مسرحيتنا أصبحت حقيقة

بارت 32

32
رنا:يو يو سف أش كدير هنا (كنحاول نغطي جسمي)
يوسف:الصمت (كيطلع او يهبط فيها)
رنا:مالك؟!
يوسف : (مقدرتش نتمالك راسي دغيا هدرت معاها او مقدرش نزيد نطول الشوفة فيها أحم شوفي لبسي دغيا الموعد باش نمشبو مابقا لو والو او راه الجواز ديللك خرج
رنا:بصصح واخا مزيان واخا تخليني لبس حويجي...
يوسف:هههه دخلي الحمام فيه غرفة صغيرة تبدلي فيها..
رنا:أه مشفتهاش (مشات او جرات ڤاليز ديالها)
يوسف:هبيلة ههه
#رنا(ناري تخلعت بزاااف معرفتش كيفاش تتحكم فراسوا واخا بان ليا عروقوا بارزين او عينو حومر فيا ولكن الحمد لله مقاسنيش جبدت نشوف شنو لبس تلفت بانت ليا كسيوة فالگرونة مشبكة من جيهت الكمام او الكول ديالها فحال شوميز غزاالة صاوبت شعري خليتو هاكاك جبتو الجنب مع صباط عالي فالكحل الميك أب إكتفيت بأيلاينر باش يبرز عيني او كونتور خفيف او گلوز غوز بارد ...او بعض الأكسيسوارات او رشيت الباغفان ديالي)
#يوسف: ملي دخلت مقدرتش نتحرك بقيت غير كنشوف فيها زوينة بزاااف او عاد الجسم ديالها المنحوت مقدرتش نتحكم فراااسي حسيت بيها خافت عاد رجعت الوعي ديالي او جاوبتها او گلت ليها تلبس باش نمشيو مابقا والو الموعد الطيارة بغات تبدل وريتها فين تمشي مشات او هي حشمانة هههه سبحان الله مبقاش فحال هاذ النوع بقيت كنتسنا فيها تا خرجات بكامل أناقتها والله تا غاتجيب ليا التمام هاد البنت
رنا':ههه احم صافي ساليت
يوسف:هادشي لي بان ليا جيتي غزالة
رنا:هههه شكرا احم احم حتى نتا...
يوسف: مممم شكرا مهم يالله نمشيو مزال نص ساعة على الموعد ديالنا
رنا:مدويتش مع دار...
يوسف:تاصلي بيهم دغيا
رنا؛واخا...(عيت الماما)...ألو ماما أنا رنا ...ماما:بنتي كيف صبحتوا واش مزيان نتي لاباس راجلك واش صافي مشيتوو...رنا:لا يالله غادين نخرجوا كنت غانطلب يوسف ندوزو عندكم ولكن مبقاش الوقت حتى أمال جات او مشفتهاش...ماما:واخا أبنتي ماشي مشكيل الله يرضي عليك او هاهو باباك او خوتك تي سلموا عليك او عمك تي گول ليكم طريق السلامة...أنا:أهئ أهئ أهئ ...ماما:مالك أبنتي...أنا:والو أ ماما غير غادي نتوحشكم يالله تهلاو فراسكم نوصل او نتاصل بيكم ..
يوسف:صافي أ رنا متبكيش إنشاء الله وقتما بغيتي تشوفيهم شوفيهم او يالله دابا عههه قبل ملقاو الطيارة قلعات...
#يتبع