مسرحيتنا أصبحت حقيقة

بارت 28

#رنا
طلعت دوشت او ضاروري منسيتش الوصافات هههه أصلا هادشي كنديرو لراسي ماشي ظاروري تايكون بوركابي ...من بعد ساليت لبست حوجي تاصلت بأمال گالت ليا هاهيا خارجة بقيت نتسنا فيها او تفكرت وليد لي خدام معانا فالشركة نسيتو معرضتش عليه...ركبت نمرتو او بقيت نتسنا عاد جاوب ..وليد:ألو
أنا:ألو وليد معك رنا واش لاباس ههه
وليد :الحمد لله عاش من سمع صوتك واخا تفكرتك ولكن مبغيتش نعيط ليك
أنا:او علاش؟
وليد :(بنبرة حزن )حيت راك تزوجتي او عرفت علاقتك نتي او سي يوسف مبغيتش نجبد بينكم المشاكل
أنا:لا لا أنا او يوسف متفهمين ماشي مشكيل مهم نبغيك تحضر ليوما فالعرس
وليد:هههه واخا أ لا لا راه نص ديال الشركة معروض
أنا:ههه اوااا مرحبا اوياللله نخليك غادة عند الكوافورة
وليد :هاي هاي اوا الله يسعدك ياربي واخا بسلامة ههه تكايسي على سي يوسف
أنا:ههههه تلاح طق..من بعدما ساليت مع وليد بقيت جالسة كنفكر تا قاطعات أفكاري أمال
.. جات هبطنا أنا وياها ودعت ناس لي فدار مشيت عند ماما گلتليها باش ملي توصل 12 يجيبو ليا لبسة لي غانخرج بيها او لبيسات لاخرين يتعطاو النگافة ملي يوصلوا الأوطيل...
#يوسف(توجهت لمنزل عمي نشوف الأمور كيغادة تما بان ليا كلشي فرحان رنا عاوناتني بزاااف مخلاتش ليهم مجال فين يشكوا صراحة بنت مكينش فحالها...دخلت لدار بانوا ليا غير لعايلات حشمت جراتني مرت عمي كتباها بيا قدام جاراتها...مرت عمي:مولاي السلطان تعالى أوليدي سلم على الناس ..
الكل:تبارك الله على عروس بنتك ألاه يجيب لبناتنا فحالوا...أنا:شكرا ليكمم هههه
العيالات:بتوشويش وازهر عندها شوفي كيفداير فحال شي ممثل تركي الله يجيب لبنتي حنان فحالوا..أنا كنسمع او كنضحك تا شفت ساعة كلت لمرة عمي غانمشي الأوطيل نشوف شنو ناقص...أه فاينو الواليد..مرت عامي:واخا أو ليدي الله يعاونك او راه باك مشى هو عمك يتقداو المشروبات...أنا:أه صافي مزيان أنا مشيت ...
عند رنا ملي وصلنا لصالون او هما خدامين غير معانا حنى او بنات العائلة صراحة جيت غزالة ماشاء الله عليا دارو گاع لإعدادات ها لاصيغ ها سوان ديال الجسم مهم كلشي من بعد نتاقلوا المسات المهمة هي شعري او وجهي دارو ليا ليميش لشعري من لتحت عاودات قادات التقطيعة خلاتو مطلوق دارتو بوكلي من بعد نتاقلوا الماكياج كان ديال العرائس او ركزوا على العينين حيت تبرز لونهم لي غادي لزروقية ديال الصح ههه مهم جيت غزالة أمال حتى هي نفس شي...بقينا گالسين حتى وصلت 12 جات نگافة جهزاتني لبست تكشيطة فشيبي وتاتني مرسعة بأحجار او فالكمام مشبكة صراحة كتحمق أمال لبسات فحالي ههه ...
يوسف(توجهت الأوطيل صراحة هادشي زوين بزاااف لقيت الواليد او عمي جالسين تيهدرو مشيت عندهم...الواليد أش هاد الغبرة نسيتونا ههه ...عمي:لا أولدي هانتا تشوف واقفين على العرس لا خليتيهم والله أولدي مايديرو شي حاجة مگادة...الواليد:أييه عمك عندو الصح إوا سير قبل مايبداو ناس يجيو وجد راسك باش يوصل لوقت تجيب رنا فالصالون لي حداهم راه طومبيل غايزينوها دابا...أنا:(كنظاهر الفرحة)أش غانگوليكم ههه تبارك الله عليكم...طلعت الغرفة دوشت دغيا لبست الكوستيم فالگري قاديت شعري او لحيا او تفكرت الواليدة كانت ديما باغا تشوفني عريس عيط ليها...أنا:ألو الواليدة...ماما:يوسف ولدي صافي درتي لي فبالك غادي تزوج بيها او خليتي كريستينا مسكينة كتسنا إمتى ديها...أنا:الواليدة راك عارفة بززز مني شوفي متگولي والو ليها نا نشي او غادي نقاد گاع الأومور...الواليدة:تنهدات الله يعاونك أ يوسف...انا:توحشتك او قطعات طيلي...ياربي أنا اش درت فحياتي تتخربقات هاكا...شفت ساعة لقيت 12:30 خاصني نمشي نجيب رنا من صالون...هبطت لقيت كولشي واجد ناس بداو تيجيو او كيباركوا لينا أنا كتفيت نبتاسم ...توجهت الأوطو مشيت دغيا لقيت حالة نايضا تم...