الحب الذى غيرنى

البارت الثلاثون والاخير

    - تم القبض ع علي وسط ذهول تام من كل موظفي الشركه وتساؤلات تدور بين الكثيرين عن سبب القبض عليه بتلك الطريقه وهذا الوقت ...
يحيي : ابو علي .. تحب اجيبلك مع الحلاوة عيش ولا فينو
علي بغيظ شديد : ابعد عني .. يلعن ابو اليوم اللي دخلت فيه شريك هنا
بيبرس عاقدا حاجبيه : تؤتؤ لا حول ولا قوة الا بالله ..راح الراجل ف شربة ميا
----؛------
- داخل مديريه الامن
رئيس المباحث : اظن كده وبعد دليل الادانه ده متقدرش تنكر انك حاولت تقتل شريكك يحيي المنصوري
   - كان علي يسمع للتسجيل ولاتهامات رئيس المباحث له وهو في حااله تامه من الذهول .. فكان التوتر والرعب مؤثرا عليه تأثيرا كاملا حيي اخذ يتصبب عرقا غزيرا ولم يقوي ع التفوه بكلمه
رئيس المباحث ممسكا بقلم ومخبطا به ع مكتبه : يعني مش هتكلم وترد ع الكلام ده
علي بتوتر : اا انا انا مش هتكلم الا في حضور المحامي بتااعي
رئيس المباحث لاويا شفتيه: ممم وماله ..حقك برده
--------------
( في مكتب يحيي )
يحيي : اتفضلي .. دول بقيت فلوس شحاته ..تقدري تديهومله بنفسك
صافي بملامح حزينه : ماشي .. ومبروك عليك الشركه الجديده
يحيي : الله يبارك فيكي .. انتي ناويه تعملي ايه ؟
صافي بابتسامه من زاويه فمها : متشغلش بالك بيا ..انا بعد ما أخد حكم بالطلاق من المحكمه هرجع لندن ..مبقاش ليا مكان هنا
يحيي عاقدا حاجبيه : اللي يريحك عموما لو حابه اي خدمه مني انا ع استعداد
صافي بضيق : شكرا عن اذنك
يحيي : مع السلامه يا ... ياصافي
------------
بيبرس : واضح انها فعلا ندمت ع عملته
تنهد يحيي ف حرارة واسند رأسه ع كرسي المكتب : وفايدته ايه الندم .. عموما كويس انها صلحت غلطتها ف حق نفسها
بيبرس : صح .. مبرووك ياكوتش ع الشركه الجديده
يحيي باابتسامه : الله يبارك فيك .. متهيألي ان علي ميعرفش ان انا اللي اشتريت الاسهم بتاعته
بيبرس : معتقدش ..
يحيي : تمام .. انا بعد الجواز ان شاء الله بحوالي اسبوعين هاخد حياة ونسافر بره مصر انت عارف اني عايز اعمل شغل بره
بيبرس بفرحه: الف مبروك يايحيي وربنا يتمملك ع خير
---------------
( منزل يحيي )
شريفه فاغرة شفتيها : معقول ياشيرين .. ازاي متقوليش لعمك ولا لينا
شيرين : هو انا بقولك اني اتجوزت ياطنط.. ده طلب ايدي بس وانا وافقت
شريفه : مش كان يصح برده انه يقابل عمك ويطلبك منه
شيرين بتنهيده : كل دي شكليات ياطنط.. وانا بصراحه شايفاه انسان مناسب
شريفه : طب ياحبيبتي مش عايزة تعملي فرح ليه
شيرين : فرح ايه بس ياطنط.. احنا هنكتب الكتاب وهنهاجر ع كندا
شريفه بصدمه : تهاجروا .. كمان
شيرين : اها.. احمد جياله فرصه شغل حلوه اوي بره وبيحضر ف التأشيرات والفيزا وبقيت لوازم الفرح
- يدخل يحيي في هذه اللحظه ع عجاله ..
