مسرحيتنا أصبحت حقيقة

بارت2

بقيت على هاد الحال مدة تا وحد نهار دفعت الوحد الشركة او تقبلت وأخيرا او هاد الشركة من الشركات الكبار ديال البلاد شركة ديال البناء او غايدخلو فيها بعض المستتمرين من الخارج حيت كنت كندرس هندسة البناء...تاعيطو ليا لهاد الشركة او أنا فرحت بزااف خصوصا انا كنت كنعرف لهادشي حيت درستو لكن مع المؤهلات ديالي بزااف او الشركات تيخافو من الثمن لي غايعطيوني حيت مكنتش كنقبل أي ثمن لأنو كان خاصني نعاون وليديا ماشي بأي ثمن داكشي علاش واخا تتكون شركات مهمة مكنتش كنقبل او باش تكون مهندس معماري راه شي حاجة صعيبة...المهم فرحت بزااف قلتها الماما او بابا فرحو كثر مني وأخيرا غانقدر نعاونهم فمصاريف الدار او خواتاتي لي مدخلينهم البريفي عندهم السنة الثانية إبتدائي او ناقصين ليهم شوية حيت بابا خدام تما...الصبح الصباح نضت مع 7 حيت المقابلة كانت مع 8 خديت دوش خفيف توضيت صليت لبست سروال جينز كحل او تشورت كحل او مونطو طويل فالپاج او شال پاج (غير حيت مرشقاش ليا على شعري)  درت ماكياج خفيف او بوط هبطت فطرت قلت لوالديا بلي غانمشي معرفتش معاش نقدر النرجع فيقت دوك النعاسات ديال مهى او صفاء من النعاس قبل مايدوز ليهم طرونسبور او أنا توجهت لزنقة لقيت ولد جارتنا حليمة ياسين عندو طاكسي حمر كان كايقرى معايا لكن ضروف عائلتو خلاتو يخدم فبلاست باه لي مريض دابا.ياسين:.سلام رنى فين غادى فهادالصباح...انا:صباح الخير انا غادا عندي مقابلة عمل من دبا نصف ساعة...
ياسين:او الله يكمل عليك يالله نوصلك معايا أنا: واخا شكرا لممكنتش غنعذبك...ياسين:ماكين لا عذاب لا والو ألالة رنا عذابك راحة...انا:شكرا ليك ههه إوا يالله باركة من الهدرة💖
صافي مشينا توجهنا الشركة أنا ودعت ياسن او شكرتو من بعد ماتمنى ليا التوفيق...ملي وقفت او أنا حالة فمي فالشركة تصدمت واووو زوينة بزاف تا انا غانولي ندخل او نخرج من هنا واو فرحت بزاف صافي رنا جمعي راسك وقت الضحك سالا ياربي نتقبل هاد الشركة أمالي الوحيد يارب يسر ولا تعسر.....دخلت أحطيت رجلي قلت بسم الله غير دخلت او أنا نتساطح مع وحد خونا داير بحال الحيط ناري شحال طويل او صحيح او ناري شحاللل زوين عينيه زورق او لحية مطراسيا ناري ميي او جسمو رياضي لي زابيدو تيبانو من داخل تيشورت بففف ناري أنا تزعزعت زعما حب من النظرة الأولى خخخ ميمكنش 😔هو:هييييه تي مالك أختي غير حالا فمك شوفي مزيان ...أنا:(لكن ماشي سوقي غوت عليه واخا جاني إحساس فالشكل فحالا كنعرفو...أنا محسيتش براسي أش كنديير تزعطت)شنو راه نتالي...