الحب الذى غيرنى

البارت الخامس

#بااااااااااااااك
_ قص بيبرس كل ما حدث بالماضي علي مسامع صديقه المقرب وهو يعتصر ألما على حبيبته التي فقدها في يوم وليله فقد عانت بسببه حتي انه استعلم عنها بالكليه العديد من المرات وعلم انها لم تحضر امتحانات العام وايضا لم تسحب ملفها بالجامعه .. مما يؤكد انها لم تكمل تعليمها .. حاول كثيرا البحث عنها ولكنه لم يتوصل لشئ حتي يأس من عودتها اليه .. ....
انسدلت من عينيه عبره خانته بالنزول فمسحها بسرعه وتابع حديثه بجديه .......
يحيي : كل ده شايله لوحدك
بيبرس : مكنش ينفع حد يشيل معايا .. دي ذنبي انا لوحدي
يحيي : انت ملكش ذنب كل ده كان ترتيب القدر
بيبرس : بس فى ايدي اصلحه .. واعوضها عن السنتين اللي شافتهم بسببي وتعليمها اللي راح وابوها اللي مات .. هعوضها
انتقامي منهم مكنش كفايه .. بس ملحوقه
يحيي : يعني ايه .. انت ناوي على ايه ؟
بيبرس بتحدي : هتجوزها ...
يحيي بصدمه : نعمممممممممم
.......................
( منزل حياة )
حياة : ياماماااا .. ياماما فين المقص اللي كان هنا
نوال : شوفيه عند اخوكي ياحياة
( غرفه مراد )
حياة : مراد هو المقص هنا
مراد : .....
حياة : يامرااااد بقولك المقص هنا
مراد بلامبالاه : عايزه ايه ... صوتك عالي ليه
حياة بضيق : انا عايزة المقص حضرتك ..
مراد : المقص هتلاقيه عند انس .. اخده مني امبارح... بقولك ايه .. هاتي 400 جنيه
حياة فاغره شفتيها : هه نعمين يااستاذ مراد
مراد بشده : بقولك هاتي 400 جنيه ايه طرشتي
حياة : وانا اجيبلك منين انت شافطني اول بأول
مراد : ماليش فيهة.. امال الاوفر تايم اللي بسيبك تشتغليه ده فين فلوسه
حياة : متنساش ان في دروس انس وعلاج بابا ومصاريف البيت ومصاريفي ده غير اللي بتاخده مني يعني مرتبي مش بيفضل منه حاجه
مراد : مممم طب طالما الاوفر تايم مش جايب همه يبقي ملوش لزوم
حياة بفزع : يعني ايه ؟
مراد بخبث : يعني مفيش نزول تاني لشغل اضافي
حياة بفزع : اييييييه لا طبعا مقدرش ده اللي ساندني وساند البيت
مراد : يبقي ليا نصيب يااما مفيش نزول ليكي
حياة : انت ملكش عليا كلمه اصلا انا ابويا وامي عايشين وهما بس اللي يأمروني
مراد : واللهي اللي يريحك بقي .. حتي لو معرفتش امنعك من النزول هقدر اروحلك المستشفي واعملك فضايح ومشاكل وقابليني لو عرفتي تروحي هناك تاني
حياه بحزن : انت ليه بتعمل كده .. ليييه حرام عليك المفروض تبقي اخويا وسندي مش كل اللي همك بتاخد مني كام .. عموما لو لقيت معايا فلوس هاديك مش معايا اعمل مابدالك
مراد : متقلقيش هتلاقي .. هو انا لو مش متاكد ان معاكي كنت طلبت ؟
( انطلقت حياة لغرفتها تسب وتلعن حظها فى اخاها الاكبر وحاولت ان تتفادي غباءه بأي شكل )
حياه : اتفضل يااستاذ .. دول 150 جنيه ومفيش غيرهم معايا
مراد : ايوه بسسسس .....
حياه : مفيش بس .. عن اذنك
( غرفة انس )
حياة برفق : جومانجي .. قوم ياحبيبي اصحي
انس بصوت ناعس : ايه ياحياة
حياة : فين المقص ياجومي
انس : هتلاقيه فى الادراج
( بحثت حياة عن المقص في احدي الادراج وتفاجأت بوجود مبلغ ليس بصغير من المال فتغيرت ملامهحها وتبدلت ....)
