتقم منه اشد انتقام فهو السبب من وجهه نظرها ف التفريق بينها وبين يحيي ..كما انه اهانها وكسر كبريائها ....
-------------
( داخل مديريه الامن )
رؤؤف : وانا بصفتي المحامي الميؤؤل عن القضيه وبتوكيل رسمي من موكلتي بطالب بالافراج الفوري عنها بضمان محل اقامتها
رئيس المباحث : اكتب يابني .. يتم الافراج ..عن المدعوة.. حنين عبد المنصف.. بضمان محل اقامتها .. ولحين تحديد جلسة النطق بالحكم ..واغلق المحضر ف ساعته وتاريخه.. اتفضلي امضي هنا يامدام
..............
يحيي : انا متشكر جدا لحضرتك يااستاذ رؤؤف
رؤؤف : متقولش كده يااستاذ يحيي.. متقلقوش القضيه 100% لصالحنا .. ده دفاع عن النفس
بيبرس : ربنا يطمنك يامترر
رؤؤف : المهم جلسة النطق بالحكم تكون موجوده
بيبرس : اه طبعا بأذن الله
رؤؤف : عن اذنكو
بيبرس : انا مش عارف اشكرك ازاي يايحيي
يحيي : اخس عليك يابيسو ..داحنا اخوات ياجدع
بيبرس مبتسما : طبعا ياحبيبي
يحيي : طب استأذن انا كمان عندي مشوار مهم جداااااااااا
بيبرس : الله يسهلوا ياعم
-------------
   - انطلق يحيي لمنزل حياة واصطحبها معه
حياة : مش هتقولي رايحيين فين برده
يحيي مبتسما : مفاجأه ياحياة قلبي
حياة : ممممم طيب
يحيي : احنا وصلنا .. ثواني اركن وانزلي
حياة ناظره حولها : هو احنا بنعمل ايه هنا
يحيي : تعالي نطلع بس فوق وانتي تعرفي
حياة بتردد : فوق !! ليه
يحيي جاذبا اياها : متخافيش مش هخطفك .. غمضي عنيكي
حياة : طب حاسب صوباعك دخل جوا عيني ههههههه
    - صعد يحيي بها لاعلي بنايه شاهقه ذات مظهر خارجي فخم للغايه وظل واضعا يده ع عينيها وعندما وصل بها للمكان المطلوب ازاح يديه ...
يحيي : تا تا تا تااااا
حياة محدقه بعينيها  : مركز د.حياة صفوان للعلاج الطبيعي
يحيي باابتسامه واسعه : ايه رأيك بقي
حياة بعيون دامعه : اا ا ايه اللي عملته ده
يحيي عاقدا حاجبيه : لا والنبي عياط لا ..انا استويت نكد الفتره اللي فاتت
حياة ناظره حولها : .....
يحيي : تعالي بس ندخل جوه الاول
- دلف الاثنان للداخل وظلت حياة تنظر حولها ف انبهار من تجهيز المركز الذي اعده لها يحيي كهديه لها
يحيي : بصي انا مرديتش اجيب اجهزة لحد ما اسألك انتي الاول انتي عايزة ايه ومش عايزة ايه ..كل اللي جيبته شويه العاب رياضيه ف القسم بتاع التخسيس
حياة : انا مش عارفه اقولك ايه بجد..كده كتير عليا اوي
يحيي مقبلا يديها : حياة قلبي مفيش حاجه تغلي عليها ..ان عارف ان نفسك ف المركز ده من زمان وكمان شغلك اللي خسرتيه واثر عليكي نفسيا وانا محبش اشوفك زعلانه ... ابدا ياحياة
حياة بفرحه شديده : انا فرحانه فرحانه قوووي قووووووي
يحيي : وانا بحبك ... قوووي
حياة بخجل : طب مش يلا نمشي بقي
يحيي بابتسامه : يلا .. هنروح بيتنا الاول عشان تشوفي اخر حجات انا عملتها زي ما اختارتي عشان لو في اي تعديل .. وبعد ما الشقه تخلص هتجوزك وفووووووووورا
حياة باابتسامه : ومستعجل ليه
يحيي بخبث: هابقي اقولك بعدين مستعجل ليه ..بس يلا بينا دلوقتي عشان نلحق نتغدا قبل بره قبل ما اروحك
حياة : يلا
----------؛
( في الشركه _داخل مكتب علي تحديدا )
    - كانت السكرتيرة الخاصه بمكتب علي تجلس امام شاشات الحاسوب ..فجحظت عينيها ف النظر للشاشات وهرعت لداخل مكتب علي ...
