مسرحيتنا أصبحت حقيقة

الجزء 1

بزاف الحوايج يمكن هما لي كيخليو كل شخص يفكر فشي هدف يديرو...لكن كيبقى السؤال المطروح كيفاش ؟؟
أول حاجة العزيمة او الإسرار لي كتحفز كل إنسان باش يوصل واخا غير لشيء بسييط جدا ممكن شي أشخاص يبان ليهم تضياع الوقت لكن كين لي كيفكر  بالعكس...قصة  كتجمع زوج شخصيات رنا او يوسف كل وحد تيهدر بصفة ديالو نخليكم تعرفو على الأبطال ديالنا...يوسف 24 سنة أنا من بين أهم الشخصيات فلندن المعروفين فماشاريع البناء عندنا شركة فلندن او دابا كنحاولو نأسسوا فروع جديدة فالمغرب أنا معزيزش عليا نهدر على راسي ولكن جابتها الظروف مهم أنا من أصل مغربي من الواليد الأم من لندن واخد العينين او شهوبية من عند الواليدة لكن الطبع مغربي من عند الواليد غادي او كنقصاح فتعامل ديالي كنبغي بنت وحدة سميتها كريستينا إنشاء الله نرجع من المغرب غادي نخطبها...قلتها الأب ديالي رفض او قاليا ها السخط ها رضا أنا تعصبت بزااف حاولت نهبط المغرب باش نسا او باش نقاد أومور الخدمة مي الأمور ممشاتش كيف بغيت حيت لواليد كان عاطي لكلمة لعمي بلي غادي نتزوج ببنتو رنا...انا رفضت او مزال على وعدي (هاذشي لي كان بطلنا كيعتقد)
.....👸رنا 14 العام من حياتي او انا غير فالقراية او العذاب تاحاجة مبغات تصدق ليا حتا من الخدمة من بعد مشديت الباك ديالي ملقيتش لي نرتاح فيها ...😞مهم نعرفكم عليا أنا رنا فعمري 22 عام دابا مزال فالدار مع وليديا او خواتاتي صغار خديت الباك ديالي ب 15.78 كان بالنسبة ليا صاعقة حيت كنت معولة على كثر...لكن شاءت الأقدار الحمد هاد النقطة خلاتني ندخل لافاك او ندير سونطر باش تللا مدرت والو لقا فين نتخشا او عامين كندرس تلات ديال اللغات فرنسية انجلزية اسبانيةلكن زهري عوج ممعاونيش...المهم عايشة أنا او ماما او بابا او خواتاتي تويميات صغار كنت انا الكبيرة كان بابا خدام عساس فواحد المدرسة بريڤي او ماما كتخد الدموند ديال الحلاوي (هههه طبااااخة ماهرة)المهم كنا مشيين راسنا كان عندنا واحد عمي فلندن كان مارة مارة تيصفط لبابا باش يتعاون بيهم على المصاريف او الدار لي جالسين فيها حنا هادي دارهم حيت ملي تيجي تيمشي يجلسو فلي زوطيل...كان عندو ولد واحد سميتو  يوسف او بنت لكن ماتت مبقيتش عاقلة عليه مزيان لي عقلت عليه انه  كان ضريف بزاااف او كيحشم او انا كنت كنخرج عيني مكنحشمش هههه او كان ديما تي يلعب ليا فشعري المهم كان كبر مني شويا ب عامين...المهم دازت ليام دوصي ديالي ديما متيتقبلش لكن كانو كيبغيوني فقط الجمالي حيت كانو عيني مايلين الزروقية شعري كحل غامق ليكيشوفو تيقول هادي غير الصبغة بففف شعب مغيار...او عيني كبار كولشي هو هاداك البشرة ديالي بيوضة ديالها غادا البرنز لاطاي غزالة مهم ماشاء الله عليا او صافي..😉😉
وحد النهار تاصل عمي ب بابا قالو بلي غادي يجيو المغرب على ود الخدمة او ولدو يوسف كين هنا فالمغرب يقدر يدوز عندنا فأي وقت أنا تصدمت حيت مدة ديال 11 العام مشفتوش غاتجيني فشكل!! او باينا نسا عليا او دكشي ليكنا كندوزو ملي كانو ايجيو فالعطل كنا مفاهمين بزااف واخا انا حگارة لكن كنت عزيزة عليه او تهو خصوصا نهار تخنقت ليهم تخلعع بزااف او بقا تيبكي كيصحابني غانموت هه او انا غير نسيت مشرباتنيش ماما الدواء او معا جرينا بزااف تخنقت ...هو جا بزربة المغرب على قبل الخدمة خاصني نستعد باش نشوفو كي ولا ههه باينة باقي خايييب😄😄كانو عويناتو ليزوينين ...💑