عند يوسف:(اه بنت عمي او عزيزة عليا مي منقدرش نتخيل راسي مع وحدة فمتابة ختي ميمكنش او عاد انا كنبغييي بنت أخرى او الواليد عارف حشومة عليه مكنتش متوقع غايگول ليا رنا وخا دوا معايا فالموضوع شحال هادا او كان سبب رئيسي باش جيت المغرب قبل ولكن صحتو او خايف عليه معندي مندير غانقبل من بعد نشوف شي حل ...)أش غانگوليك الوليد لي بان ليك...عمي او بابا (اوا مبرروك عليكم الله يكمل بالخير دغيا عمي ناض ) رنا:(انا غير كنشوف مكنتش متوقعة هادشي يجي من عند عمي صدمني بففف او عاد تا انا منقدرش نتصور راسي بلي انا و يوسف مزوجين ..)الصمت...بابا او عمي :إوا غدا نديروا العقد او سيمانة الماجية نديرو العرس...أنا:(معذبووش راسهم يشوفوا الجواب ديالي ياربي تصبرني)ماشي بالزربة ؟؟ يوسف:(شفت رنا غير كتفكر او ساهية جاتني تاهي ماباغاش هاد الزواج امم مزيان ليا هادشي..)أه واخا إنشاء الله ...عمي :إوا يالله امرت خويا شي تزغريتة...ماما:هههه هي الولى سعدي ببنتي غاتزوج روووووي روووووي ...أنا:(غير كنصطانع ديك الضحكة) شكرا ماما المهم نخليكم خاصني نطلع نرتاح ...سلمت على عمي او يوسف ...الكل :الله يعاونك أ رنا..😊
=طلعت لبيتي بعد او أنا غانفاجر بهادشي لي طرا ليا عرفتكم غاتقولوا ياك هو زوين او ضريف او او او ...البنات انا حسيت بيه ماباغيش هاد الزواج فالاول كان باين متفاجىءاو علامات تردد كانت مرسومة الملامح ديالو فوجهو أنا مرضيتش كنحس براسي مبزة علييه او تاهو كذلك حيت مزال معشت حياتي كيف بغيت... معرفتش شنو ندير..)
#يتبع
VOUS LISEZ
مسرحيتنا أصبحت حقيقة
Romanceقصة رمانسية تجمع الحب العذاب التشويق الإثارة ...تبعو معاياثاني قصة من الكتابة ديالي ...مزال كنكتب فيها نتمنى تعجبكم الكاتبة:إيمان بنرامو😍
