مسرحيتنا أصبحت حقيقة

بارت 5

بففف خرجت او أنا بالي مشغول مع الشروط ديال هاد خاينة لي معرت شنو يصحاب ليه راسو حيت كن ماكنت ضروفي هاكا كن ميحلمش نبقا تا دقيقة حداه ياربي بغيت ليه شي ...اوف أستغفر الله العضيم ...مشيت خرجت من الشركة او انا فحال الهبيلة كنهدر الراسي مشيت بالزربة الدار بعدما مشيت عند صاحبتي امال دايراها فحال ختي من أيام الدراسة او حنا مع بعضنا عاودت ليها كلشي لي طرا هاد الصباح او هي كتبغي ياسين مول الطاكسي لا عقلتو عليه ههه اوتاهو لكن وليديهم ماموفقينش حيت أمال الطبقة الاجتماعية ديالها شوية زايدة على ياسين لكن الحب قواا من كلشي او حالفين تايهربو لا مبغاوش يزوجوهم الله يفتح عليهم ياربي...قلت لها بلي غايجي ولد عمي من برا (لندن) او شحال مشفتو معرفت شنو لبس قالت ليا :رنا عندي ليك كسيوة فالكحل مشبكة او فيها العقيق غاتباني عادية  غاتجي كتحمقي او شعرك ديري ليه كعكة بلا مديري الحجاب أصلا نتي مزال ممقتانعة بيه  غاتجي كيوت بزاف او ديري أيلاينر او گلوس خفيف باركه او صبيبط حمر طالع شوية أنا يالله خديتو نعطيه ليك ...أنا واخااااا شكراااا ليك بزاااااف أحبيبة لاهلا يخطيك عليا هبطات ليا الشغل لبساتني او قاداتني او مشيت بزربة صارحة جيت كنحمق او معا عيني زرقين جيت غزيولة  وصلت كنشم ريحت طياب ماما واصلا تال الشارع حنى واخا ديك الضروف كنا فحي شبه راقي ...دخلت ناري نسيت خواتاتي يالله بغيت نمشي كنسمع ماما كتعيط او صوت الضحك مجهد دقيت حلات ليا صفاء ختي الصغيرة قلتلها شكون جابكم قالت ليا تعطلتي او ولد عمي جابنا ...ناري ناري كاين شنو ندير دابا معرفت شنو ندير يالله بغيت ندخل كنسمع ماما قالت ليا الله يابنتي فين كنتي تال دابا تخلعنا عليك المهم دخلي شوفي شكون جااا يااللللله دخلت هزيت راسي او كانتتتت صدمت عمري ناري ناري والله تا هو لا ميمكنش وليت كنحلم ...بابا:رنا تي مالك أبنتي تصدمتي هادا غير يوسف جا يشوفنا واش منوياش تسلمي ...أنا:واخا أبابا...سلاممم(كنتلعثم) يوسف لاباس عليك؟...يوسف:(بغا ياكلها بعينيه)لاباس ههه واكبرتي العفريتة او زيانيتي واش نتي نيت بنت عمي هههه...أنا:(معرفت واش نعايرو او لا نقمعو او لا معرفت ههه خفت على خدمتي)شكرا ليك اسيدي تانتا كبرتي او زيانيتي تبارك الله او ليتي حلوف بغيت نقول راجل...ههه ماما او بابا هههه مالك على هاد سيدي ههه ...انا:لا أماما راه يوسف هو...يوسف:ههه غير تالفت ليها ههه اخالتي..😜...المهم بقيت گالسة مرا مرا كنخطف فيه شوفات كان تيلعب مع خواتاتي او بسيف مايكون غزال راه ماماه نسرانية او باه مغريبي ياعني كيفتن انا هبلت ملي شفتوتصدمت حيت تبدل زيااان بزاااف فالشركة مديتهاش فيه مزيان عرفتو ريحت الرجولة كتفوح منو مكنتش متوقعاه يولي هاكا كان تيبان صغر مني ملي كنا صغار كنت حاااگرة عليه لكن هو مكنش تيتقلق مني حتى ملي كان بغا يمشي مشا شرا ليا بواطة فيها بزااف ديال اللعاب او وحد السنسلة فيها RY كاليا خديت زوج بحال بحال أنا بقيت نبكي حيت مشريتش ليه باش يتفكرني او من تم مبقا جا لهنا تي جي غير عمي  ههه مفهمتهاش لحد الأن او ملي بغا يمشي عنقني على جهدي كان صحيح من صغرو كان فحال خويا او باقي لكن شي حاجة فيا دابا ماشي تال الهيه...معرفتش كيفاش نفسرها او هو براسو مفهمت منو تا لعبة...واخا
#يتبع😊