طاحت حور على الأرض وجمدت مكانها من هول الصدمة وعقب كم دقيقة قامت حور ودخلت غرفتها واخذت اغراضها وطلعت من البيت حتى بدون ماتقفل الباب.
ركبت حور السيارة وحطت يدها داخل شنطتها عشان تطلع المفتاح بس ماحصلته فرجعت لداخل البيت رايحة غرفتها تاخذ المفتاح.
دخلت حور الغرفة وقعدت تدور على مفتاح السيارة فوق الطاولة وتحت المخدة بس ماحصلته فنزلت تحت السرير تدوره وفجأة انصك الباب بقوة قامت حور ولفت على الباب وشافت بنت واقفة وفي يدها المفتاح جمدت حور في مكانها واهي تناظر البنت.
البنت: انا اسمي ليال وبليز سمعي وركزي في كل كلمة اقولها.
هزت حور راسها بمعنى اوكي.
ليال: يوري وياوي وعزوز وزهور انتي املهم الوحيد ان يطلعون من المكان الي اهم فيه لان العجوز ساجنتهم لين تقرر شنو يكون مصيرهم.
حور: ي. ي. يعني هم احياء مب ميتين؟
ليال: اي احياء بس بقولج شيء احين انا وحده من الجن والعجوز بعد من الجن ومن اقوى انواع الجن واهي تقتل كل شخص يعيش في البيت الي جنب بيتك.
حور: بس انا ماسكنت في البيت فليش جاتني اليوم؟
ليال: مب العجوز الي جاتج وعملت كل الي صار اليوم هذي واحد من اتباعها المخلصين واهو يحاول يبعد أي شخص يبحث عن اي شيء في الي صار في هالبيت.
حور: اهاا وشنو كنتي تقصدين بأن انا اخر امل لهم؟ وليش انتي تساعدينهم اصلا؟
ليال: العجوز حبستهم في مكان بعيد في الصحراء ماقدر اقولك اكثر من كذا وانا اساعدهم لان مالهم ذنب بأي شيء ولا الي قبلهم حتى. وانا مليت من ان اتبع العجوز.
حور: ليش ما تقولين لي مكانهم بالضبط وننهي القصة؟
ليال: لازم تتعلمين كيف تقدرين تواجهين العجوز واتباعها واذا تعرفين أي احد ممكن يساعدك كلميه يكون احسن.
حور: اوكي. بس شلون باقدر احمي نفسي منها احين ومن اتباعها؟
ليال: انا بكون معاك طول الوقت فلا تخافين من شيء.
حور: اوكي بس باروح اخذ شنطتي من السيارة وبرجع.
نزلت حور ولحقتها ليال وراحوا للسيارة ورجعوا فوق الغرفة مرة ثانية وطلعت حور جوالها من الشنطة واتصلت على محمد وقالت له كل شيء وقالها ساعتين وبيكون عندها.
أنت تقرأ
معاناتي مع الجن
Horrorالقصة رعب وعن الجن فالي يخاف لا يقرا وفيها أحداث حقيقة والكثير من الأحداث الخيالية وللمعلومة عانيت الكثير لكتابتها والاماكن الموجودة في القصة حقيقية وليست من خيالي وكلهم أماكن مسكونه بالجن حسبما سمعت جميعها قمت بزيارتها مع اصدقائي عمر وعبدالرحمن وبد...
