Hera: The Hacking Goddess [Completed]

H40

H40

"Why are you following us?"

Napatayo ng tuwid si Ethos nang maramdaman niya ang paglapat ng malamig na metal sa likod ng kanyang ulo. Naikuyom niya ng mariin ang kanyang palad at naglapat ang kanyang mga ngipin.

Hindi niya inaasahan na mahuhuli siya ng mga ito. Kaya naman pala bigla na lang nawala ang mga ito sa kanyang paningin dahil iyon pala'y nagtago upang hulihin siya. Palihim na sinusundan pa man din niya ang mga ito papasok sa loob ng mansyon kung saan may nagaganap na pagtitipon.

Mula Maynila ay nakarating siya ng Zambales kakasunod sa mga ito. Alam niyang naroon din sina Hera ngunit minabuti niyang hindi muna makipagkita sa mga ito at ipaalam na naroon siya.

Kinukutuban kasi siya kung bakit nagpunta roon ang mga sinusundan. Alam niyang may kinalaman iyon sa pakikipagkita nila Red sa asawa ng namayapang senador. At isa pa...hindi niya alam kung anong magiging reaksyon ni Hera kapag nalaman nitong nasa pagtitipong iyon ang sinusundan niya.

Ngumisi siya kahit hindi naman siya nakikita ng lalaking nasa likod niya. "Why do you have to ask? I assume you're not dumb. You know very well why I am tailing you."

Naramdaman niyang idiniin ng lalaki ang nguso ng baril sa kanyang ulo. "Don't mess with me, man. You know your life is in my hands. I can easily take it away from you in just one snap." Anito na bakas sa boses ang pagbabanta.

"Levi."

Napatingin sa harap si Ethos nang marinig niyang may nagsalita. Napailing siya at tumaas ang isang sulok ng kanyang labi. In front of him is a girl wearing a black dress with glittered mask on her face.

Lumapit ito sa kanila at tinanggal ang suot na maskara. Matiim siya nitong tinitigan at matapos ay bahagyang ngumiti sa kanya.

"Ethos."

Hindi niya napigilan ang ngumiti ng mapakla ng tawagin siya nito. Binigyan niya ito ng matalim na tingin.

Nanggagalaiti siya sa galit. Halos nararamdaman niya na ngayon ang matinding sakit na maaaring maramdaman ng kababata kapag nalaman nito ang tungkol dito. Siguradong mawawasak ang puso nito sa katotohanan.

She's her best friend. One of the people she trusts. And yet, she was able to betray her.

There are many questions that running through his head that he wants to ask. Katulad ng bakit nito nagawang traydurin ang kaibigan. Ano talaga ang plano nito at kung ito ba ang mastermind ng lahat ng kaguluhang nangyayari sa buhay ni Hera.

"Fancy seeing you here, Artemis." Patuya niyang wika rito at namulsa.

---

Isang malakas na suntok ang pinakawalan ni Red matapos agawin ang baril ng lalaking kaharap. Pinaputukan niya rin ito sa hita upang masigurong hindi na ito makakabangon muli. Tumumba ito at nawalan ng malay. Nagmamadaling umalis siya at tinungo ang kwarto kung nasaan ang detective at asawa ng namayapang senador.