مسرحيتنا أصبحت حقيقة

بارت 19

من بعد المرطبات او داك التخربيق جلست هزيت طيلي كنتكونيكطا مع هبيلة ديال أمال عاودت ليها كلشي مسكينة تعجبات فيا بزاف حيت غانقدر نتحمل ...
صافي سديت الفايس بعدما ودعت أمولتي
هبطت التحت سمعت ماما تتعيط باش نمشي نتعشا لقيتهم جالسين فوق الطبلة أنا كنفرح لفرحهم بقيت كنضحك مع البنات او تعرضوا عليا داكشي لي قراوهم فالمدرسة نححماااااق علهم ياربي تعطيني شي توام فحال خوتاتي...من بعدما كملنا العشاء طلعت البيتي طحت كاو حيت كان الغد غادي تكون الخطوبة ديالنا...او فنفس الوقت نكتبو العقد
او في ديك ليلة ما جانيش نعاس بديت كنفكر بزاف و كنقول كيفاش غادي نتعامل مع هدا القدر لي كيتسنا فيا بقيت كنفكر او متوترة او من بعد ندت شربت دوا او نعست او في صباح فقت كيف العادة غسلت او لبست مزيان مزيان حيت نهار خطوبة ديالي او خصني نبان زوينة أمام العالم هه من بعد سلمت على ماما او خوينزات ديالي صفاء او هناء من بعد ما لبست جلابة فالبونكاسي او درت شال مهمل على شعري او شافتني ماما بدات تبكي ههه او انا نسكت تا جا عمي او بابا او يوسف من بعد كلشي خرج توجهنا لطوموبيل مشنا المكتب العدول أو فالعشية غاتكون خطبة صغيرة كانت غادي تجي عگوزتي المستقبلية ولكن هي ممسالياش...من بعدما دخلنا كملنا الإجراءات علنو على الزواج ديالنا أنا واخا عارفة بلي داكشي غير كذوب قدامهم لكن كنت فرحانة ...باركو لينا يوسف گاليا مبروك علينا باس ليا راسي قدامهم واخا عارفين هدشي غير تمثيل...