اقتباسات

صداقتنا

بعرف انه انا مقصرّة بحق صداقتنا بعرف انه انا بضل مشغولة ، انت بتعرف؟ حتى اموري الشخصية بنسا اعملها اوقات ، بتمر ايام هيك ما بعمل فيها اشي وبتروح مني ، انا اوقات كتير بكون مكركبّة ومشوشّة وما بحب ادايقك معي لاني بعرف انك حتقلق وتزعل علّي ، انا حد مش اجتماعي كتير لا اجتماعي بس مش عارف احياناً الانسان بتيجيه حالات بحبش يحكي مع حد هيك خلص ! بحس انه مش بايده الموضوع يعني ، بشوف بوست لالك بحس انك متدايق وبزعل من جوا وبدعيلك ، بكون دايما مشتاقلك بس صرت اختضر الحكي الكتير بالمسجات ، لانه اول ما احكي معك راح احكيلك تعال زورني او يلا نطلع المهم بدي اشوفك ، ما حسيت انه انا زهقانه من الحكي والمسجات ، بتمّر ايام كتير بدون ما احكي واسال عنك ، بس انت ب قلبي يا صديقي ، بس نحكي واحكيلك يلا شو اخبارك احكيلي ! وتحكيلي كل اشي فجاة ونرجع نضحك ولا كانه احنا من زمان مش حاكيين بتيجيني الغصّة الجميلة الموجعة من بعدك والجميله من صداقتنا المستحيل ينهيهّا بُعد او قلة حكي ، بس انا بتدايق لاني انا مؤمن انه الجفا مش حلو ابداً مش حلو ، ما بحب احس حالي بعيدة عن صديق بمثابة روح واكتر ، ما بحب من جوا اعاتبه لانه ما بنحكي ، ما بحب احسّه احتاجني بوقت انا كنت بعيده فيه عنه ، ما بحب احس او لا اتأكد انه كل اشي ممكن يصير منيح بس لو حكينا وتطمنّت عليه ، لانه انت غير عن الكل ، انت قوس قزح ! انت اللون الاسود الي بزعله منه قدامه وانت اللون الابيض المستحيل يزعل مني انت اللون الازرق الي مروّي عطشّي ، وانت اللون الاخضر الي معشّب فيّو قلبي ، وانت اللون الاصفر الي بتشمس فيه وانت الزهري الي بلتمس جمالّه بكل "اسوارة، سنسال ، ورقة، كتاب ، سندويشّة، بلوزة، او حتى قلم منك" ممكن لا تحمل بقلبك علّي ؟ وممكن تسامحني ازّا حسيت انه انا ما بسأل كتير عنك .. لانه انت في القلب جوّا جوّا وهالمكان مش سهل تطلع منّه .
//💙