الحب الذى غيرنى

البارت العشرين

- صدم صفوان من طلب يحيي المفاجئ والجرئ وصمت لثواني عديده ثم استطرد قائلا..
صفوان : حياة كلمتني عنك وحكيتلي كل اللي حصل و.....
يحيي : انا اسف جدا جدا لحضرتك وليها انا مقصدتش اني اسبب ليها اي نوع من الحرج او الازعاج .. انا لما روحتلها المستشفي كان للسبب اللي قاعد عشانه مع حضرتك دلوقتي بصراحه اتحرجت اني اطلبها من حضرتك قبل ما اخد رأيها
صفوان : بس رأيها ده المفروض انا اللي اخده منها وابلغك بيه
يحيي : انا اسف جدا .. ارجو تقبل اعتذاري
صفوان : عموما القرار مش فأيدي لوحدي ..
يحيي : تسمحلي اكلمك عن نفسي
صفوان : اتفضل يابني ياريت
يحيي : انا يحيي مهاب والدي كان صاحب شركة وليه العديد من الاسهم في الشركه دي واللي ورثتها عنه بعد وفاته .. وحيد امي .. واصلا خريج كلية الالسن قسم فرنسيه .. وعمي يبقي مهيب وحضرتك اكيد عارفه لواء ف القوات المسلحه..ميسور الحال والحمد لله واي شئ هتطلبه مني انا موافق عليه وانا مش عايز غير حياة بس ..من غير شنطة هدومها حتي
صفوان : تشرفنا ياابني بس....
حياة مقاطعه بحده : لو سمحت يابابا انا مش موافقه ع الكلام ده
صفوان بشده : حياااة انا مسمحتلكيش تدخلي ف الحوار
يحيي : معلش ياعمي ممكن اعرف سبب رفضها
حياة : مش موافقه وخلاص ..
يحيي : يعني مفيش سبب .. يبفي رفضك مرفوض
حياة بحده : ايه مرفوض دي هتجوز غصب عني ولا ايه
يحيي : انا مقولتش كده انا بقول تاخدي فرصتك وتفكري كويس ..انا فعلا محتاجك جمبي و..
حياة : انا مش هتجوزك لمجرد انك محتاجني جمبك
يحيي : لو كنتي استنيتي كنت كملت كلامي
صفوان متذمرا : الله .. جميل قوي اللي بيحصل ده وانا ولا أكني قاعد وسطكم...
حياة ناظرة للاسفل : متأسفه يابابا
يحيي : انا اسف ياعمي مقصدتش بس كلامها استفزني
حياة : انااا انا اصلا....
صفوان : هاا يادكتورة ... كملي كملي
حياة بضيق : عن اذنكوا
يحيي : لو سمحت ياعمي تفكر كويس وتكلم معاها انا مش هسيبها تضيع من ايدي بسهوله انا... انا بحبها .. اسف ع كلامي بس انا انسان تلقائي
صفوان : اللي فيه الخير يقدمه ربنا
يحيي : بعتذر اني جيت بدون معاد .. استأذنك
صفوان : بيتك ومطرحك يابني .. سلامة الله
------------
( هاتفيا )
بيبرس بصدمه : يابن اللعيبه .. خطوة جريئه منك دي ياكبير
يحيي : انا مش هينفع اسيب فرصه عندها للرفض
بيبرس : ممم هتعمل ايه ؟
يحيي : اولا انا عايز حنين تتكلم معاها ودي انت اللي هتعملها .. والباقي سيبه عليا
بيبرس : طيب سيب عليا انا حكاية حنين دي
يحيي : تمام .. انا هقفل معاك بقي عشان هموووت وانام
بيبرس : طيب ياكبير تصبح ع خير
--------------
  - قضت حياة ليلتها في حيرة وشرود فقلبها يدق له بشده ويريده بينما عقلها رافضه بعد الموقف المهين الذي حدث وكان هو بطيشه سببا فيه
حياة ف نفسها : وبعدين بقي .. هو انا هفضل افكر كتير كده ماانا رفضت وخلاص .. بس هو مصمم عليا .. طب وماله انا شايفه انه انسان مناسب قوي ليا وخصوصا انه محتاجني جمبه .. بس ده مش سبب يخليني اتجوزو انا طول عمري بحلم اتجوز واحد بيحبني مش محتاجني .. هوووووف انا زهقت بقي
.........
