Hera: The Hacking Goddess [Completed]

H49

H49

“THESE are ciphers.”

Napatigil sa malalim na pag-iisip si Hera nang marinig niya ang sinabi ni Detective Brylle. Kunot noong lumipad ang tingin niya rito.

Kasalukuyan ulit silang naroon sa kwarto nito para pag-usapan ang mga bagong nakuha nilang impormasyon. Matapos nilang ma-decrypt ni Red ang file sa memory card ng ama at masiguradong ang laman niyon ay ang Genesis ay agad na silang bumalik sa ospital. Halos ilang oras din silang naghintay bago dumating si Ethos. Sa ngayon ay si Levi na lang ang kulang. Wala pa silang balita rito at hinihintay nila ang pagbabalik nito.

“Can you decipher it?” Tanong ni Ethos na nasa gilid nito.

Pagkarating na pagkarating ni Ethos kanina ay may ipinakita itong kapirasong papel sa kanila at text sa phone nito. Nang tingnan niya ang mga iyon ay naguluhan lang siya. Hindi niya kasi maintindihan ang kakaibang combination ng mga letter na nakasulat doon.

Ngumisi si Detective Brylle kay Ethos, tanda na alam nito kung paano ide-decode ang cipher na iyon.

“This is actually easy. Basahin mo lang ng pa-zigzag at makukuha mo na ang secret message nito,” sagot nito at habang itinuturo kay Ethos ang mga letra sa hawak nitong papel.

Tumayo si Hera sa kinauupuan at lumapit kay Detective Brylle. Amazed na tingnan niya muli ang papel at cellphone na hawak nito. “Talaga?”

Ngumiti sa kanya ang detective at tumango. “Yes. If I’m going to read this, the secret message in this paper is…”

“Varres Security Services,” maagap na sagot ni Red na nakasandal sa hamba ng pintuan habang ang isang kamay nito ay nakapamulsa.

“Varres Security Services?” Ulit niya sabay tingin kay Red. “Hindi kaya…”

“I believe that’s where the Pandora’s Box is hidden,” wika nito at lumapit sa kanila. “And this letters Ethos got from the painting is the password in the vault.”

Napangiti siya ng malapad at napapalakpak sa tuwa. “Yes! We’ve found it! We should go there first thing in the morning to get it!”

Ngumiti ang mga lalaking kasama niya sa loob ng kwarto at sabay-sabay tumango bilang pagsang-ayon sa kanya.

Pakiramdam niya ngayon ay unti-unti na silang nalalapit sa katapusan ng gyerang pinasok nila. At ang makuha ang mga ebidensya na magpapatunay ng mga kasamaan na balak ng organisasyon na iyon ay mas lalong nagbibigay sa kanya ng lakas ng loob na huwag sukuan ang laban.

“Here’s the food, people. Mamaya niyo na ituloy ang pag-uusap. Let’s eat first.”

Lahat sila ay sabay-sabay na napatingin sa bumukas na pintuan. Isang maluwang na ngiti ang nakapagkit sa labi ni Artemis habang may bitbit itong paper bags na may tatak ng logo ng isang restaurant.

Mabilis itong nilapitan ni Red at tinulungan itong ilapag sa maliit na mesang naroon ang mga pagkain. Inabutan ni Artemis si Detective Brylle ng pagkain samantalang lumapit na siya at si Ethos sa mesa. Matapos n’on ay nag-umpisa na silang kumain.

“Alam mo ba kung nasaan na si Levi? Anong oras na kasi at wala pa tayong balita sa kanya,” mayamaya’y tanong niya kay Artemis habang kumakain.

Sa totoo lang ay nag-aalala siya kay Levi. Ito ang naatasan ni Artemis na kumuha ng impormasyon na mangyayari sa araw ng inauguration ng bullet train. At alam niyang ang destinasyon nito ay ang kuta ng mga kalaban.  Masyadong delikado ang lugar na iyon. At ang hiling niya lang sana ay ligtas itong makabalik ng walang kahit na anong galos.

“I don’t know where exactly he is. But I guess he’s already on his way here,” sagot ni Artemis sa kanya na hindi man lang nag-abalang tingnan siya at nagpatuloy sa pagkain.