Shirley (Lesbian Story)

Chapter 28: The Talk

"Kailangan mo talaga siyang i-confront in public about the issue?"

Ito ang mga salitang lumabas sa bibig ko ng magkita kami ni Ryan sa restaurant na malimit naming puntahan sa Makati.

If the choice was to remind me of what we used to be or to have, I don't really care.

Gusto ko siyang makausap tungkol sa nangyari sa kanila ni Liz.

"Ni hindi mo man lang naisip na kababalik niya lang sa trabaho dahil she had a death in her family?"

"So inaamin mo na may relasyon kayong dalawa ng tibo na iyon?"

I found the term crass and realized na the Ryan who was sitting across from me was different from the person I used to date.

Defiant siya.

Mahigpit ang pagkakahawak sa tinidor na para bang anytime eh sasaksakin ako.

May pasa siya sa mukha at lalo pa itong nakadagdag sa pagmumukmok niya.

Sinapak siya ni Liz.

That alone was a big blow to his ego.

"Oo," mabilis na sagot ko at para siyang binuhusan ng malamig na tubig dahil namutla ang hitsura niya na parang nakakita ng multo.

"Ni hindi ka man lang nagdeny? Diretsahan mo talagang inamin sa akin?"

"Ryan, kelan ba ako nagsinungaling sa'yo?"

"Kung iyon din lang ang gagawin ko, ano pang saysay ng pag-uusap nating dalawa?"

Natahimik siya sa sinabi ko.

"Sabi mo nga you have the video. Nagdadalawang isip ka ba sa mga ebidensiyang nakita mo?"

Binitawan niya ang hawak na tinidor at tinakpan ang bibig ng kanyang kanang kamao.

"Nang makita ko ang footage ninyong dalawa sa stairwell, I thought it was a joke.Alam mo iyong mga prank videos na napapanood sa YouTube? Hindi ako makapaniwala ng pinakita sa akin ng security ang surveillance tapes. Sabi ko sa sarili ko, hindi ikaw iyon. Hindi ka pumapatol sa tibo. Lalake ang gusto mo."

Umiling ako.

Unti-unting nagagalit sa mga salitang lumalabas sa bibig ni Ryan.

Wala siyang pinag-iba sa karamihan ng tao na negative ang perception about gay people.

Lumabas ang tunay na kulay niya dahil sa nasaksihan sa video.

Alam kong nagulat siya sa nakita niya pero hindi iyon dahilan para gumawa siya ng eksena.

"Bakit hindi mo ako tinanong ng diretso kung curious kang malaman ang totoo?"

Tumitig siya sa akin.

"Dahil hindi ko alam kung anong gagawin ko kapag inamin mo na totoo nga ang lahat.
"Ngayong alam mo na , hindi mo pa rin ba alam kung anong gagawin mo?"

Hindi siya nakasagot.

Nang magsalita siya ulit, may bahid ng panghihinayang sa boses niya.

"Bakit Shirley? Bakit siya? Ang dami namang lalake diyan. Bakit sa babae ka pa nagkagusto?"

"Bakit hindi siya?"

"Kung ibalik ko sa'yo ang tanong, bakit ako? Bakit hindi ang ibang babae sa ibang department na may gusto sa'yo? Anong isasagot mo?"

Matalino si Ryan, magaling sa palaisipan at complicated computer commands at programs.

Pero para siyang binigyan ng isang mathematical calculation na for hundreds of years ay isa pa ding puzzle.