يحيي : مساء الخير ياماما ..ايه ده شيرين هنا
شيرين : ازيك يايحيي
يحيي : الحمد لله انا كويس
شريفه : بارك لشيرين يايحيي ..هتتجوز
يحيي : الف الف مبروك ياشيري .. احمد انسان كويس اوي وهيصونك ويحافظ عليكي
شيرين محدقه عينيها ف صدمه : اا انت عرفت منين انه هو
يحيي واضعا يده ف جيبه : انتي فاكره احمد هيعمل خطوة زي دي بدون ما يرجعلي
شيرين عاقده حاجبيها : واضح ان في حجات كتير معرفهاش
يحيي : مش كتير اوي يعني .. عموما الف مبروك
شيرين : الله يبارك فيك
يحيي : انا كلمت عمي مهيب وهو مرحب بالموضوع جدا .. يعني متقلقيش وليلة كتب الكتاب كمان انا اللي هرتبهالك
شيرين بتهكم : ناقص تقولي انك هتشهد ع العقد
يحيي باابتسامه واسعه : مين قالك .. ياخسارة كنت عملهالك مفاجأه
شيرين باابتسامه  : ميرسي يايحيي
يحيي : مفيش ميرسي ولا حاجه بينا ..انا طالع اغير هدومي عشان نازل
شريفه : ماشي ياحبيبي اطلع انت
---------------
   ( في أحدي المطاعم الفاخرة )
حياة بضيق : يعني كل ده يحصل الفترة اللي فاتت ومتقوليش
يحيي : حبيبتي مكنتش عايز اشغلك بمشاكلي فقررت اني لما اصفي كل حاجه هحكيلك
حياة : بس المفروض كنت ع الاقل تعرفني
يحيي : عارفه الحسنه الوحيده اللي ف الموضوع ايه هي ؟
حياة : ايه هي ؟
يحيي ممسكا بيديها : اني عملت الحادثه .. لولاها مكناش هنتقابل ولا كنا هنبقي قاعدين القعده دي ..مش بزمتك حاجه حلوة
حياة بابتسامه : صح
يحيي غامزا : خلي بالك ياحياة قلبي ..متبقي من الزمن 6 أيام
حياة بااستعباط : هه نعم ..افندم
يحيي : ههههه وقعتي ع ودانك دلوقتي ولا ايه ؟
حياة : هههه اصلي مش بسمع كويس بالليل
يحيي ناظرا لعينيها مباشرة : عنيكي حلوة اوي .. تحسي فيها بالغموض رغم انك كتاب مفتوح بالنسبالي
حياة باابتسامه : عشان سودا يعني ؟
يحيي : مش العيون الملونه بس هي اللي حلوة ..بالعكس انا شايف ان عنيكي احلي 100 مرة من العيون الملونه
حياة بخجل: ميرسي ..انا عملالك مفاجأه ..بس هتبقي يوم فرحنا
يحيي محدقا عينيه ف ابتسامه : وانا كمان عاملك مفاجأأأأأأأأأأت مش مفاجأه واحده .. ده هابهررررررك
-----------
(هاتفيا )
حياة بصدمه : انتي بتكلمي جد
سلمي : والله زي ما بقولك كده .. دكتور علاء شخص حاله غلط وكان السبب فتأخير معاد العمليه الجراحيه للست .. وده أدي ان حالتها اتدهورت وحصلها مضاعفات ادت للوفاه
اهل الست بقي مسكتوش وعملو قضيه وعلاء دلوقتي اتشال من نقابة الاطباء ولا يحق ليه ممارسه المهنه نهاااائي.. ده غير القضيه اللي عليه
حياة : لا حول ولا قوة الا بالله .. اللهم لا شماته بس حقيقي كما تدين تدان وزي ما عمل معايا واذاني ف شغلي ربنا بعتله اللي يأذيه
