The Second Time Around (The Starving Squad #1)

Chapter 9: Bullet Meets Ex

Fresia was right. Simula nang matikman ng tatlo ang luto ni Bullet, madalas nang makikain ang mga ito sa apartment niya. Tuloy, dumarami ang groceries na binibili niya kasi dapat palaging good for four, at least.

Mabuti na nga lamang at hindi palaging nagsasabay-sabay ang tatlo. May mga araw na si isa o dalawa lamang sa mga kaibigan niya ang nagpupunta.

Since Bullet is somewhere else during the weekends, nagpapaluto na siya rito ng ulam na aabot sa kanya hanggang linggo. For the past two weeks, adobo ang natipuhan nitong lutuin. And on the first week, naubos ni Mona ang ulam niya noong Sabado pa lang. Hindi kasi alam ng mga kaibigan niya na umuuwi si Bullet ng Pampanga tuwing weekends. The only upside to that was Mona got to treat her to a nice restaurant. Doon na rin nila pinag-usapan kung ano ang plano niya sa kasal ni Izzy.

Her cousin insisted that she attend the wedding. Para raw kapag nagka-problema ang damit nito ay nandoon siya para mag-ayos. Her aunt couldn't come dahil nasa Spain ito for a month. Sinadya nitong umalis dahil ayaw nitong makita ang mga kamag-anak nila. Nakakapagod daw kasing makipag-plastikan sa mga ito.

She didn't want to attend, either, pero pinapauwi siya ng mga magulang. Ang masama pa, inaasahan ng mga itong pupunta siya kasama si Richard. Alam ng mga ito na hiwalay na silang dalawa, pero as usual, they don't care. Gusto kasi ng mga ito si Richard. Nang maghiwalay silang dalawa, sa kanya pa nagalit ang mga magulang. Wala na raw siyang nagawang tama sa buhay niya.

Pakiramdam niya ay mas gusto ng mga ito si Richard kesa sa kanya. That made her angrier. Simula pa noon, minamaliit na siya ng mga ito. Si Fiona ang palaging binibigyan ng atensyon. Si Fiona ang palaging ipinagmamalaki.

It hurt her, but she was able to shrug it off because there's a downside to being the favorite daughter. Nasa kapatid din niya ang pressure. Fiona had to be the best because she was expected to be the best. Bata pa lamang siya ay ibinaba na niya ang sarili para hindi mag-expect sa kanya ang mga magulang.

When Fiona died, she thought that they were more disappointed than sad. Imagine, ilang taon ding ibinigay ng mga ito ang lahat sa kapatid niya tapos sa isang iglap, nasayang ang lahat.

--

Paborito na niya ang Lunes. Lalo na ang Lunes ng gabi. Sure, it's the start of another grueling weekend, but she loves her job so that doesn't count. Saka tuwing Lunes, may dalang pagkain si Bullet. Morcon ang dala nitong ulam noong pumunta ito sa apartment niya. May dala rin itong apat na liyanera ng leche flan para raw sa kanilang magkakaibigan. But she intends to keep the three for herself. Share-share na lang sina Mona sa isa. Hindi naman alam ng mga ito na maraming dalang ganoon si Bullet.

He also brought a change of clothes. Doon na raw ito manggagaling dahil mas malapit siya sa bahay ng kliyente nito. She couldn't complain because there's food.

Habang siya ay naghanda ng pagkain sa mesa ay dumiretso naman si Bullet sa couch para matulog. It's not even eight yet, pero mukhang pagod na pagod na ito. Kumuha siya ng kanin at morcon saka ito pinuntahan sa sala. Lumupagi siya sa carpet at doon kumain.

"Why don't you just come here every Sunday night?" tanong niya rito.

"Five days lang kasi ang usapan natin."

"E, 'di gawin nating six days," kaswal niyang sabi.

Kumunot ang noo nito. "Bakit parang bigla kang bumait ngayon? Epekto ba ng morcon 'yan?"

Kung tutuusin, siya nga itong nang-aabuso. Minsan, si Bullet pa ang namimili ng lulutuin nito sa gabi. Ipinagluluto pa nito sina Aika kapag pumupunta ang mga ito sa apartment niya. Tapos ay naglilinis din ito bago umalis.