مسرحيتنا أصبحت حقيقة

بارت 10

عند يوسف(أنا معرفتش علاش كنتعامل مع رنا بهاد المعاملة لكن هي كتصحابني باقي كنخاف كيفما ملي كنا صغار ديما كنتفكر أش كانت كدير ليا كانت قبيحة بزااف او حتى فالشركة ملي غوتات عليا حسيت بداك الضعف او مقدرتش نجاوبها ...مشي حيت مكنقدش عليها هاد التعامل ديالي معاها من صغر لكن هي كتصحابني كنخااف منها...)
رنا لي كتهضر : ملي سالينا عاود لينا عمي على لندن او ورانا شي تصاور ليهم صراحة مراتتو كارولين مزال زوينة كيف ديما هو مكان عندو والو بابا عاونوا باع طوموبيلتو او شي فلوس كانو عندو او عطاه باش مشى للندن تما أسس حياتو او خدم فوحد الشركة او كنت بنت المدير هي كارولين لي تغرمو مع بعضهم او تزوجو او ولد يوسف او ولدو بنت لكن توفات بحادث تفكرنا هاد الحادث بدينا كنتألمو ...تا جاو الخوينزات تي غنيو لينا داكشي ليتعلمو هاد النهار فالمدرسة هه كلشي تي ضحك او جاو باسوني ههه هزيت عيني لقيت يوسف تيشوف فينا او طاحت ليه دمعت ممكن تفكر ختو كان تيموت عليها لكن ماماه تبنات وحد البنت علاما سمعت...المهم قالو رنى كنبغييييوك او قلت ليهم حتا أنا او عنقوني تاني هه شحال زوينين...💓بقينا هاكا تا قالو لينا بلي غايباتو معانا ليوم انا تلفت المهم دخلو البيت ضياف مشاو ينعسو أنا طلعت لبيت البنات النعسهم او من بعد مشيت لبيتي ...لبست بيجامة صماطي ههه خفيفةة عليا او بينوار او جاني العطش هبطت نشرب بشوية كنت دايرة شعري فالجنب لكن حسيت بخطوات شي حد كتقرب ليا ملي درت كنت غتغوت لكن حكم ليا فمي مزياان او عيني فعينيه قاليا سوكتي دابا تفضحينا...حيد يديه قلتلو واخا نتا شنو نزلك داباأ يوسف يوسف: داكشي لي نزلتي عليه...(انا:اه اوكي تصبح على خير )يالله بغيت نطلع جرني قاليا هههه جيتي كيوت...انا:شنو؛؟؟ هبطت راسي ويلي ويلي حشمتتتت دغيا طلعت او ملي دورت وجهي لقيتو لابس شورط او سليب طلعت قلت ليه هيه..او درت هكا تانتا جيتي كيون😛هههه ختكم هبيلة كنت انا او ياه هاكا شحال هادي... طلعت نعست او انا معرفتش علاش فرحانة عمري محسيت هاكا..
يوسف (مشينا انا او الواليد نعسوا شوية جاني العطش هبطت الكوزينة ولكن شفت شي حد تيتحرك حل تلاجة ضو درب فيها شفتها بانت ليا رنا بقيت غادي او كنقرب ليها تا دارت يالله بغات تغوت حكمت فمها مزيال سولاتني لتش نزلت جاوبتها هبطتها او طلعتها بانت ليا لابسة شي عجب ههه ضحكاتني كلتها ليها حشمات او مشات تجري او ملي طلعات عيطات ليا دارت حركة طفولية او دخلات هاء البنت هبيلة كيف ديما)
⭐⭐⭐صبح صباح جديد الجو كان زوين من بعد ما توضيت صليت قريت بعض الادعية ندت لبست سروال فالبوردو او قميجة فالبوردو او طريكو فوق منها فالكحل او لبست كونڤرس او صاك طويل ااو شعري خليتو مطلوق او درت ميكب خفيف حيت كنت كنبان نورمال حسن. المهم جا ستيل مختالف او جيت فنيونة..المهم نزلت قلت ليهم صباح الخيير كلهم كانو تيفطرو او يوسف حال فمو خليتو تيشوف عوجت عيني او سلمت على بابا او عمي او ماما فالكوزينا عنقتها ...المهم فطرت تا أنا من بعد قاليا يوسف رنا يالله نمشيو...أنا متحمسة لخدمة عاوتاني لكن بطريقة جديدة او على حسابي...فالنبدأ...هههه كم انا شريرةً...مشيت انا او يوسف من بعد مودعناهم حل ليا. باب الاوطو أو انا ممسوقاش ليه دخلت هزيت طيلي ديالي درت ليزي فودني او كنسمع الاغاني ماديتهاش فيه بتاً..وصلنا خرجت راسي مادويتوش خليتو او طلعت ..
طلعت المكتب او انا غير كنضحك كلشي تي شوفني تي ضحك معايا جا عندي وليد...صبااااااح زين...واو واش نتي باغا تخرجي علينا...انا:علاش مالي ههههه...وليد:اش هاد الاناقة او طاقة الانوثة لا هادشي بزااف..
أنا:.هه شكرا ليك ا وليد او تا نتا😄😉
#يتبع