حياة بنبره قويه : انس .. انسسسسس قوم هنا كلمني
انس معتدلا في جلسته : ايه ياحياة في ايه ..
حياة : جيبت الفلوس دي منين ياانس
انس : هه .. دي دي فلوسي
حياة : انا مسألتش فلوس مين .. انا بسأل منين ياانس
انس : في ايه ياحياة هو تحقيق
حياه : بقولك جيبت الفلوس دي منين رد عليا
انس بتوتر : اااص ااص ااصل انا اشتغلت
حياه : ايييييه اشتغلت ؟؟ طب ليه كده ليييه .
انس : حياة الشغل مش عيب وبعدين الحمد لله اني لقيت شغل الصبح عشان متعطلش الدراسه ولا اي حاجه
حياة : واشتغلت ايه ان شاء الله ؟
انس : ا ا اشتغلت فى البنزينه ياحياة
حياة : طب ممكن تسيبب الشغل ده ولما تخلص السنه دي تبقي تعمل ما بدا الك
انس : لو ليا معزه عندك سيبيني اكمل فى الشغل ده انا ماصدقت لقيت حاجه الصبح بدري ومش هتعطلني عن الدروس
حياة باستسلام : ربنا يرزقك بالحلال يارب
انا دلوقتي اتأكدت انك راجل يعتمد عليه
انس مقبلا جبينها : ربنا يخليكي ليا ياحياة
----------------
- عند يحيي وبيبرس /
يحيي : يعني انت موافق تتجوزها بعد ما شوفتها امبارح فى الوضع ده
بيبرس بحده : بقولك ايه يايحيي لو عندك كلمه حلوة قولها معندكش متقولش .. انت عارف انها مكنتش بتعمل حاجه وحشه .. دي بتقدم مشروبات وزفت اكل
يحيي : طب حقك عليا ممكن تهدي
بيبرس : انا ماشي .. سلام
يحيي : ياجدع استني هنا حرام عليك .. يعني مصحيني الساعه 7 الصبح وجايبني على ملا وشي وشغالين لف من الصبح والاخر عايز تمشي
بيبرس : عندي مشوار مهم .. عن اذنك
يحيي : لا حول ولا قوة الا بالله .. الراجل اتجنن
......................
( في منزل حنين )
- منذ ان وصلت حنين لمنزلها لم تكف عن البكاء الشديد فلقد عاودتها ذكرياتها الاليمه من جديد والكثر الما هو اتهامها من ذلك الشخص الذي تسبب بمعانتها وحرمانها من والدها وتعليمها ومنزلها .. حتي فاضت عينيها من الدموع فقامت وحاولت التماسك وعدم الاستسلام فلقد كونت حياه خاصه بها تبتعد عن الناس .. بينما كانت شارده في تلك الاشياء حتي فاجئها زياره شخص ما ...
#طق_طق_طق
فتحت حنين الباب للتفاجئ بيبيرس فحاولت ان تغلق الباب فى وجهه ولكنه كان الاسرع منها ...
حنين بفزع : هاااا انت !
بيبرس دافعا الباب : استني بس متقفليش ... استنننننني
حنين : اااااه .. انت اتجننت .. واللهي لو ممشيتش من هنا هصوت والم الناس عليك
بيبرس مقتربا : مش هتعرفي تهربي مني تاني انا سنين بدور عليكي وبدعي ربنا اقابلك تاني .. والحمد لله استجاب دعايا
حنين بحده : اطلع بره حالا.. انا مش عايزه اشوفك ولا اسمعك .. مش كفايه اللي حصلي بسببك عايز ايه تاني
بيبرس بصوت حنون : عايزك
حنين بغضب : ليه ان شاء الله فاكرني واحده ....
بيبرس : ششششششش انا عارف انك اشرف واحده فى الدنيا ... حنين تتجوزيني
حنين : .........
بيبرس بابتسامه : السكوت علامه الرضا
( شعرت حنين ان قواها وتماسكها كادت تنهار امام سحر عينيه ودفئ كلماته .. فكم هي بحاجه لشخص تثقك به وتختبئ فى احضانه ولكنها تماسكت فى اخر لحظه .....)