( صباح يوم جديد )
     - استيقظت حياة بتثاقل فقد ارهقها التفكير والسهر ع غير عادتها فااغتسلت وارتدت ملابسها وانطلقت خارج غرفتها ....
حياة : صباح الخير
نوال : صباح النور ... ايه اللي حصل امبارح ده يااحياة
حياة : حصل ايه ياماما
صفوان : ما خلاص يانوال .. سيبيها براحتها
نوال : تفكر ايه وزفت ايه .. المرة دي حجتها ايه بقي بكرش ولا متحكم ولا يمكن مش عاجبها
حياة : انا نازله وهابقي افطر في شغلي
صفوان : استني ياحياة .. مش هتشربي الشاي مع بابا
حياة باابتسامه : حاضر يابابا
نوال تلوي شفتيها : افضل انت دلع فيها كده
صفوان : امال فين الفطار يانوال
نوال : ايوة ايوة .. وزعني وزع انا ماشيه اهو وسيباهالك
صفوان : شكلك منمتيش كويس امبارح ياحياة
حياة باانتباه : هه .. لالا نمت كويس يابابا
صفوان : طب فكرتي ؟!
حياة : مش عارفه يابابا مش عارفه ..مش قادرة اخد قرار
صفوان : انا شايف ان الشاب كويس وميتعيبش
حياة : بس انا مش عاوزة واحد محتاج حد جمبه و...
صفوان : الحب مش كل حاجه ياحياة .. مننكرش ان الحب مهم جدا .. رس مش معني انه محتاجك انه مش بيحبك واضح من كلامه امبارح ان جواه انجذاب ليكي مش شويه وده بيدل ع بداية حب والرأي ف النهايه ليكي بس خلي بالك ان الفرص مش بتيجي كتير
حياة : ..........
----------------
( المشفي )
- دخلت حياة للمشفي وكانت العيون مسلطه عليها والهمسات عليها تتكاثر فحاولت استجماع شجاعتها وتتجاهل كل هذا حتي وصلت للقسم ومنه الي مكتبها ..
حياة بفزع : يعني المستشفي كلها عرفت اللي حصل امبارح
سلمي بضيق : ايوة للاسف .. بس سيبك الناس كلها عارفه دكتور علاء كويس وعارفين انه بيزود ويأفور
حياة : يوووة يعني هي كانت ناقصه
( ترررررررررررررن )
حياة : الووو ازيك ياحنون ... الحمد لله ... انتي اكتر واللهي .... انتي عرفتي الكلام ده منين ..... مفيش يابنتي عادي ... بصراحه مش عايزة ارتبط بحد لمجرد انه محتاجني جمبه ... شكلك كده متسلطه عليا ياحنين .... عشان بتحاولي تقنعيني .... انا مش شايفه عيوب بس بس...... بابا بيقولي كده برده .... طيب ياحنين لما اخلص شغل هابقي اكلمك .. ماشي ياحبيبتي سلام
سلمي بنصف عين : واضح كده ان في حاجات معرفهاش
حياة باارتباك : هه .. هاحكيلك متقلقيش
( في الاستقبال )
امين الشرطه : لو سمحت عايز الدكتوره ..... دكتورة حياة صفوان
موظف الاستقبال : اقولها مين حضرتك ؟
امين الشرطه : في استدعاء ليها ومطلوبه للشهاده ؟
موظف الاستقبال : طب ممكن اطلع ع هوية حضرتك وامر الاستدعاء
امين الشرطه : اتفضل
موظف الاستقبال : ......... تمام ثواني هانبعت لدكتورة حياة وتيجي حالا انتظر حضرتك ف ساحة الانتظار
    - تم استدعاء حياة بالفعل فحضرت في فزع وعندما علمت انها مستدعيه ف قسم الشرطه للادلاء بشهادتها في محضر تعدي بالضرب ضد يحيي من علاء فاحضرت حقيبتها وذهبت سريعا
( فلاش باك )...في الشركه
يحيي : والمحضر بيعمل ايه ف شركتي
السكرتيره : مش عايز يقول حاجه الا في حضور حضرتك
يحيي : طيب دخليه
المحضر : صباح الخير يافندم ..
