الحب الذى غيرنى

البارت الثانى والعشرين

     - ترك شحاته علي وهو في قمة الغضب الشديد والحيرة بنفس الوقت .. فلقد انشغل بسفر يحيي ف هذا الوقت بالذات والي اين ذهب
( مكتب شيرين )
   - دخلت شيرين وهي بقمه غضبها لمكتبها وأخذت تهب بكل من تراه ..
شيرين بحده: حضري كل الاوراق اللي تخص الاسهم بتاعتي .. وكمان ملكيتي ف الشركه
السكريترة : ايوة ياشيرين هانم بس ده هياخد وقت ولازم ارجع للارشيف و....
شيرين بشده وهي تخبط ع المكتب : انتي تنفذي كلامي من غير مناقشه .. هو مين هنا اللي ليه القرار
السكرتيره برعب : حح حاضر .. عن اذنك
شيرين : والغي كل مواعيدي النهارده عشان عندي مشوار مهم هخلصه وارجع الاقي كل الورق اللي انا عايزاه موجود
السكرتيره : حاضر يافندم
شيرين ف نفسها : اما نشوف بقي اخرتها
،،،،،،،،،،،،،،،،،،،،،،،،،،
( المشفي )
علاء بحدة : انتي اتجننتي يادكتورة .. ازاي تعملي حاجه زي كده
حياة بفزع : عملت ايه ؟؟ حضرتك انا بتبع كل التعليمات
علاء بحده : لا يادكتورة انتي مش بتتبعي التعليمات ..انتي بتألفي ف التعليمات
حياة بتذمر : واللهي اللي انا شيفاه ان حضرتك بتتلكك مش انا اللي بألف
علاء : الله يادكتورة .. انتي كمان صوتك بيعلي عليا طيب تمام اوي انتي مينفعش تكملي معانا ف القسم وهاكتب فيكي تقرير لادارة المستشفي لاني مش هابقي مسؤل عن اخطاء دكاترة صغيرين لسه معندهمش خبره
حياة بتوتر  : اا اا ..... حضرتك عارف كويس اني من اشطر الدكاترة ف القسم ياريت متخليش الخلافات الشخصيه تخليك تظلمني بالشكل ده
علاء ببرود  : مصلحة المستشفي اهم من كل حاجه .. ياريت تتفضلي بقي ع الادارة لحد ما اجهز التقرير
حياة بنصف ابتسامه : هو اللي عمل المستشفي دي معملش غيرها يادكتور .. عموما متتعبش نفسك انا هقدم استقالتي
علاء بخبث : لا طبعا يادكتورة ميصحش .. انا هقدم التقرير يعني هقدمه
حياة بضيق : يوووة انت مصمم تأذيني وخلا ص
علاء بحده : اتفضلي ع الادارة يادكتوره
حياة بدموع : ..............
...............
( منزل حياة )
صفوان : لاحول ولا قوة الا بالله .. اللهم لك الحمد والشكر ..معلش يابنتي ان شاء لله ربنا يبعتلك رزق تاني ف مكان تاني
حياة بدموع : ده كتب ف تقرير اني غير مؤهله علميا للتعامل مع حالات يابابا .. يعني مفيش مستشفيات هترضي تشغلني تاني
صفوان ممسدا ع شعرها : اهدي ياحبيبتي .. ربنا مش بينسي عباده خصوصا المظلومين يابنتي
حياة : حسبي الله ونعم الوكيل
صفوان : اهي دي كفايه تجيبلك حقك
تررررررررررررررررن
حياة ناظره لهاتفها : ده يحيي بيتصل من الصبح وانا مبردش
صفوان : طب ردي عشان ميقلقش
حياة ماسحه لدموعها : الوو
يحيي : طب ينفع كده بالله عليكي ..ارن فوق 100 مره وانتي مترديش عليا
حياة : معلش يايحيي اصلي كنت بخلص شويه حاجات ف الشغل
يحيي : يااادي الشغل .. بصراحه مش عاجبني شغلك ف المستشفي دي خصوصا بعد اللي حصل
حياة بتهكم : اطمن يايحيي انا سيبت الشغل خلاص
يحيي بدهشه : معقوله ! ده انتي بتعشقي شغلك
حياة : ما باليد حيله
يحيي : اااه يبقي حصل حاجه ..ايه اللي حصل
حياه باارتباك : هه لا مفيش بس مش عايزة مشاكل و.....