سلمي : سيبك انتي ..المركز بتاعك اخباره ايه يادكتورة
حياة : يحيي بعت فاكس فيه كل الاجهزة الطبيه اللي هيحتاجها المركز وهيوصلو مصر ع اخر الشهر وكنت عايزاكي معايا ف لمركز بقي
سلمي : ان شاااء الله ياحبيبة قلبي والف الف مبروك يايووو انتي تستاهلي كل خير وربنا عوضك عشان اتظلمتي
حياة بفرحه : الحمد لله
سلمي : عارفه انك عروسه بقي ومش فاضيه للرغي .. هاكلمك تاني لما اخلص شغل
حياة : ماشي ياسوسو مع السلامه
----------
( منزل بيبرس )
   - كانت حنين تقف امام خزنة الملابس الخاصه بها لتنتقي قميصا قطنيا فضفاضا لترتديه ..وبعد ان ارتدته وقفت امام المرأه وضيقت القميص حتي يبرز حجم بطنها التي ع وشك الظهور ثم تحسستها برفق وع وجهها ابتسامه عفويه .. فدخل بيبرس للغرفه ورأها هكذا فاابتسم ابتسامه واسعه برزت اسنانه واقترب منها برفق وقبل وجنتيها ثم ضمها لصدره ف حنان
بيبرس بلهفه : هو فاضل كتير بقي ولا ايه
حنين باابتسامه : لسه بدري ياحبيبي
بيبرس عاقدا حاجبيه : طب اكدبي عليا وسيبيني احلم ..متصدمنيش بالواقع
جنين : ههههه متقلقش كلها كام يوم ويشرف ولي العهد
   - جلس بيبرس ع ركبتيه ووضع رأسه ع بطنها وكأنه يسمع نبضات تلك الروح الصغيره التي تنمو ف احشائها بينما وضعت حنين يدها ع راسه وغرزت اصابعها ف شعره الغزير ممسده عليه
بيبرس : شكله بيلعب جوه .. في اصوات حاجات بتكسر
حنين : هههههههه او ممكت تكون بتلعب مش بيلعب
بيبرس ناهضا من مكانه : اي حاجه يلعب تلعب المهم يبقي شبهك كده ياخد كل ملااااامحك
حنين : لا عايزة ولد صغنن شبهك انت راجل
بيبرس مقتربا : بحبك
حنين ترمش بعينيها : وانا كمان بحبك اوي
بيبرس : ياااااااه ربنا يخليكي ليا طول العمر
   - حمل بيبرس زوجته الحبيبه ووضعها ع الفراش ونام بجوارها بينما وضعت رأسها ع صدرة وحاوطته بذراعيه فضمها اكثر اليه ليلتصقا سويا جسدا وروحا ..........
------------
    - قام يحيي بأعداد تجهيزات خاصه لكتب الكتاب الخاص بشيرين فلقد صممت ان تعد لكتب كتابها والسفر قبل زفاف يحيي .. وبعد كتب الكتاب ....................
يحيي : الف الف مبروك ياشيري
شيرين باابتسامه : ميرسي يايحيي بجد شكرا ع وقفتك معايا
يحيي : انتي اختي ياشيري .. بس ايه القمر ده ياشوشو كنتي مخبيه كل ده ف الشغل والشركه
احمد : احمم في حاجه يايحيي
يحيي : ههههه اه في .. دي حتت قمر واقف اهو
( كانت شيرين ترتدي فستان من اللون الاوفوايت والمرصع بالفصوص والاألئ ع الصدر وعاري الكتفين وينسدل ع الاوسع وتضع ع رأسها تاجا صغيرا رقيقا وتركت شعرها منسدلا ع ظهرها ..كما ابرزت مساحيق التجميل ملامحها الجميله )