يحيي : صباح المشاكل  ..خير حضرتك
المحضر : في محضر متقدم ف حضرتك من المدعو... المدعو علاء عبد العظيم ياريت توقعلي باالاستلام وتحضر للقسم حالا
يحيي بغضب : هو يوم باين من اوله
( في القسم )
ضابط الشرطه : يعني انت بتنفي التهمه الموجهه ليك
يحيي بتهكم : تهمه ايه .. الاستاذ هو اللي تعدي عليا وع خطيبتي بالسب والقذف وكان لازم ادافع عن نفسي وعنها
ضابط الشرطه : وفين خطيبتك دي تشهد بصحة كلامك
يحيي : ف شغلها ..تحب اروح اجيبهالك تاخد اقوالها
ضابط الشرطه : طريقه كلامك مش عجباني ياقمور
يحيي : طالما مفيهاش اهانه ليك يبقي خلاص
ضابط الشرطه : الله .. دانت حلو وبتبجح اهو
يحيي : ثواني اعمل تليفون مهم
ضابط الشرطه : هتكلم مين بقي .. خالك وكيل وزارة الزراعه ولا ابن خالك وزير الداخليه ولا يمكن تجيبلي رئيس الوزرا ماهي كوسه
يحيي بحده : انا مش متهم عشان تكلمني كده ..خلي بالك من كلامك يااسمك ايه
ضابط الشرطه بغضب: انت تجننت ياض ولا ايه ..ده انا ادخلك التخشيبه مخرجكش منها ياروح امك
يحيي بصوت اجش : ملكش دعوة باامي ياحيلة امك
العسكري : سياده اللواء بره ياباشا
ضابط الشرطه : خليه يتفضل يابني
مهيب بحده : صباح الخير ياحضرت الضابط
ضابط الشرطه واقفا : اهلا وسهلا اهلا معالي الباشا ..أتفضل
مهيب : في ايه اللي بيحصل هنا ياحضرت الضابط
يحيي بغضب : الزفت اللي اسمه علاء مقدم فيا انا بلاغ ..ده ليلة اهله سودا معايا
مهيب بحده : طب اسكت انت دلوقتي
ضابط الشرطه : هو هوو حضرتك تقرب للاستاذ
مهيب مقدما هويته : انا مهيب الدمنهوري عم يحيي لواء ف القوات المسلحه المصريه
ضابط الشرطه واقفا : اهلا وسهلا بيك يامعالي الباشا
مهيب مشيرا : اقعد اقعد.. عايزين نخلص من الموضوع ده بطريقه قانونيه ومن غير شوشره
ضابط الشرطه : يبقي عايزين شهود تشهد ع كلام استاذ يحيي
يحيي في نفسه: دلوقتي استاذ يابن ال ####
يحيي : عمي .. حياة هي اللي ممكن تشهد لانها كانت موجوده وحضرت كل حاجه
ضابط الشرطه : طب ياريت اي عنوان اقدر نوصلها عليه وهنبعت استدعاء عشان تيجي
مهيب : تمام ياحضرت الضابط
( باااااااك )
حياة بقلق : سس سلام عليكوا
مهيب : وعليكم السلام ..
ضابط الشرطه : اتفضلي يادكتورة ... اتفضلي اقعدي
يحيي : جيتي ف وقتك ياحياة هو احنا .....