يحيي بحده : والله لانتي قايله السبب الحقيقي اللي مخبياه
حياه : ياحبيبي انا ...
يحيي : حياااة .. انا حلفت
حياة : انا اتطردت يعتبر .. واكتب فيا تقرير واحتمال مفيش مستشفي تاني تقبل بيا اهيييي
يحيي بضيق : طب ممكن تهدي شويه عشان خاطري وانا والله لما انزل مصر هاتصرف
حياة : لالا بالله عليك .. ولا تتصرف ولا حاجه
يحيي : سيبك من الموضوع ده خلاص ..طمنيني ع حياة قلبي
حياة باابتسامه : الحمد لله ..انت عامل ايه
يحيي : انا كويس ياحبيبتي .. قريب هابقي عندك
حياة : ترجع بالف سلامه ياحبيبي
يحيي باابتسامه : يا .. ايه ؟
حياة بخجل : الجو عندك عامل ايه بقي
يحيي : هههه لالا جاوبي الاول ع سؤالي
حياة : بس بقي ... خلينا فيك انت
يحيي : والله ابدا لازم اسمعها تاني
حياة بصوت خافت : ياحبيبي
يحيي : يااااادين النبي ..طالعه منك زي العسل
صفوان : احمممممم مش كفايه كده
يحيي : بيقول ايه الحج
حياة  : هههههههههه الحج معترض
يحيي : هو انا قولت حاجه لسه .. ده لسه الكلام جاي ف السكه
حياة : اييه الو الو مش سمعاك كويس
يحيي : اااه بتستعبطي يعني ..طيب اصبري بس انزل مصر وهانشوووف
حياة : تنزل بالف سلامه يارب .. يلا ف رعاية الله
يحيي : سلام ياحياتي
  - بمجرد ان اغلق يحيي الهاتف حتي ارتسم ع وجهه شبح الغضب وضغط ع هاتفه ف غضب ..
( هاتفيا )
بيبرس : الووو ازيك ياكبير
يحيي بااقتضاب : الحمد لله يابيسو .. عايزك ف مشوار مهم
بيبرس : أمرني ياكوتش
.....................
( منزل علي )
صافي بضيق : طب ليه ياعلي ؟؟
علي بحده : قولتلك انا مش عايز اطفال دلوقتي مش ناقصه وجع دماغ وخوته
صافي : بس انا نفسي ف بيبي ..عايزة ابقي أم
علي : مش وقته ياصافي ..مش وقته
احنا لسه صغيرين والعمر قدامنا
صافي : بس انا .....
علي : الكلام خلص ..ولو فكرتي تعملي كده من ورايا انا هخليكي تنزليه .. عشان انا مش فاضي اربي عيال من دلوقتي
- شردت صافي قليلا لتتذكر
( فلاش باااك )
صافي : يعني انت مش عايز تأجل ؟
يحيي : تأجيل !!
لا طبعا مفيش تأجيل انا عايز دسته عيال منك بس يبقوا شبهي انا
صافي : لا بقي .. انا عايزاهم شبهي
يحيي بهيام : وهو انا اطول يبقي زي القمر كده
صافي باابتسامه : بحبك ياواد
يحيي : بموت فيكي ياقلب وعقل وروح الواد
  #بااااك
- عادت صافي للواقع وترقرقت عبره من عينيها ..فكل يوم تعلم كم كان بيدها كنز اضاعته بطمعها وجشعها
------------
    - مرت ايام بلا جديد فدخلت حياة ف حاله نفسيه سيئه فهي شغوفه بعملها  للغايه فكان يحيي جانبها يحاول تعويضها عما فقدته ... بينما كان بيبرس يعيش مع حنين ف سعاده بالغه فلقد عوض كل منهما الاخر عن سنوات عذاب عاش فيها كلاهما ... ولكن هل سيظل الوضع هانئا بينهما كثيرا
.........
