أنا:(خرجنا حل ليا باب الطموبيل)فين غانمشيو!؟
يوسف:فينما عجبك ؟!
رنا:أممم المكان لي كنرتاااح فيه هو البحر إلى بغيتي نمشيو ليه او نهدرو تما حسن
يوسف:واخا لي عجبك
(مشاو الأبطال ديالنا البحر ...)
وصلنا حليت الباب نزلت يوسف حط طومبيل او دخلنا لوحد ريسطو فجنب البحر
رنا:ممم منظر زوين هنا
يوسف:أه بصح شنو تبغي تشربي نطلب ليك
رنا:عصير ليممون
يوسف:(عيط على النادل) عفاك كاس ليمون او قهوة كحلة
سرباي:أوكي سيدي
بقيت أنا او يوسف مدة ساكتين تا جاب النادل الطلبية
يوسف:شكرا
رنا:إوا يوسف لباس عليك كلشي مزيان
يوسف:لاباس الحمد لله ...ممم كيف جاك هاد القرار لي خداوه ولدينا
رنا:أنا معرفتش شنو هادشي ولكن قبلت بسباب عمي او بابا
يوسف:يعني من هدرتك تانتي ماباغاش هاد الزواج
رنا:(تأكدت من خلال كلامو بلي تاهو مابغيش هاد الزواج)أه مبغيتوش حيت مزال محققت الأهداف ديالي او ماشي ساهل عليا زواج فهاد السن !!
يوسف:(تنهد) سمعيني أ رنا لقيت حل مناسب لينا بزوج تا أنا ماباغيش هاد الزواج أنا عندي حياتي خاصة فلندن أنا جيت هنا على ود الفرع الجديد راك عارفة مكنتش عارف بلي الواليد دايرنا فبالو فهاد الموضوع اه هدر معايا بتلميح ولكن رفضت او گلت بلي نسى لكن مازال مفكر ا و نتي او مكنتش عارفك بنت عمي حتى سمعت كنيتك (مقدرش يعبر على الشعور واخا هكاك راه مخربق مسكين ههه صبرو دابا تفهمو)
أنا:أه او دابا شنو الحل
يوسف:أنا بابا قاليا ها السخط ها رضا مكنش عندي تا شي حل أخر من غير نقبل هاد الزوااج او عمي او بابا عزاز عندي مبغيتش سخط او مبغيتش عمي ياخد عليا شوفة ناقصة
أنا:حتى أنا فحالك دابا الحل الحل !؟؟
يوسف:غانتزوجو هادا هو الحل غانمشيو لندن غانبقاو عام من بعد غانقولو ليهم ماتفقناش او ديكساعة نرجعك المغرب او لا بغيتي بقاي تما نتي راك كثر من ختي على راسي او معمرك تنقصك شي حاجة او نتي قارية او حتى المجال الدراسة ديالك مطلوب فشركات لندن
#يتبع
VOUS LISEZ
مسرحيتنا أصبحت حقيقة
Romanceقصة رمانسية تجمع الحب العذاب التشويق الإثارة ...تبعو معاياثاني قصة من الكتابة ديالي ...مزال كنكتب فيها نتمنى تعجبكم الكاتبة:إيمان بنرامو😍