حنين بقوه : لا
بيبرس يهز رأسه : اه
حنين : قولتلك لا واطلع بره .. انا مش عايزاك ...
( كادت حنين ان تتجه ناحيه باب المنزل لتفتحه ولكن كانت يد بيبرس اسرع منها اليها فجذبها بقوة لتسقط بأحضانه وحاوطها بذراعيه احداهما حول خصرها والاخري ثبت بها رأسها على صدره حتي انها حاولت كثيرا التخلص منه ودفعه ولكنها فشلت امام قوته الجسمانيه فاستسلمت لقلبها بينما كانت تستمع لدقات قلبه المتلاهفه ويشعر هو بسكونها تدريجيا رغم ارتعادها .. ثم شعر بدمعه ساخنه على صدره ..آلمت قلبه فمد احدي اصبعيه لمسح عبراتها الرقيقه فقامت بدفعه بكل قوة وهي تبكي .......... )
حنين : ارجوك امشي انا مش عايزاك
بيبرس : مش هاسيبك تضيعي مني تاني
حنين : وانا مش عايزاك هو ايه الجواز بالعافيه
بيبرس :انا معرفش الفتره اللي فاتت حصل ايه .... انا عارف اني ممكن اكون السبب في معاناتك بس وعد عليا هعوضك صدقيني
حنين : بره
بيبرس : حنين .. كفايه عند
حنين : اعتقد مش من الرجوله تبقي معايا فى بيتي غصب عني ... لو سمحت تتفضل من غير مطرود
بيبرس : تمام اوووي .. بس انا مش هاسيبك وهتجوزك حتي لو غصب عنك .. وانا متاكد اني هقدر اعوضك واسعدك ... سلام مؤقت يامراتي المستقبليه
حنين : ............
( شعرت حنين بمشاعر متضاربه بين الفرح والحزن واليأس والامل والحنين واللهفه والامتناع.... فقامت الي ربها واختلت بنفسها داخل غرفه خصصتها للعباده فقط ... وضعت بها الكثير من الكتب الاسلاميه والمصاحف والفتاوي ... الخ
لم تشعر بالراحه قط الا بهذه الغرفه فدخلت لتختلس بعض الوقت في معية الله )
.................
( فيلا يحيي الاولي )
شريفه : ايه ده يايحيي .. انت نازل تاني
يحيي : اه ياماما .. رايح فيلتي
شريفه تلوي شفتيها : ممم مع الهانم طبعا
يحيي بنفاذ صبر : لا ياماما لوحدي .. المهندس شطب الشقه .. والعفش هيوصل بعد بكره
شريفه ؛ بسرعه كده يايحيي
يحيي : بسرعه ايه ياامي .. ده انا اتاخرت
وبعد كده هطلع على القاعه عشان احجز فيها
شريفه : طب انا عايزة اقولك كلمتين ... انا مش مستريحه للجوازه دي وعارفه ان ده مش فارق معاك وانك هتعمل اللي فى دماغك .. بس خليك فاكر كلامي يابني كويس قوووي .. انا ام واحساس الام ميكدبش
يحيي بتنهيده : طيب ياماما .. عن اذنك
..........................
