حور بنيت متخرجه من الجامعه بتفوق وماخذه شهادة البكلريوس ودورت شغل لها بس ماحصلت فدبت شغلها الخاص واهو كتابة روايات جرائم حقيقية.
بعض الجرائم الي تكتب عنها تكون جرائم قتل وبعضها عن انتحار وكتبت روايات وايد بس ماشتهرت الا يوم كتبت رواية (الشجرة السوداء). وهذي الرواية حصلت ربح غير طبيعي منها وصاروا الناس ينطرون روايتها الي بتنزل عشان يشترونها وبالنسبة حق الروايات الي قبل ماحصلت ربح ومافي احد يدري عنها حتى.
رواية الشجرة السوداء تتكلم عن ولد ذبح اهلة وحرق البيت وشنق روحه على شجرة موجوده في حديقة البيت واحترقت الشجرة مع جثته بس رجال الاطفاء قدروا يلحقون على الشجرة بس صارت سوده لان احترقت فقامت حور وخلتها عنوان حق روايتها.
مع مرور الايام انتشر خبر في الجرايد والتلفزيون عن مقتل ام واب وضابط شرطة مع اثنين شرطة في بيت واحد واختفاء بنت وولد الام والاب وعيال الجيران ولين اليوم محد عارف وين اهم.
قعدت حور تدور عن معلومات عن هذي الجريمة واكتشفت ان في جريمة قبلها صارت في نفس البيت وكانت الجريمة ان اربعة اشخاص قتلهم شخص وهذي الشخص انتحر في قبو البيت وبعد فترة لقوا الشرطة ام وابو الشخص ميتين في بيت ثاني في مدينة ثانية واتضح ان هذي الشخص قتل اخته والثلاثة الباقيين اهم ربعه المقربين.
قررت حور تنتقل حق بيت قريب من البيت الي صارت فيه الجريمة لمدة عشان كتابة الرواية ودورت بيت قريب وشافت ان الجار الي اختفوا عياله عارض بيته للبيع فتواصلت معاه وقالها ان فقد الامل في ان عياله يرجعون فمضى شهرين على اختفائهم فاكيد خطفهم شخص وذبحهم فقررت انتقل من هني عشان ابتدي بداية جديدة وانسى الي صار ولازم ابتعد عن هذي المدينة.
اتفقت حور مع محمد الي يبي يبيع البيت وكان سعره رخيص وان بسلمها البيت بعد اسبوع.
بدات حور في نفس اليوم الي كلمت محمد عشان تشتري البيت تجهز اغراضها كامله الي بتحتاجها حق البيت وبدات تسال سكان المنطقة الي بتروح لها والشرطة عن كل شيء يتعلق بالي ماتوا والي اختفوا وقعدت تدور في الانترنت على امل تحصل معلومات كافية.
بعد اسبوع.
قعدت حور الصبح ودخلت الحمام تسبحت وطلعت راحت المطبخ تسوي لها اكل عشان تفطر مع ان هذي مب من عادتها انها تفطر بس لان وراها طريق طويل لين البيت الجديد وشغل ترتيب الاغراض فتحتاج حق الطاقة.
خلصت حور اكلها ودقت على محمد وخبرها ان البيت جاهز وتقدر تستلمه في اي وقت تبيه فقالت له ان احين اهي بتطلع من البيت بتروح المكتبة تشتري كم شيء وبتكمل دربها لين البيت فقالها اوك وسكر.
قامت حور حطت اغراضها في السيارة وشغلت السيارة وراحت المكتبة وشرت اقلام ودفاتر وانطلقت لين بيتها الجديد وما كانت عارفه شنو الي ينتظرها.
وصلت حور للبيت الجديد ودقت جرس الباب وفتح لها محمد وسلم عليها وعطاها مفاتيح البيت وعطاها عنوانه الجديد وقالها ان ماتتردد في الاتصال حق اي شيء تحتاجه او تبي تعرفه ومشى.
بدت حور تنقل اغراضها من السيارة لين البيت وعقب قعدت تتجول في البيت وتجوف الغرف عشان تختار لها غرفة تقعد فيها واختارت تقعد في غرفة نافذتها تطل على البيت الي صارت فيه الجريمة.
نزلت حور تحت وشالت اغراضها لين الغرفة وحطت كل شيء في مكانه وراحت سحبت طاولة من غرفة ثانية لين غرفتها وقعدت تتامل البيت من النافذه واهي قاعده على كرسي الطاولة لين مانصكت عينها ونامت.
فجاة صحت حور من النوم بسبب انكسار الكرسي وسقوطها على الارض وعقب ما وقفت سمعت خطوات سريعه على الدرج وكان احد يركض وكانت الكهرباء مطفية في البيت فطلعت تلفونها وقفلت على روحها الغرفة واتصلت على الشرطة.
حور بخوف: في احد اقتحم بيتي، في احد اقتحم بيتي طرشوا لي احد ساعدوني.
الشرطة: هدي اعصابج وسمعيني عدل. وين البيت بالضبط؟
حور: بيتي اهو البيت الي اختفوا فيه شخصين زهور وعبدالعزيز.
الشرطة: بتكون عندج الدورية خلال دقائق، واحين سوي الي اقوله لج.
حور: بليز سرعوا.
الشرطة: انتي في وين في البيت؟
حور: انا مقفله على روحي في اخر غرفة في الممر.
الشرطة: في مكان تختبئين فيه لين توصلج الدورية.
حور: مافي الا تحت السرير....................انقطع الخط.......
الشرطة: يا انسة، يا انسة.
أنت تقرأ
معاناتي مع الجن
Terrorالقصة رعب وعن الجن فالي يخاف لا يقرا وفيها أحداث حقيقة والكثير من الأحداث الخيالية وللمعلومة عانيت الكثير لكتابتها والاماكن الموجودة في القصة حقيقية وليست من خيالي وكلهم أماكن مسكونه بالجن حسبما سمعت جميعها قمت بزيارتها مع اصدقائي عمر وعبدالرحمن وبد...