احمد : وبعدين بقي .. شوفي حل ياحياة ف خطيبك
حياة باابتسامه : تعالي يايحيي ياحبيبي وسيبهم شويه
يحيي : تؤتؤ انا راااااشق هنا
بيبرس اتيا عليهم : بطل تباته يااخي وسيبهم شويه ..تعالي
يحيي : لولا انك اتدخلت ياقطز انا مكنتش وافقت ابدا
بيبرس بنصف عين : لم لسانك احسنلك
يحيي : حياة قلبي .. يلا نمشي من هنا
شيرين : ههههههه
احمد ناظرا اليها بشغف : بحبك
شيرين باابتسامه : فاضل قد ايه ع معاد الطيارة
احمد : مممم فاضل بالضبط 4 ساعات
شيرين : طيب انا هطلع اغير هدومي بقي واجهز نفسي
احمد : تمام ياروح قلبي .. ولما تخلصي انا هطلع اخد الشنط
شيرين : ماشي .. عن اذنك بقي
احمد باابتسامه : اتفضلي
   - وبالفعل غادرت شيرين مصر مهاجرة مع زوجها الي كندا .... بينما انشغل يحيي ف التجهيز لحفل زفافه بعنايه وانشغلت حياة كثيرا ايضا لتجهيز نفسها واعداد كل شئ لحفل زفافها
( هاتفيا )
يحيي : يعني كل حاجه تمام
حياة : اه .. وخلصت كل حاجه انا وماما ورتبت كل هدومي وحاجتي ف الدولاب
يحيي بخبث: طب هي الهدوم عباره عن ايه
حياة بنصف عين : عبايات وجلاليب
يحيي رافعا حاجبيه : لا ياشيخه .. ممم عموما مش هنحتاجهم عادي
حياة : وبعديييييين عيب ياولد
يحيي بتهكم : ولد.. طيب ياماما انا هسيبك عشان ورايا شويه حجات بخلصها قبل ما اخد الاجازة
حياة : ربنا معاك ياحبيبي .. يلا سلام
------------
( في احدي السناتر الخاصه بفساتين الزفاف )
سلمي : اووو بجد ده احلي فستان شوفناه لحد دلوقتي هياكل منك حته
حياة : بجد .. بصراحه شكله حلو اوي
سلمي : يبقي ع بركة الله وكفايه ابوس ايدك احنا لفينا محلات مصر الكبري والصغري وانا بصراحه شايفه ان ده حلو
حياة بتفكير : مممم خلاص هاخده
( كان الفستان الابيض بدون حماله " كب " مطرز تطريزات رقيقه للغايه ومرصع بفصوص ماسيه لامعه ويأتي ناحية الخصر بشريط ستان ابيض معقود من الخلف ع شكل فيونكه كبيرة للغايه وينسدل طرفيها ع الفستان بالطول ..وكان الشيفون اللامع والساده هو الاغلب ع الفستان بينما كان اسفل الفستان مطرز بنفس التطريز الذي ع الصدر وكان ينسدل في توسع ( منفوخ للغايه )بينما كانت الطرحه مرصعه من حوافها بنفس الفصوص الماسيه المرصعه ع الصدر )
-----------
( ليلة الزفاف )
  - صمم يحيي عدم توافد اي شخص للكوافير الخاص بتجهيز حياة وذهابه بمفرده لاصطحابها لمقر الحفل وبالفعل ذهب اليها وما ان رأها حتي صعق من الصدمه التي فعلتها حياة به ....فلقد ارتدت حياة الحجاب الابيض مع فستانها فزادها اشراقا وجمالا فكانت جميله بحق ..كما وضعت اعلي رأسها تاجا رقيقا للغايه يتماشي مع الفستان .