مهيب : استني انت
ضابط الشرطه : في بلاغ مقدم ضد يحيي مهاب بأنه اعتدي بالضرب ع دكتور علاء عبد العظيم عن عمد
حياة : اا اه قصدي لا هو حصل سوء تفاهم ...
يحيي بحده : نعمين يااختي !! سوء تفاهم ايه انتي هتداري عليه
ضابط الشرطه : ياريت توضحي كلامك اكتر يادكتورة ؟ الاعتداء ده كان فعلا دفاع عن النفس ولا عن عمد
حياة : لا لا مكنش عمد .. هو هو علاء اللي بدأ واستفزه وو وقال كلام كتير مش كويس
يحيي بغيظ: لا والنبي .. ده اللي قدرك عليه ربنا
ضابط الشرطه : سجل اقوالها يابني وخليها تمضي عليها
حياة بدهشه : هو كده خلاص
مهيب : اتفضلي امضي ياحياة خلينا نمشي من هنا
حياة بتوتر : اه اه حاضر
( خارج القسم )
مهيب : ياريت بعد كده تعقل تصرفاتك ..انت مش صغير عشان اجيلك لحد القسم
يحيي يجز ع اسنانه : ماااشي ياعمي
حياة : طب استأذنكوا عشان عندي شغل
يحيي بغيظ : استني هنا ... انا هوصلك
حياة بحده: لا شكرا ..وبعدين متتعصبش عليا
يحيي بصوت عالي: انا متعصبتش انتي اللي كنتي بارده ف كلامك جوه
حياه فاغره شفتيها : اا انا انا بارده
يحيي : ايوة بارده بااااااااارده
مهيب بصوت قوي : بسسسسس بس بتتخانقوا وانا واقف
حياة : ...........
يحيي : انا ماشي ياعمي .. وخلي الزفت السواق يوصلها
حياة : قولتلك انا مش صغيرة واعرف اروح لوحدي حضرتك
يحيي بغضب شديد : يووووووه .. اتصرف ياعمي سلام
مهيب : هههههههه انتوا الاتنين دماغكوا ناشفه
حياة : ......
مهيب : ثواني والسواق هيكون موصلك للمستشفي ... مفيش مناقشه اتفضلي اركبي
- استقلت حياة السيارة الخاصه بمهيب ووصلت المشفي مرة اخري وسط حاله من الضيق وما ان وصلت حتي تلقت رساله نصيه ع هاتفها المحمول
" انا اسف "
حياة ف نفسها : ده بعينك انا هوريك عشان تتعصب كويس
   - بعد عدة ثواني رساله اخري " وحشتيني "
حياة ف نفسها : ايوه ايوة خدني بكلمتين
  - بعد قليل رساله نصيه تالته " تتجوزيني "
حياة ف نفسها : وبعدين معاك بقي ... شكلي هقع ولا ايه
   - بعد قليل رساله نصيه رابعه " علي فكرة مش هديكي فرصه تهربي مني او ترفضي انتي خلاص اسمك اتكتب ع اسمي واستحاله اسيبك لغيري "
( اقشعر جسدها من كلامته التي لامست قلبها مباشرة واعتلي وجهها ابتسامه برزت اسنانها فااغمضت عينيها لثوان لتري عالم اخر عالم تحلم به وتتمناه فتنهدت بحراره وظلت ناظرة لهاتفها وكأنها تنتظر رساله اخري منه )
يحيي : يعني انت اللي كلمته
بيبرس : ايوة .. انا اول ما سمعت اللي حصل قولت مضيعش وقت وخليه يحصلك ع القسم ع طول
يحيي : خير ما فعلت عشان انا اصلا كنت هاشتبك مع الضابط اللي هناك شكله رخم
بيبرس : طب الحمد لله .. انا هامشي عشان رايح انا وحنين نشوف الشقه
يحيي : انت خلصت شقتك ؟
بيبرس : اه خلصت والعفش وصل كمان وماما وحنين فرشوا الشقه .. بس الستاير لسه هاتتركب النهارده واعمل فينيش لكل حاجه
يحيي : الف مبروك يابيسو .. عقبال ما اشيل نونو صغنن كده يقولي ياعمو
بيبرس : ههههههه ان شاء الله
...................
