الحب الذى غيرنى

البارت السابع

  - باتت الاوضاع مشحونه للغايه والاطباء يفعلون ما بوسعهم واكثر لانقاذ انفاس يحيي الاخيرة حتي شعرو بتوقف القلب ....
الطبيب 1 : القلب هايقف
الممرضه : الصاعق 1 2 3
الطبيب 2 : مفيش اي استجابه .. .. النبض مش موجود ...
- توقف القلب عن العمل للحظات ثم دبت فيه الحياة مرة اخري وكأنه يعافر مع الموت ويتحداه ليبدأ العمل من جديد .....
الطبيب : هاتيلي حقنه ( .... ) بسرعه
الطبيب 3 : النبض لسه منتظمش ..
الطبيب 2 : بس القلب اشتغل تاني
الطبيب 1 : دي اخر محاولاتنا وربنا يستر
.................
( الوضع فى الخارج )
شريفه ببكاء : هما رايحين جايين كده ليه .. اكيد في حاجه جوه ومخبين علينا
بيبرس : ياطنط اهدي شويه ارجوكي ادعيله وهو هيقوم بالسلامه ان شاء الله
شريفه : مهيب .. انت لازم تنقله من المستشفي دي.. احنا ممكن نسفره بره
مهيب : تفتكري اني محاولتش اعمل كده ؟
بس الدكاترة اكدوا ان مفيش ازيد من اللي هما بيعملوا وحالته الصحيه مستحيل تسمح انه يتنقل من المستشفي دلوقتي
شريفه ناظرة لصافي : قومي يالوح تلج من قدامي
صافي : في ايه ياطنط هو انا كلمتك
شريفه ممسكه معصمها : وهو انتي تقدري تتكلمي معايا ولا تفتحي بوقك .. يابارده ياعديمة الاحساس .. ابني بين الحيا والموت وانتي وجودك زي عدمه
مهيب : ميصحش كده ياشريفه سيبي البنت
شريفه : البت دي تمشي من هنا .. مشوها من هناااااااا
بيبرس : حاضر حاضر .. بس ممكن تهدي طيب احنا ف مستشفي
الممرضه : ياجماعه الصوت العالي ميصحش هنا .. والدكاترة جوه بيشتكوا
شريفه بلهفه : ابني عامل ايه لو سمحتي
الممرضه : واللهي يافندم الاوضاع مش مستقره ربنا يعديه من الازمه دي
شريفه ناظره للاعلي : يااارب نجي ابني وقومه بالسلامه
- انسحب بيبرس بهدوء واصطحب معه صافي لمنع المشاحنات والتصادمات بين شريفه وبينها ...........
بيبرس : صافي .. انتي بتحبي يحيي ؟
صافي : اه طبعا يابيبرس .. انت عندك شك فى ده ؟
بيبرس : انا معنديش شك .. بس حبيت اتاكد
اصل شيرين اللي اسمها بنت عمه كانت هتموت نفسها عليه . بس انتي مش عارف جايبه الهدوء ده منين
صافي : هو عشان انا متماسكه يعني يبقي مبحبوش وبعدين العياط مش هايجيب نتيجه ياارب يقوم بالسلامه
بيبرس مضيقا عينيه : ان شاء الله اتفضلي اوصلك عشان الوقت متاخر
صافي : لا ميررسي انا هروح بنفسي
بيبرس بخبث : اااه طيب تمام .. اتفضلي انتي فى حفظ الله
- انطلقت صافي لخارج المشفي وتفاجأت بوجود علي وعدم ذهابه فأصر ان يوصلها بنفسه بينما تبعتها عيون بيبرس والذي شعر بشئ غير طبيبعي ولكنه قرر فضح الامر ومعرفه ما تخبئه نوايا علي وتصرفات صافي التي تدل على الطيش......
بينما هو في شروده تذكر حنين وتصرفها معه ورفضها للزواج منه بشده مما يعلن عن وجود اشياء مريبه فى الموضوع مؤكد انه لايعلمها ولكنه سيكشفها ذات يوم .. فتنهد بيبرس تنهيده حارة وانطلق للاعلي ...