( هاتفيا )
يحيي : الوو .. ازيك يابيبرس عامل ايه
بيبرس : انا الحمد لله كويس انت عامل ايه واخبار السبب اللي مسافر عشانه ايه ؟
يحيي : الحمد لله كله ماشي كويس .. يوم ولا اتنين وتروح البنك تتاكد ان الفلوس اتحولت لحسابي وبعدها هنزل مصر ع اول طياره
بيبرس : تمام ياكوتش.. اا ا في خبر كده
يحيي : قول في ايه ؟
بيبرس : شيرين ..... شيرين هي السبب ف أقالة حياة
يحيي محدقا بعينيه من هول الصدمه : انت بتقول ايه ... استحاله
بيبرس : بقولك شيربن هي السبب وانا اتأكدت بنفسي
______________
#فلاااااش_بااااااااك
..
( المشفي ) ... قسم الاستقبال
شيرين : انا عايزة اقابل المسؤل عن قسم العلاج الطبيعي
موظف الاستقبال : أامري يافندم .. ايه سبب طلب حضرتك
شيرين ببرود : في حاله تبعي وعايزة اجيبها هنا المستشفي ومحتاجه استشارة الدكتور الاول
موظف الاستقبال : تمام يافندم .. تقدري تتوجهي لقسم العلاج الطبيعي ف الطابق التاني ناحية الشمال
شيرين : شكرا
( في قسم العلاج الطبيعي )
شيرين : مساء الخير
سلمي : مساء النور .. اامري
شيرين : عايزة الدكتور المسؤؤل عن القسم
سلمي عاقده حاجبيها : خير حضرتك .. اقدر اساعدك
شيرين : انا بقول المسؤؤل عن القسم مش اللي تحت ايده
سلمي بضيق : الدكتور مش موجود هنا .. هتلاقيه ف قسم جراحة العظام .. بعد القسم باوضتين
شيرين : اوكي
سلمي ف نفسها : ايه قلة الزوق العجرفه دي ؟
( قسم جراحة العظام )
شيرين : لو سمحت الاقي فين الدكتور المؤؤل عن قسم العلاج الطبيعي
علاء عاقدا حاجبيه : خير ياهانم .. انا د.علاء المسؤؤل عن قسم العلاج الطبيعي
شيرين : اوو اهلا بحضرتك يادكتور انا كنت عايزة حضرتك ف مسأله كده بس الكلام مش هينفع هنا
علاء بنصف عين : اه .. طيب حضرتك تقدري تنتظري 10 دقايق تحت ف الاستقبال وانا هغير هدومي وحصلك
شيرين باابتسامه : اوكي
علاء ف نفسه : الوش ده مش غريب عليا .. بس شوفته فين قبل كده ؟
------------
( في احدي الكافيهات )
علاء بخبث : انا مش فاهم حضرتك كل ده عايزة ايه ؟
شيرين بتنهيده : من الاخر كده .. البنت اللي اسمها حياة صفوان .. انا مش عايزاها تكمل شغل ف المستشفي
علاء رافعا حاجبيه : اااااه .. انا افتكرت شوفتك فين قبل كده .. انتي كنتي ضمن الناس اللي تبع يحيي صح كده ؟
شيرين ببرود : اهاا انا  وطلبي ده مش لله والوطن لا .. ده ليه مقابل ومقابل حلو اوي كمان
علاء بابتسامه خبيثه : يبقي نتفق وانا تحت امرك
( #باااااااك )
يحيي : اا انا مش مصدق ... شيرين تعمل كده ؟
بيبرس بضيق : ان كيدهن عظيم .. انت عارف ان شيرين كانت بتحبك واكيد ده رد فعلها بعد خطوبتك
يحيي بحده : حب ايه وزفت ايه بقي .. في حد يحب حد يأذيه كده
بيبرس : يحيي .. انا عايزك تبعد شيرين عن الشركه انا حاسس انها بتعمل حاجه بس مش عارف ايه هي
يحيي بفزع : يانهار اسود ... دي معاها توكيل مني بالتصريف ف كل حاجه
بيبرس بفزع : بتقووووول ايييييه غبييييييييييييي
--------------
( هاتفيا )
شريفه : الوو .. ازيك ياحبيبي واحشني طمني عليك
يحيي بعجاله : الحمد لله ياماما كويس المهم .. انا مش عارف اوصل لاستاذ رؤؤف المحامي بتاعي ارجوكي تتصرفي وتوصليله بسرعه
شريفه بقلق : في ايه يابني ؟؟
يحيي : هاحكيلك كل حاجه بس مش وقته ..
