معاناتي مع الجن

7.:: بداية جديدة ::.7

اخيرا بنترك الشقة لان ابوي حصل بيت تركوه اهله وان احين بنطلع نشوفه.

اعرفكم بنفسي انا يوري عايش مع امي الامريكية وابوي البحريني واختي ياوي في شقة من 18 سنة يعني اول ماولدوني سكنوا في هذي الشقة الصغيره المكونه من غرفتين وحده ياوي ولاختي والثانية لاني وابوي.

قمت ورحت الحمام وغسلت وجهي واسناني ونزلت الصالة فطرت مع اهلي ورحنه السيارة واهلي كلهم طايرين من الوناسه.

قطعنا مسافة طويلة عشان نوصل لبيتنه الجديد ونشوفه ونقرر اذا نشتريه او لا اول ماشفت البيت مارتحت له كان شكله وكانه مهجور من سنين لان الصبغ كان مخرب وزجاج بعض النوافذ مكسر بس كان كبير وواسع وفيه 4 غرف.

دخلنا البيت وقعدنا نتفقده كل مكان فيه ودخلنا المطبخ وامي فرحت وايد عليه وبعدها رحنا غرف النوم واختي اختارت اول غرفة وانا الغرفة الي قبالها وامي وابوي اخر واكبر غرفة وبقت غرفة قلنا ان بنخليها للخادمة الي عندنا بس اول مافتحنا الباب ودخلنا كانت الغرفة باردة بشكل مب طبيعي وطلعنا من البيت.

ركبنا السيارة وقالنا ابوي ان بيشتري البيت لان رخيص بس بنسكن فيه عقب مايعدله ويصبغه وبايخذ الموضوع شهر تقريبا.

مرت الايام بسرعة وكلنا بانتظار شكل بيتنه اليديد لين ما وصل اليوم الي بننقل فيه اغراضنا كلها من شقتنا الى البيت.

كانت اغراضنا جاهزه بس كنا ننتظر سيارة النقل عشان تشيل اغراضنا وتوصلهم وكانت الساعة 6 المغرب وعقب عشر دقايق طق العامل جرس الباب وفتح له ابوي وبداوا العمال ينقلون الاغراض من الشقة الى الشاحنة واحنه ننتظر في السيارة لين ماخلصوا وبدينا في طريق حياتنا الجديده.

وصلنا البيت الساعة تسع وربع الصبح وانصدمنا من شكل البيت شلون صار وكانه قصر بداوا العمال ينزلون الاغراض من الشاحنة واحنا دخلنا البيت وقعدنا في الصالة ننتظر العمال يخلصون من شغلهم.

خلصوا العمال وبدا كل شخص فينا يرتب اغراضه في غرفته وعقب ماخلصنا بدينه ننظف البيت لين الساعة 1 والظهر عقب طلعنا نتغدى ف مطعم ورجعنا البيت كل واحد راح غرفته يريح فيها لين المغرب.

المغرب طلعت اتمشى مع اختي اجوف الفريج الي انتقلت له والناس الي اختيوشفنا جيرانا يلعبون برع فرحنا لهم:
- السلام.

-عليكم السلام.

-انا اسمي يوري وهذي اختي ياوي وانتقلنا اليوم حق ذي البيت.

-انا عبدالعزيز وهذي اختي التوام زهور.

-ممكن نلعب معاكم لان تونا منقلين ومانعرف احد في المكان.

-احين بندخل البيت لان الوقت تاخر وباجر مدرسة عندنا. وانتوا ماعندكم مدرسة؟

-بلا عندنا بس من عقب باجر اول يوم بنداوم.

-بس تعالي البيت باجر العصر وبعرفك على اصدقائي كلهم. وانتي تعالي حق اختي وقعدي معاها.

-اوكي نتلاقى باجر. مع السلامة.

رجعنا البيت ودخلت غرفتي وشغلت السوني وقعدت العب لين ماجات اختي وعندها فيلم رعب وقعدنا نطالعه انا واهي وكانت الساعه 12 بالليل.