بيبرس بلهفه : ايه الاخبار يادكتور
د/شكري : انا مش هكدب عليكوا ياجماعه الوضع غير مطمئن .. احنا هنعمل شويه اشاعات وفحوصات للتأكد من شك معين
مهيب بصوت اجش : شك ايه يادكتور ؟
قولتلك لو مش قادرين تتصرفوا قولولي وانا هقدر اجيبله قنصلتو كامل من بره لحد هنا
الطبيب عاقدا حاجبيه : سيادة اللواء احنا بنعمل اللي فى وسعنا واكتر والباقي فى ايد ربنا ولو ربنا رايد ان الاستاذ يحيي لاقدر الله يحصله حاجه القنصلتو مش هيمنع ده .. ولا ايه يامدام ؟
شريفه : ونعم بالله يادكتور .. بس برده احنا بنسعي ونعمل اللي علينا
الطبيب : ده صحيح .. ولو فعلا حابين تجيبوا قنصلتوا ممكن تاخدوا اذن من ادارة المستشفي وتبدأو الاجراءات .. لكن المريض مش هاينفع يسيب المستشفي فى الوضع ده لاي سبب من الاسباب
مهيب : مفهوم مفهوم .. انا هتصرف
- امسك مهيب بهاتفه وتفحص جهات الاتصال الخاصه به ثم انتقي رقما واتصل عليه ....
مهيب : الوو .. اسمعني كويس .. انا عايزك فى مهمه مستعجله .. ركز معايا قوي فى اللي هقوله .......
----------------
  - ظل يحيي داخل غيبوبه مستمرة لا يفيق منها وتاره يكون الوضع مستقر وتاره اخري غير مستقر
وصمم عمه ( مهيب ) الاستعانه باشهر الاطباء من المانيا وحضورهم مصر على وجه السرعه مما كلفه الامر كثيرا ولكنه لم يعنيه سوي سلامه اخيه وبدأت الاجراءات والتجهيز لحضور الوفد الطبي الالماني لمصر ولا جديد ف الاوضاع لعديد من الايام
اما صافي فحاولت التواجد داخل المشفي فى الاوقات التي تكون فيها شريفه بعيده عن المشفي
لمنع الاحتكاك بها ...
- انشغل بيبرس بيحيي تلك الايام ولم يكن لديه الوقت للتفكير فى اي شئ سوي التجهيز بجانب مهيب لحضور الوفد الالماني واستكمال الاجراءات
اما حنين حاولت ان لا تشغل تفكيرها ب بيبرس ولكنها لم تستطع فلقد غاب عنها اياما لاتعرف عنه شئ حتي اعتراها القلق رغم رفضها الشديد لتواجده داخل حياتها الا انها لا تستطيع انكار انها تكن له مشاعر لا تعلم ماهي .. اما بيبرس فأنه لم يتوقف عن التفكير بها والتخطيط للمرحله القادمه
________________
( night clup )
   - قرر بيبرس الا يترك زمام الامور عائمه وان يغيب عن حنين اكثر من ذلك لذلك قرر الذهاب اليها ولكنه تفاجأ بعدم تواجدها بمنزلها فى هذا الوقت من الليل فتذكر النايت كلاب واتسعت عينيه في فزع عندما تذكر امر عملها فى النايت كلاب فذهب سريعا
  - دلف بيبرس للداخل وعلى وجهه ايماءات الغضب واخذ يبحث بعنينه عنها ولكنه لم يتوصل اليها فجلس على مقعده المعروف واخذ يبحث مره اخري...
بيبرس : جون .. اديني كاس
جون : امرك بيبرس بيه
بيبرس : دوبل ياجون وحياتك ... بقولك ايه هي البنت اللي خدت مكان تهاني مجتش النهارده؟
جون : جت يابيبرس بيه ... بس زمانها عند المانجر
بيبرس مضيقا عينيه : وهو عايزها ف ايه ؟
جون : علمي علمك يابيبرس بيه .. بس اكيد عايزها تاخد مكان تهاني
بيبرس بشده : ده بعيد عن شنب ابوه
جون بدهشه :  نعم !
بيبرس : ولا حاجه
- رفع بيبرس كأس الخمر على فمه مرة واحده ثم تركه وانطلق لغرفه ( جو ) مدير النايت كلاب
( داخل غرفه المدير )
حنين بضيق : بس انا متفقتش مع حضرتك على كده لما جيت اشتغل هنا
جو : انا ماليش دعوة ياحلوة اتفقتي على ايه .. انا ليا انا عايز ايه
حنين : انا اسفه جدا مقدرش اعمل حاجه زي دي
انا كنت ماسكه شغل المطبخ ولما حضرتك ضغطت عليا وخلتني اخرج بره انا نفذت اوامرك بس اكتر من كده مقدرش
جو : نعم ياعنيا.. انتي نسيتي نفسك ولا ايه يابت
انا هنا اللي اقول تقدري على ايه ومتقدريش على ايه
حنين ناظره للاسفل بيأس : ........