السكرتيره بهلع : استاذ علي الحقنا .. اسهم شركه المهدي نزلت للارض
علي بفزع : انتي بتقولي ايه يازفته انتي ؟
السكرتيره : تعالي يافندم بص بنفسك
  - خرج علي مهرولا للخارج بصحبة سكرتيرته ووقف امام شاشات الحاسوب واخذ مترقب لمؤشرات البورصه التي اخذت وضعها ف النزول والتساقط فحدق بعينيه بغضب شديد
علي بغضب : ايه اللي بيحصل ده ..ده مش شركة المهدي بس اللي وقعت ..كمان مجموعه السيوفي بتقع ..الحقي بيعي بسرعه
السكرتيره : محدش هايشتري يافندم الاسهم وقعت ف الارض ومحدش هايخدها ولا بتراب الفلوس
علي بحده : بقولك بيعي .....
السكرتيرة : حح حاضر
علي : ابعتي شوفي الزفت محسن راح فيين
السكرتيرة : بعتله يافندم وع وصول
علي : اسمعي اسمعي الحقي اسهم ل.......
يحيي مقاطعا : مساء الخير.. انا جاي عشان لو في مساعده ولا حاجه اقدر اقدمها ف الكارثه اللي حطط عليك
علي مضيقا عينيه : انت جاي هنا تعمل ايه .. جاي تشمت ؟
يحيي عاقدا حاجبيه : تؤتؤتؤتؤ  متقولش كده ياراجل.. ده احنا شركا ولازم نقف جمب بعض ..نساااعد بعض .. نكاتف بعض
علي بحده : انت جاي تقولي ع اشعار وكلام زفت ..عايز ايه مني يايحيي
يحيي لاويا شفتيه : ممم جاي اشوف الكارثه اللي وقعت ع دماغك .. صحيح من اعمالكم سلط عليكم ..نيتك السودا واللي عملته ف غيابي بيترد ليك اهو بحازفييررررررره.. الف مبروك عليك الخساره..سلام ياابو علي
- تتطاير الشر من عيون علي ..وقرر عدم ترك الامور تمر مرور الكرام ..فلقد شعر بأن شئ ما غير طبيعي قد حدث ولن يتركه دون الفهم
-------
( مكتب يحيي )
يحيي : هههههههههههههه لو شوفت وشه اللي جاب الوان لما شافني ههههههههههههه
بيبرس : اااااه يانمس ..انت مطلعتش سهل خاااالص ياكوتش
يحيي مضيقا عينيه : هو اللي بدأ .. والبادي..اظلم
السكرتيره تدلف للداخل : استاذ يحيي..في واحده بره عايزة تقابلك ومعاها واحد
يحيي بدهشه : مين دي ؟
صافي : دي انا
   - ضرب يحيي ع المكتب بقوة ونهض من مكانه ..
يحيي بحده : انتي اييييه يابنتي ..مبتحرميش ابدا
صافي متقدمه بخطواتها للداخل : النهارده جايالاك ف كلام تاني خالص ..ومينفعش افضل واقفه بره كتير عشان عارفه ان علي ف الشركه
بيبرس بضيق : ولما انتي عارفه يامدام ان جوزك ف الشركه ازاي تيجي هنا تاني مش كفايه ....
صافي : لو سمحتوا تسمعوا وتشوفوا اللي هعرضه عليكوا دلوقتي ..
صافي مشيرا بيدها للخارج : تعالي ياشحاته
شحاته : ميت مسا ع البهوات
يحيي مضيقا عينيه : مين ده
صافي بثقه : ده ..... شحاته
--------------------