يحيي باابتسامه واسعه : اا انتي اتحجبتي فعلا ولا ده النهارده بس
حياة بخجل : اتحجبت فعلا .. ايه رأيك ف المفاجأه
يحيي ممسكا برأسها بين كفي يده : دي احلي مفاجأه .. ربنا يباركلي فيكي ويخليكي ليا
حياة : طب مش يلا بقي
يحيي غامزا : مستعجله ليه طيب
حياة محدقه عينيها : لالا قصدي يعني الناس بيبصوا علينا ميصحش .. الله
يحيي : ياخواتي عليها لما بتتكسف
حياة بخجل شديد : يحيي بقي
يحيي مقتربا : قلب يحيي انتي والله .. طب يلا عشا فعلا في هنا عيون عامله زي الصقر
  - اعطي يحيي باقه من الزهور البيضاء لحياة واصطحبها للخارج ... بينما كان المكان الخاص بحفلة الزفاف مملوء بالمدعوين ف انتظار العروسين الذان تأخرا عن معادهما
حتي اعلنت الابواق والموسيقي عن وصولهما وكانت المفاجأه هي دخول العروسين للقاعه ع فرس ابيض كان مزيننا بالبلونات الملونه واوراق الورود الحمراء بينما كان يحيي ممسكا بلجام الفرس ومحاوطا لحياة ..حتي وقف الجميع تصفيقا لتلك الفكرة الجميله ولمشهدهم الرومانسي ثم استعد يحيي للهبوط عن ظهر الفرس ثم مد يده لحمل  حياة وقام بالدوران بها عدة دورات وسط تصفيق وصفير من جميع الحاضرين
بيبرس بصدمه : يابن المجنونه .. داخل ع حصان
حنين : الله ع منظرهم يجنن .. بس يوو طلعت بفستانها ازاي ع الحصان ده فستانها منفوش خااالص
بيبرس واضعا يديه ع ورأسه : ده يحيي .. يعني يعمل اي حاجه
حنين بانبهار : واووو ده شالها وبيلف بيها ياخواتي عليهم
بيبرس لاويا شفتيه : طب مانا شيلتك ولفيت بيكي ولا هتنكري
حنين : حبيبي ربنا يخليك ليا يارب
.....
نوال بدموع : بسم الله ما شاء الله عليهم ربنا يحرسهم يارررب
صفوان ماسحا لعينيه : ربنا يسعدك يابنتي يارب
انس : الله .. حلوة قوي الفكرة دي يابابا
   - انزلها يحيي من بين ذراعيه ورقصا سويا ع انغام اغنيه ( جنبك ع طول خليني متغيبش ف يوم عن عيني ده انا لما بقول ياحبيبي قلبي بيرتاح ............. )
وتوافد عليهم الكثيرين للمباركه ع هذا الزواج السعيد ثم حضر المأذون لاتمام كتب الكتاب
بينما جلس يحيي وصفوان وبجانبهم حياة حول التربيزة المخصصه لكتب الكتاب وبعد اتمام مراسم كتب الكتاب تعالت الصيحات والزغاريط
نوال مقبله ابنتها : حبيبة قلبي الف الف مبروك
حياة محتضناها : الله يباركلي فيكي ياماما
انس : يوو الف مبروك ياحبيبتي
حياة : يبارك فيك ياجومانجي
   - نهض يحيي من مقعده بعد التوقيع ع عقود الزواج وامسك برأس حياة بين راحتي يده وقبلها ع جبينها وتوجهوا لمكانهم مره اخري .. بينما طلب منهم قائد الحفله التواجد وسط المدعوين والقاء كلمه صغيره .. فقاموا بالفعل وتوجههو بجوار الدعوين الذين وقفوا ف شكل دائرة حولهم بينما غمز يحيي لقائد الدي جي فقذف له بالميكروفون
يحيي مخبطا ع المايك : تيست تيست الكل سامعني 12345 ....
الجميع بضحك: ايووووووووة هههههههههههه
يحيي بفرحه شديده وناظرا لحياة بحب : النهارده اسعد يوم ف حياتي .. النهارده ربنا عوضني بحاجه مكنتش اتخيلها هي انتي حياة .. انتي حياة قلبي انتي الشمعه اللي نورت حياتي اللي كانت ضلمه ..انتي اللي ساندتيني ووقفتي جمبي .. انتي ... انتيي.... انتي حياتي حبيبتي وروحي وقلبي وكل حاجه ليا
حياة بدموع : وانت الحلم .. انت فارس رواياتي ..انت حبيبي
يحيي واضعا يده ع وجنتيها : احلمي .. احلمي واتمني وانا هنفذ
حياة بفرحه :.... احضني
  - قذف يحيي بالميكرفون لاحدي الدعوين وحمل حياة ودار بها كثيرا وسط تصفيق وصفير وزغاريط الجميع .. ثم انزلها وقبلها قبله مطوله ع جبينها فاستغل الجميع تلك اللقطه واخذوا منها لقطات تصويريه عديده ..........