حنين : بصراحه شكله جناااااان عامل زي فستان سندريلا
حياة : الف الف مبروك ياحنون مع ان كان نفسي ابقي معاكي وانتي بتجيبي فستان الفرح
حنين : سوري ياحياة كل حاجه جت فجأه ولقيته عاملي مفاجأه وبيقولي هانشتري الفستان النهارده
حياة : ربنا يسعدكوا مع بعض ياحبيبت قلبي
حنين بخبث : ويسعدك انتي كمان ويلين دماغك دي شويه
حياة : هههههههههههه يالهوي ع الكلام اللي تحت التربيزه
حنين : اموت انا ف الكلام اللي تحت التربيزه ده
حياة : طب اقفلي ياختي وسيبيني ااناااام
---------------
- مرت ايام بلا جديد يذكر .. ظل يحيي متبع اسلوب الرسائل النصيه التي اشعلت داخلها مشاعر اخري بجانب مشاعرها .. كما انشغلت حنين ف التجهيز لعرسها وشراء ما ينقصها وكانت حياة ملازمه لها بعض الاحيان .... حتي جاءت الليله الموعوده
( ليلة الزفاف )
علي : خلصتي لبس ولا لسه ساعه كمان ؟
صافي : ايوة خلصت .. ايه رأيك ؟
علي ناظرا للاعلي والاسفل : جميل اوي
( كانت صافي ترتدي فستانا من اللون الازرق الفيروزي المنقوش بالنقوشات البرونزيه ناحية الصدر وبدون اكمام وضيق ناحية الخصر وينسدل للاوسع بينما توجد فتحه تكشف عن قدميها )
صافي : هو كان لازم الفرح ده ؟
علي : طبعاااا ده فرح الغالي وهايبقي فيه ناس غاليين
صافي بتوتر : okey.let's go
علي : يلا
....................
( داخل السنتر الخاص بتجهيز العرائس )
حياة : الله .. بسم الله ماشتء الله عليكي زي القمر ومنوره ف الطرحه
حنين باابتسامه : بجد يا يوو
حياة : بجد ياحبيبتي ...... سامعه صوت العربيات واضح كده ان العريس جه
   - وصل بيبرس في قمة اناقته ببدلته السوداء وقميصه الابيض والجرافت ذات اللون الاحمر الناري ... بينما كان يحيي مرتديا بدله من اللون silver ( رمادي لامع او فضي ) وقميصا باللون الاسود وجرافت من نفس لون البدله
   - دخل بيبرس لاصطحاب حنين بينما ظل يحيي منتظرا بالخارج ف لهفه لرؤيه حياة بعد ايام عديده لم يراها فيها ....
بيبرس باانبهار : بسم الله تبارك الله فيما خلق ..زي القمرررررر
حنين بخجل : ......
بيبرس : لالا بلاش كسوف والنبي احسن بتحلوي اكتر
حنين بصوت خافت  : حاضر
  - بينما صدم يحيي بعد رؤيه حياة بهيئتها تلك حيث كانت ترتدي فستانا من اللون الذهبي القاتم المقترب من الدرجه النحاسيه والذي كان ذات ذراع واحده وبه العديد من التزجزجات الحريريه البسيطه التي اضفت عليه رقه وجمال ولم تنسي بعض لمسات اللدوات التجميليه البسيطه
يحيي : ممكن نتعرف ؟
حياة : هه .. نتعرف !!!