( فيلا يحيي الثانيه )
يحيي : تمام اوي الشغل ده يابشمهندس
البشمهندس : حضرتك انا صممت احدث واجمل التصاميم وطبقتها على فيلتك وده كلف كتير لاني اتضطريت الغي حاجات كتير عشان اتفرغ لفيلتك خصوصا انك كنت عايزها فى اقرب وقت
فهم يحيي ما يرمي اليه المهندس وهو زياده الاجر : طيب ياهندسه بكرة عدي عاة الشركه هتلاقيني سايب شيك باسمك فى الحسابات
تررررررررررررررن
يحيي : معلش ثواني يابشمهندس
الووو
صافي : حبيبي ازيك
يحيي : الحمد لله ياحبيبتي كويس انتي عامله ايه
صافي : i'm fine ممكن تيجي معايا البارتي اللي عملاها سهر
يحيي بدهشه : حفله ! وهو ده وقته ياصافي
انا فى الفيلا مع المهندس بستلم وبعد كده هاطلع احجز القاعه اللي اتفقنا عليها
صافي بضيق : يوووووه بقي .. انت على طول كده مش فاضيلي
يحيي : ياحبيبتي انا بجهز لجوازنا .. وبعدين هفضالك على طول ياقمر
صافي : طب انا هروح لوحدي بقي وخلاص
يحيي : نعمين ياختي ... لوحدك ده ايه ان شاء الله.. مفيش مرواح لحته
صافي : لا بقي .. هو انت هتحبسني وتتحكم فيا ولا ايه
يحيي متحكما ف اعصابه : استغفر الله العظيم ياحبيبتي ولا بحبسك ولا بتحكم بس الوقت متاخر ومقدرش اخليكي تروحي لوحدك مش لازم انفذ كل طلباتك يااما تقلبيها عكننه
صافي : قصدك تقول اني نكديه يعني
يحيي بفارغ صبر : يووووووووووووه انا مش فاضر للهري ده على المسا .. انا صاحي من الصبح مقعدتش مع السلامه ياهانم
( توجه يحيي للقاعه المخصصه للافراح والمناسبات وهو بمزاج سئ للغايه كما انه لم يأخذ قسطا وفيرا من الراحه مما اثر سلبيا عليه .. فقاد سيارته بسرعه جنونيه كي ينتهي من ذلك المشوار ويتفرغ للنوم العميق الذي يشتهيه .....وبالفعل تم الاتفاق والتعاقد على ميعاد محدد لحفل الزفاف فشعر يحيي بهما ثقيلا ازاح عن صدره ...)
- هاتفيا
بيبرس : مبروك ياعرررررررريس
يحيي : الله يبارك فيك يابيسو عقبالك ياكبير
بيبرس : عن قريب ان شاء الله
يحيي : اهلااااا واضح اني في حاجات جديده معرفهاش
بيبرس : هههههه لا ابدا بس كل اللي اقدر اقوله اني ان شاء الله هتجوزها يعني هتجوزها
يحيي : ايوووة بقي هما بنات ميجوش غير بالامر الواقع ياصاحبي هههههههه
بيبرس : بجد حاسس ان روحي اتردت فيا تاني النهارده الحمد لله يارب
يحيي : طب ايه رايك لو تلحق تتصرف ونتجوز ف يوم واحد ..
بيبرس : لالالا اتجوز انت براحتك .. وانا هخطب الاول وادلع خطيبتي فسح وهدايا ودباديب وسلسله فضه infinty وقلوب واقف تحت البلكونه واغني واجيبلها شكولاته ومصاصات وبعد كل ده ابقي اتجوزها بقي
يحيي : هههههههههههههههههه ده عقبال ما تتجوز هتكون فلست ياقطز
بيبرس : فداها اي حاجه فى الدنيا انا ......
يحيي مقاطعا : معلش يابيبرس هقفل معاك عشان صافي على الويتنج
بيبرس : يخرب بيت فصلانك ياشيخ .. روح ياخويا
.....
يحيي : حبيبة قلبي وحشتيني
صافي بضيق : كنت بتكلم مين
يحيي : ده بيسو كان بيباركلي
صافي : يعني صاحبك يعرف معاد الفرح قبلي يايحيي
يحيي بتنهيده : حرام عليكي انا فرحان .. متنكديش عليا
صافي : وياتري فرحي امتي بقي
يحيي بضيق : قصدك فرحنا .... فرحنا بعد 20 يوم بالضبط
صافي بغضب : اييييه بس انا كده مش هلحق اعمل اي حاجه
يحيي : حبيبتي الفستان هاييجي فى يوم ولو على Beuty senter انا هعملك باكيدج كامل مش هياخد اكتر من اسبوعين وحتي العفش هاييجي ويتفرش فى يومين .. يبقي ايه المشكله
صافي : لا برده ده قريب قوي .. ليه مخدتش رأيي
يحي بغضب : اسمعي بقي انا تعبت من دلعك الزياده ده ياريت تعقلي شويه ده انتي هتبقي مسؤله عن بيت وزوج وان شاء الله اطفال
صافي : انا قيلالك هنأجل الخلفه شويه
يحيي : واضح قوي ياهانم انك بتدوري على المشاكل وانا بصراحه مش قادر انا تعبان ومنمتش من امبارح ومش شايف قدامي ياريت تقدري ده و........ااااااااااااااااااه
صافي : يحيي !!