( بعد قليل )
شريفه : ايوة يابني .. تليفونه مقفول ومش عارفه اوصله
يحيي : طيب ياماما اقفلي وانا هكلمك تاني
- اغلق يحيي الهاتف سريعا ف توتر وارتباك واضح  ثم اتصل ع ....
يحيي : الوو.. ايوة ياحياة اسمعيني كويس اوي ونفذي اللي هقولك عليه
؛---------------
#يوم_جديد
( الشركه )
شييرين : فهمتني يااستاذ احمد ( محامي شيرين )
احمد : تمام ياشيرين هانم ..يعني عايزة تبيعي 70% من اسهم استاذ يحيي
شيرين : بالضبط كده .. هو مكلفني بالمهمه دي والتوكيل معايا انت عارف انه مديني حق التصريف ف كل شئ
احمد : سيبيلي الموضوع ده وانا هاتصرف
شيرين : طيب يااستاذ احمد ف انتظار ردك
تدخل السكرتيرة : شيرين هانم .. كل الورق اللي حضرتك طلبتيه
شيرين : طيب .. هاتيه وامشي انتي
السكرتيرة : حاضر ياهانم
شيرين : ده ورق بيفيد بنصيبي ف الشركه والاسهم بتاعتي ... عايزة ابيعه
احمد فاغرا شفتيه : هاا حضرتك كمان هتبيعي
شيرين بخبث: ايوة هابيع .... وعارفه هبيع لمين
-----------
( هاتفيا )
شيرين : الوو .. ايوه يامتر
احمد : في خبر مش حلو ياشيرين هانم
شيرين : في ايه يامتر
احمد : مش عارف اقولك ايه بصراحه ... الاستاذ يحيي لغي التوكيل اللي منه لحضرتك
شيرين فاغره شفتيها : ايييييه التوكيل اتلغي .. اتلغي امتي وازاي ؟
احمد : اتلغي النهارده الصبح
شيرين : مفيش اي طريقه ينفع تتصرف بيها يامتر
احمد بدهشه : لا طبعا معرفش ..قانونا مبقاش من حقك انك تتصرفي ف حاجه
شيرين بغضب شديد : طيب يامتر .. سلام دلوقتي
شيرين ف نفسها : بقي كده !! طب عرف ازاي ولا اتصرف كده ليه ... بس والله ما هسكت
  - توجهت شيرين ع عجاله الي مكتب علي وع وجهها علامات الغضب الشديد
علي بحده : ازاي تدخلي عليا كده ياانسه
شيرين : عايزاك ف مصلحه
علي بنصف عين : مصلحه !!
شيرين بخبث : انا عايزه ابيع نصيبي ف  الشركه .. لو عايز تشتريه قولي بدل ما ابيع لحد غريب
علي فاغرا شفتيه : هاااا
.....................