يحيي : اصل حضرتك شبه واحده اعرفها
حياة باابتسامه : بجد
يحيي : سبحان الله حتي الطريقه شبها كان اسمها حياة تعرفيها
حياة : هههههههههه
يحيي مصفقا : الله اكبر
حياة : طب يلا بقي الوقفه دي مش حلوة
بيبرس : يلا ياعم روميو اركب وسوق دي الليله ليلتي انا
يحيي غامزا : اه طبعا مين قدك ياعمنا .. متخفش مش هنقطع عليك
بيبرس : طيب ياكبير .. يلا
- استقلا جميهم السيارة حيث كان يحيي قائد السيارة بينما كانت حياة بجواره وبيبرس وحنين بالخلف .. ولم يكف يحيي عن مغازلاته لها والقاء بعض الكلمات الرومانسيه ع مسامعها ..حتي وصلا ..........
حياة ؛ ماشاء الله عليهم شكلهم ف الكوشه حلو قوي ربنا يحرسهم
يحيي هامسا بالقرب من اذنيها : عقبالنا
حياة بخجل شديد : اا انا رايحه اقعد مع بابا وماما وانس
يحيي : طيب انا هاجي اسلم ع عمي بقي
حياة : لا بقي انت هتفضل ملازمني كده كتير
يحيي باابتسامه : لاخر العمر ياحياااااااة قلبي
      - وبينما كانو يتبادلان الحديث اذ تبدلت ملامح يحيي للضيق الشديد واحمرت عينيه من الغضب
بينما نظرت حياة حيث موجهها نظره لتجد صافي تدخل القاعه متأبطه بعلي فتبدلت ملامحها هي الاخري للضيق ..
يحيي : حيااة روحي ع تربيزتك وانا جايلك حالا
حياة : اتفضل انت متشغلش بالك بيا .. عن اذنك
- توجه يحيي بااتجاه علي وصافي وع ثغره ابتسامه صغيره ...
يحيي مصافحا علي : اهلا وسهلا علي بيه
علي : اهلا يايحيي باشا ازيك دلوقتي
يحيي : الحمد لله بمب زي ماانت شايف
علي بنصف ابتسامه : مايحسد المال الا اصحابه يايحيي باشا
يحيي : اكيد .. اهلا يامدام نورتي
صافي بااحراج : اا اهلا
- مدت صافي يدها باارتباك واضح لتصافحه ولكن...
يحيي : مم اسف جدا مقدرش المس ايدك اصلي.... متوضي
صافي بصدمه : هه ......
علي : اللهم قوي ايمانك يايحيي باشا .. عن اذنك نبارك للعرسان
يحيي : اتفضلوا
  - شعرت صافي بالحرج الشديد والاهانه عقب فعل يحيي معها بينما غلي الدم ف عروق علي ..اما يحيي فتوجه لتربيزة حياة وعلي وجهه ابتسامة نصر
يحيي : ازيك ياعمي ؟
صفوان : الحمد لله يابني اقعد
يحيي : الله يخليك ياعمي .. ممكن ارقص مع حياة الرقصه الجايه ؟
صفوان : معلش يابني اصل ....
يحيي : عشان خاطري مترفضش ياعمي
صفوان : مش رفض بس ....
يحيي مسرعا : الله يخليك ياعمي يارب شكرا
- مد يحيي يده وامسك بيد حياة وجذبها بسرعه قبل ان تبدي رأيها حتي بينما وضعت نوال يدها ع يد صفوان حتي لا يعترض وليترك لهم المجال اكثر
نوال ؛ ياحج سيبهم شويه مع بعض
صفوان : يانوال ميصحش كده
نوال : ماهم قدامنا اهم هما هايروحو بعيد يعني
صفوان بتنهيده : مفيش فايده ف دماغك
........