جو : ايوة كده ياحلوة اسمعي الكلام احسن .. انا مش عايز الجمال ده ينام على البورش
حنين : قريب قوي هخلص من وجودي هنا
جو بعدم فهم : ليه قررتي الاعتزال هههههههههه
حنين بضيق : انا بجهز الفلوس كلها عشان اديهالك وتديني وصولات الامانه اللي عندك وساعتها متقدرش تأمرني بحاجه تانيه
( يدخل بيبرس فى تلك اللحظه وعلى وجهه علامات الغضب وتصدر عينيه نظرات ناريه .... )
بيبرس : ازيك ياجو
جو مصافحا بيبرس : اهلا وسهلا يااستاذ بيبرس عامل ايه ؟
بيبرس ناظرا لحنين : كويس
حنين : عن اذنكوا
بيبرس : هو انا قطعت حديث مهم ولا ايه
جو : اطلعي بره انتي
بيبرس : انت ماسك فى البت دي ليه ياجو
جو : وبتسال ليه يابيبرس .. انت تعرفها
بيبىس : انا بسالك ؟ متردش عليا بسؤال
جو بخبث : بصراحه البت جامده محتاجه شويه تكتيك بس ويبقي كله تمام
بيبرس مضيقا عينيه : تقصد ايه ياجو
جو بلامبالاه : هه لا ولا حاجه ده اسرار شغل بقي ..المهم انت تشرب ايه بقي
بيبرس : ولاحاجه .. انا متاخر ولازم امشي
جو : طيب .. نورت المكان يابيبرس بيه
بيبرس : شكرا .. سلام
- خرج بيبرس من غرفه جو وهو يعلم ان نوياه اتجاه حنين غير مبشره بالمره فلقد كانت كلماته تصدر ايحاءات مباشره فقرر التصرف على وجه السرعه
فأخذ يبحث عنها بعينيه حتي رأها تحاول التخلص من مداعبات شخصا ما ....
...... : ياجميل ما تحن علينا بقي
حنين بحده : حضرتك عايز تطفح حاجه تاني
...... : اطفح ! ياشاطرة عيب كده وبعدين انا هدلعك اخر دلع
- كادت حنين ان تنصرف فامسك بها ذلك الشخص وجذبها بشده حتي فقدت توازنها وسقطت فوق قدمه فصرخت به وحاولت التخلص من يديه التي اغلقها عليها جيدا واخذ يلقي علي مسامعها اسوء الكلمات الخادشه للحياء حتي وجد من يضربه رأسه
........ : اااااااه انت مين يابن ال ######
بيبرس ؛ انا اللي ابن #### يا#####
ده انا هطلع ##### وحيات امك ل #####
- اشتد العراك بينهما وتجمع الجميع حولهم وجمع ذلك الشخص كامل قوته للانقضاض على بيبرس الذي سدد له العديد من اللكمات في اماكن متفرقه بينما كانت حنين فى حاله هيستريه من الصراخ والبكاء .. حتي تدخل الامن اخيرا للفض بينهم
..... : ورحمة ابويا لادفعك التمن غالي قوي
بيبرس : اعلي ما فى خيلك اركبه ياحيلة ابوك
.... اتفضلي امشي قدامي
حنين ببكاء : لو سمحت ملكش دعوة بيا تاني
بيبرس بغضب شديد : عايزه تعملي ايه تاني ياهانم بقولك امشي قدامي حالا
حنين : محدش قالك تتدخل
بيبرس : ياغبيه انتي مشوفتيش كان عايز يعمل معاكي ايييييه ... اتحركي قدامي احسنلك ياحنين
حنين : قولتلك ملكش علاقه بيا و... اااااااه
   - لم ينتظر بيبرس حنين فقام بحملها عنوة عنها واتجه بها للخارج بينما ظلت تضرب بكفها عشؤايا وتركل بقدميها فى الهواء ولكنه لم يهتم بها
حنين : اوووووعي كده نزلني اوعي انت رايح بيا فين
بيبرس : .......
حنين : اوعي بقي انت ايه يااخي اوعي بقااااا
- انزلها بيبرس وظل محاوطا بها بذراعيه واسندها على سيارته بينما كان يفتح باب السيارة ثم حملها لداخل السيارة واغلقها جيدا بالمفاتيح الالكترونيه وركب امام المقود وانطلق ....
حنين : انت واخدني فين ... افتح الزفت ده و نزلني بقولك
بيبرس : .......
حنين : انت مش سامعني يااستاذ ولا ايه
   - كان بيبرس قد دخل فى نوبه غضب شديده فأصر السكوت لحين التحكم فى اعصابه ولكن وسط ندائهاتها المتكرره اوقف السياره مرة واحده حتي انطلقت حنين بجسدها للامام وارتطمت رأسها
حنين : هااااااا اااااااه
بيبرس :..........
