خلعني بزاااف عمرو غوت عليا او حتى شراب گالت ليا مرت عمي شحال هاذا باش قطعو او لارجعوا يعني واصلا لو تا العظم تا طريقة لي دوا معايا بيها فالأول جاتني فشكل من بعد تقلب ياربي تصبرني معرت أش بغا يگول ...درت الماكلة تسخن ...نقصة عليها بينما سالا يوسف...
#يوسف(طلعت الدوش تعصبت ملي گالت ليا خويا يععني هي بصصح دايراني خوها دربت المرايا يدي كلها تجرحات ...)
&رنا كانت جالسة تا سمعت الغوات طلعات تتجري ...
رنا:أش هادشي يوسسسسسسف...طلعت كنجري دغيا طلعت لقيت يوسف مجررروح فيديه او تيغوت خانتني خااانوني بزوووج مكيسوااوش ...أنا:يوسسسف تهدن شوف إيديك تتنزف عطيني نداويك
يوسف:قلبييي لي تينزززف علاش لي بغيييتهم فحياتي مبغاااونيش علاشش أول حب ليااا نتييي
رنا:(تصدمات)أشنووو !!
يوسف:أه نتي ماشي مشكيل عرفتك تانتي مكتبغينيش او غادي تخلاي علياا ولفت مشات ختي من بعد رنا من بعد الحقيييييرة ديال كريسنيناااا
رنا:(كتشوف يد يوسف كتنزف بزاااف خلاتو او مشات تتقلب على علبة الإسعافات حتى لقاتها)يوسف أجي من بعد او نهدرو عطيني إيديك...بقيت كنداوي ليه إيديه لويت ليه الباندا...كنحس بيه تيتفحص فيا بعينيه.او بالأحرى تيياكلني بعينيه..ساليت سير دوش فالبيت لاخر متوصلش لما ليديك غانجيب ليك حويجك ملي تسالي هبط نتعشاو او نكملوا هدرتنا...
يوسف:إكتفى بصمت او دار هاد هاد الحركة جمعع عويناتو او بتاسم ليها او مشا ...
رنا===أنا تصدمت من هضرة ديال يوسف ماشي حيت تي گول هاديك كريستينا خانتو لا بالعكس فرحت حيت كان تيبغيني يعني يمكن ليا نحيي داك الحب من جديد ...فرحت بزااااف كنحس براسي طايرة...مشيت لبلاكار ديالو جبدت منو بيجامة سخونة شوية سروالها فيه كاروات او حطيتهم ليه ...
او نزلت نتسناه...
#يتبع
===يوسف ملي هدرت مع رنا حسيت براحة واخا شففتها تصدمات ولكن مبقيتش قادر نصبر داوات ليا إيدي او أنا منزلتش عيني معرفتش علاش كنت معمي او داير بلي بصصح كنبغي ديك الحقيرة تأكدت بلي هاداك كان مجرد ولف حيت كون كنت كنبغيها بصصح معمري نفكر نقرب من رنا او لا نشوف فيها بنظرة شهوانية ...ملي ساليت دوش لقيتها حاطة ليا بيجامة لبستها او نزلت عندها لتحت لقيتها گالسة فوق الطابلة كتلعب بالفورشيط..
أنا:رنا سمحي ليا گبيلة مقدرتش نتحكم فأعصابي...
رنا:يوسف شنو عندك گول ليا...
أنا:غير ناكلوا او نهدروا..
رنا:واخا أطط نحط ليك ههه اوا ملي دوق جاوبني
أنا:بسم الله ممممممم هادشي بنين لي جا مندوك صبيعات غايكون بنين
رنا:هههه صبغني
أنا:لا لا صراحة
رنا:بصحتك...أه نسيت جات ماماك ليوم
أنا:ممم بصح ياكما قلقاتك
رنا:لا بالعكس كنت كنظنها عكس هاكا ولكن هي ضريفة بزاااف او فرحاات بيا
أنا:ههه العجب اوا مزيان او الله يخلف شبعت
رنا:ههه اوا مزيان الحلووف ههه خليني نجمع هادشي او نجي..
أنا:ههه واخا ادحشة أنا كنتسناك
::::مشات البطلة ديالنا كتجمع الطابلة او يوسف متبعها بعينيه حتى كملات او جلسات حداه
رنا:اوا أ يوسف عاود ليا مالك
يوسف:تنهد او عاود ليها كلشي
رنا:صافي ممكتاباش ليك أنا مبقاش فيا داكشي لي دارت ليك هي قد ما دراتني خيانت صاحبك
يوسف:مبقا تا وحد تيهمني أنا عرفت بلي عمري بغيتها أنا فقلبي حب وحد ...(هز عينو فرنا)
رنا:كيفاش ؟!
يوسف:أه أ رنا كنبغيك نتي حيت كون كنت كنبغيها معمري نشوف فيك او لا توقع بيناتنا شي حاجة...
رنا:(حشمات بقات غير ساكتة)مممم
يوسف:او نتي واش مكتحسي بوالو احم او لا نتي معتابراني خوك بصصح او مزال لاعبة المسرحية معايا 😑😢 .؟!
رنا:ههههههههه نتا خويا اويلي
يوسف:أه سمحي ليا أختي نسيت نخليك غادي نعس..
رنا:(شدات ليه فإيديه )كنبغيك 😳😳
#يتبع
VOUS LISEZ
مسرحيتنا أصبحت حقيقة
Romanceقصة رمانسية تجمع الحب العذاب التشويق الإثارة ...تبعو معاياثاني قصة من الكتابة ديالي ...مزال كنكتب فيها نتمنى تعجبكم الكاتبة:إيمان بنرامو😍