   - جذب يحيي حياة معه بسرعه حتي لا تعترض ووقف معها ع الساحه المخصص للرقص حيث كان يرقص العروسين slow فاقترب منها بشده حتي شعرت بأنفاسه تلامس وجنتيها ووضع يده ع خصرها وجذبها اليه وكأنه يبعث لها برساله تتضمن انها له وللابد
حياة بااحراج : مينفعش كده خالص الناس بتبص علينا
يحيي : وماله .. سيبيهم يبصوا علينا
حياة : طب ممكن تبعد شويه
يحيي : تؤتؤ كده كويس اوي يااوزعتي
حياة محدقه عينيها : اا اواز اوزعتك
يحيي : اهااا انتي قصيره خالص عليا
حياة عاقده حاجبيها : طب سيبني وارقص مع واحده طويله
يحيي : تؤ انا بحبك انتي
حياة : .......
يحيي باابتسامه : يعني سكتي يااوزعتي
حياة : بركز ف الرقص
يحيي : احب فيكي الاتقان ف العمل
حياة ويحيي : ههههههههههه
- بينما كانت صافي تنظر اليهم بحقد وغيره لا تعرف ماسببها برغم من انها هي من تركته ف محنته وتخلت عنه فهاهو يقف امامها بكامل سعادته وبدونها ........
( انتهي الحفل وذهب الجميع لدياره )
   - منزل حياة
نوال : انا هدخل انام مش قادرررة
صفوان : انا كمان محتاج انام اوووي بس هشرب كوبايه شاي الاول اعدل دماغي اللي ورمت من الاغاني دي
حياة : ثواني ياوالدي اعمل شاي ليا انا وانت
صفوان : طيب غيري هدومك الاول واعمليه بعد كده
  - دلفت حياة لغرفتها لتبديل ملابسها حيث كانت تبتسم تلقائيا كلما تذكرت حديثه معها ومغازلته لها حتي انتهت وخرجت بااتجاه المطبخ لاعداد الشاي حتي سمعت ....
حياة : بابا .. سامع اللي انا سمعاه
صفوان مدققا السمع : ايه ده !! معقول حد بينده عليكي من الشارع
حياة بصدمه : انا هدخل البلكونه اشوف في ايه ؟
    - دخلت حياة للبلكونه لتصتدم ب ( رأت بالون كبير من اللون الاحمر منقوش عليه كلمه "تتجوزيني"  بينما كان يحيي يقف داخل قلب مصنوع من اوراق الورود المفرطه وبجواره كؤؤس ملونه بداخلها شموع ويجلس بنصف ركبه حاملا بيده بوكيه كبير من الورود الحمراء المغلف بغلاف حريري احمر ..وينادي عليها بأعلي صوت حتي ان الجيران  تفاجئوا بفعلته المجنونه وظلوا يشاهدون الموقف )
يحيي بصوت عالي : تتجوزيني
حياة بصدمه : انت اتجننت
يحيي : حياااااااااة تتجوززززززززيني
حياة : ...   
صفوان بدهشه : يابن المجانين !!
يحيي : لو موافقتيش تتجوزيني انا هفضل واقف هنا للصبح ومش هتحرك وهفضل انادي واطلب منك تتجوزيني
حياة بدموع : يحيي بطل تصرفاتك دي واعقل
يحيي مغنيا : انا زادي في هواكي الشوق وزوادي وانا المعشوق  وانتي الشمس مهما تغيب تاني تنوري الدنيا وهامشيلك بلاد الله وهحكي لكل خلق الله عن سيرة هوا عاشق عن تااايب الي مولاه
شخص ما : ماتوافقي ياحياة
سيده ما : حرام عليكي يابنتي وافقي ده الواد واقع لشوشته
شخص اخر : يلا ياحياة بقي عايزين ننام فرحانين
صفوان : اتفضحنا ف الشارع خلاص
يحيي : بحببببببببببببببببببببببببببببببببك
وافقي بقي يلااااااااااا
       - غرغرت عيني حياة ف فرحه ثم هزت رأسها فى موافقه ووضعت يديها على وجهها فى خجل

يحيي : ييييييييييييييييييييييييس
صفوان بسخريه : انا شوفت الفيلم ده قبل كده بس مش فاكر فين....