---------------
( بعد مرور سنوات )
يمسك الجد صفوان بصورة داخل برواز بها ابنته العزيزة اثناء تقبيل يحيي لرأسها ...
ريماس : يعني هي دي حكايه الثورة ياكدو ( جدو)
صفوان : اه ياريما.. هي دي حكايه الصورة
مازن : هما ماما وبابا هيرجعوا امتي ياجدو
صفوان : المفروض انهم بعد كام ساعه يكونو وصلو مصر
ريماس : كدو كدو .. هو فين حلي الوحش ده بقي
صفوان : والله ياجبيبة جدك مش عارف ..كل اللي اعرفه انه اخد حكم 5 سنين لشروعه ف القتل ..لانه كان عايز يقتل بابا
مازن بضيق : لا مش يقدر انا هطلع ضابط زي جدو واقبض عليه
صفوان محتضنا احفاده الصغار : ربنا يحميكوا وما يحرمني منكوا ياحبايبي
انس : سلام عليكوا .. ازيك يابابا
صفوان : الحمد لله ياحبيبي .. وصلت خطيبتك ؟
انس : ايوة ياحج وصلتها وجيت اغير هدومي ونازل اشوف حياة ويحيي هيوصلوا مصر كمان ساعتين
صفوان : ان شاء الله يرجعوا بالسلامه
انس : ريمو وموزي حبايب خالو تعالو ف حضن خالو بسرعه
ريماس ومازن : هيييييييبه
انس : اه اه اه براحه اه هههههههههه
صفوان : ههههههههههههه
نوال : يلا ياحبايب تيته .. عملتلكو الاكل يلا
ريماس : حامله اكل ايه يانينتي
نوال مقبله الصغيره : عامله رز وسلطه ولسان عصفور وكوكو عشان ريمو حبيبت نينه وباميه
مازن : لا انا مش عايز باميه مش بحبها .. انا عايز ستوشات كبده
صفوان : اوبااا .. جدع ياموزي حبيب جدك يابني
نوال عاقده حاجبيها : بقي الكام يوم اللي قاعدين العيال فيه عندنا تعودهم ع الكبده واكل الشوارع
انس هامسا : انا هنزل اجيبلكوا بس ف السر
ريماس : هيييييييييييه
انس محدقا عينيه : يخرب بيتك دانتي متستريش ابدا
نوال بنصف عين : بتقول ايه ياانس
انس : ولا حاجه ياماما ... ع فكرة مراد كلمني  النهارده واحتمال ينزل مصر هو ومراته وابنه قريب
صفوان : ياااااريت والله واحشني .. طب طمني ياانس بيبرس عامل ايه دلوقتي
انس بضيق : والله يابابا بعد وفاة مامته نفسيته تعبانه اوي بس ربنا يهون عليه يارب وحنين انت عارفها مش سيباه ابدا وكمان حملها جه ف وقته عشان يهون عليه شويه
صفوان : ربنا يباركلهم ف بنتهم ويرزقهم بالذريه الصالحه ان شاء الله ويسعد اختك ويكرمها هي وجوزها وانت كمان اشوفك متجوز كده وتخلف انت كمان
انس : ان شاااء الله ياحبيبي
..............
كما ورد بالروايه ..انجبت حياة ابن وابنه ..وانجبت حنين ابنه وما زالت باانتظار مولودها القادم ..كما تزوج مراد وانجب طفله ..
ظلت حياة مرافقه لزوجها الحبيب ف مشوار حياته حتي انه لم يستغني عنها ف سفرياته للعمل ..كما حققت نجاحا باهرا ف عملها ومركزها الطبي الذي اصبح من اهم المراكز الطبيه للعلاج الطبيعي
...............
تعهد لنفسه بتغير حياته للافضل من اجل ان يثبت لها انها اخطأت القرار ..فصادفها فى طريقه لكي يري بها نصفه المكمل له وشريكة حياته وحبيبته ..احبها بحق وعشق جمالها الروحي فشكر ربه انه اعطاه تلك الفتاه الخائنه التي تسببت في تغيير حياته
#تمت_بحمد_الله