اقتباسات

Feminism

صلي فترة بشوف تعليقاات ومنشورات بتتمحور حول الحرية وخاصة حرية المرأة..ومنهاا اللي بتدعم نظرية المساواة بين الجنسين (feminism) ومنهاا اللي كانت ناقدة بشكل وادعائها كان ان النساء بطمحو للحرية الشكلية فقط..لبس "غير محتشم" او طلعات بدون قيود وهالاشي يعد في مجتمعناا غير مقبول لكونه عهر وان كان موجود في بيئات محدودة لازم يكون باطار معين بناء عاللي برضى في المجتمع ..
وغالبا ما بسمع هالسؤال بنطرح عكل انثى:" انت كبنت عند اهل منفتحين ومعيشينكك احلى حياة، بمولوكي وببنولك مستقبل، كيف ممكن تتجرأي وتطلبي انك تكوني حرة..بدك تدوري؟" او كزوجة بتحاول انها تحافظ عزواجهاا وعيلتهاا عشان تكون مبسوطة وبنتهي فيها المطاف انها تطمس نفسها وسعادتهاا عشان تنجح هالزوااج ، وبتصير عادة..وان ما صارت..كيف بيحكو.."حابة تتطلقي وتخربي سمعة العيلة؟" او كجدة بتقضي اخر عمرهاا حاولت تستمتع باخر ايامهاا وتساوي كلشي بنفسها ما غدرت تساوي قبل حكولها.."عيب..مش انت كبرتي؟".
صدقوني احناا ما بدناا ذكور بتدعم النسوية وحرية المرأة..وما بدناا كل مناضلاتكم ومحاولتكم باظهار عظمتناا والسعي للمساواة بين ذكر وانثى، ولا بدناا جدالاتكم لماا حداا يمس بانثى متدينة او دفاعاتكم لماا منلبس تنورة او فستان قصير..
اني اكون حرة، مش يعني بدي اساوي كلشي بدون تفكير مسبق واثور ضد المجتمع وعاداتو ولا يعني اني بدي "ادور"
اكون حرة..يعني اكون بين ناس دينهم لنفسهم..ما بفرضو تعاليمه علي ..لما اطلع بريت البيت وبرغم ثقة اهلي فيي مكنش خايفة كيف بدي اقنعهم يتفهموني او يسمحولي اطلع كمان مرة عشني تاخرت بسبب تاخيرة باص او صدفة التقيت بصديق ..اكون حرة يعني انا المسؤولة عن نفسي ولو انا مش بالغة قانونيا..انا بقرر كل اشي بخصني وبخص مسار يومي طول مهو ما بمس بحداا .. اكون حرة يعني بحصلش على الحرية والموافقة من اهل،او زوج او اي حداا لاني انا خلقت حرة، يعني من حقي اني اخدم نفسي اول شي واحط حالي بالمقام الاول، اعيش حياتي بالطريقة اللي انا بحلم فيهاا وبرغب اعيشهاا، يعني احلم بدون قيود،اكون الانثى اللي بدي اكونها سواء ان لبست حجاب او لا، سواء ان كنت من النوع اللي بتطمح تكون خيالية او واقعية، بدون توقعات او حكم مش الحد الاقصى الذي يسمح به المجتمع الذكوري او حتى بعض الاناث للاناث ان يبلغو من حرية..كوني من جنس اخر بعنيش اني مختلفة لتني اطالب بمساواة..انا خلقت مساوية.
حريتي مش باللبس ولا بامور سطحية..حريتي بكل تفصيل بسيط ممكن اواجهو بحياتي اليومية..ابتداء من رغبتي تفضيل الاكل الجاهز على الوجبة البيتية في الصباح..وانتهائها بعدم انتهاك اي حد لخصوصيتي والتشكيكك بتصرفاتي ان نمت بوقت متاخر..