حنين بتالم : انت اتجننت فى حد يوقف عربيه كده
- ارسل اليها بيبرس بعض النظرات الحانيه المعاتبه لما فعلته فاقشعرت اوصالها ونظرت للجهه الاخري وكأنها تعلن عدم قدرتها على مواجهته
بيبرس بنبره هادئه : ينفع اللي عملتيه ده ؟
حنين : اا ا انا معملتش حاجه
بيبرس : طب لما انتي معملتيش حاجه مش قادرة تبصي فى عيني ليه
حنين : .........
بيبرس بلهجه آمره : مفيش شغل تاني .. انتي مسؤله مني انا
حنين : ايه ! لا طبعا انا .....
بيبرس : انا قولت اللي عندي ومفيش كلام تاني
حنين : لو سمحت ابعد عن طريقي انا اعمل اللي انا عاوزاه
بيبرس : الكلام ده بعد ماانا اموت
حنين بسرعه وتلقائيه : بعد الشر عنك
بيبرس بابتسامه عذبه : خايفه عليا ؟
حنين بتوتر : لا  طبعا .. بس مبحبش سيرة الموت
بيبرس : اسمعيني كويس ياحنين ... انا عارف ان اي حاجه مريتي بيها مكنتش سهله .. بس انا ان شاااء الله قادر اعوضك وهعوضك .. صدقيني انا مكنش ليا اي ذنب فى اللي حصل
حنين : ......
بيبرس : ممكن تثقي فيا
حنين تومئ راسها بأيجاب : حاضر
بيبرس بحب : انا بحبك قوي
عارفه اني عيشت السنين اللي فاتت دي فى عذاب قد ايه ؟
حنين بدموع : ........
بيبرس : لالالالالا ارجوكي متعيطيش .. مقدرش اشوف دموعك ابدا
حنين ماسحه لعينيها : ماشي .. لو سمحت عايزة اروح
بيبرس : حاضر ياستي .. توكلنا ع الله
------------------
( في المشفي )
شيرين بحزن  : يعني مفيش اي جديد ياطنط
شريفه يتنهيده : مفيش ياشيرين .. ادعيله ربنا يقومه بالسلامه
شيرين : هو القنصلتو الالماني هيوصل امتي ؟
شريفه : المفروض خلال يومين
شيرين بفارغ صبر : يووة بقي .. لسه هانستني يومين
شريفه : بس ياشيرين لو سمحتي .. احنا ماصدقناش اصلا انهم جايين خلال يومين .. دول كانوا عايزين ييجوا اخر الشهر لولا ان مهيب ليه علاقات كويسه وقدر يخليهم ييجوا بالسرعه دي
شيرين : ياااارب نجيه يارب
شريفه : ياااااااااارب
---------------
(  اسفل منزل حنين )
بيبرس : انا هتصرف بكرة مع جو .. المهم انتي متنزليش من بيتك بكرة فهماني ؟
حنين : بس .....
بيبرس : بس ايه ؟
حنين بتنهيده : ياريت تصبر على الخطوة دي شويه وانا هتصرف
بيبرس : تتصرفي فى ايه مش فاهم
حنين : انا وجو في بينا حاجات لازم نصفيها مع بعض
بيبرس مضيقا عينيه : حاجات ايه ؟؟قصدك وصولات الامانه
حنين فاغره شفتيها فى دهشه : ااا انت عرفت ازاي
بيبرس بابتسامه برزت اسنانه : انا اعرف اللي عايزة وقت ماانا عايز
حنين : انا كنت بحوش عشان اسدد الفلوس دي بس ......
بيبرس : ملكيش دعوة بالحاجات دي انا هتصرف
حنين : انا اسفه .. انا اللي هتصرف
بيبرس بحده : انا قولتلك انا هتصرف يبقي خلاص
حنين : .... طب ماانا كده كده شايله الفلوس دي
بيبرس : الفلوس دي اتبرعي بيها للهلال الاحمر عشان مش هتحتاجيها
- نظرت حنين لعيني بيبرس مباشرة وبعثت بنظراتها شكر وامتنان وكأنها ترسل له رساله غير مباشرة بأنه تواجد بحياتها فى الوقت المناسب فبادلها بنظرات مطمئنه حتي تهدأ انفاسها المتلاحقه حتي اخفضت راسها فى خجل ....
حنين : يبقي فاضل بس انك تعرف انا اشتغلت ازاي عند جو وازاي اتعرفت عليه
بيبرس : ازاي ؟
حنين : انا هحكيلك ...........