وصل محمد لين البيت واتصل على حور يقولها انه موجود عند باب البيت فقالت له انه يدخل الباب مفتوح وهذي بيته قبل مايكون بيتها.
دخل محمد وقعد في الصالة ينتظر حور تنزل وعقب خمس دقائق نزلت حور ومعاها ليال وراحوا اجلسوا في الكرسي الي جنب محمد وعرفته حور على ليال وقالت لها كل شيء قالته ليال.
بعد ماخلصوا حوارهم عن الموضوع افتحت ليال موضوع ان كيف يقدرون يواجهون العجوز وبدأت تطلب منهم اشياء غريبة وعقبها بدت تعلمهم السحر وان كيف يقدرون يحضرون حارس شخصي لهم من الجن بل من اقوى انواع الجن وهم العفاريت عشان يقدرون يتصدون للعجوز ويذبحونها وينهون اللعنة الي موجودة في البيت.
قام محمد وراح يشتري الأغراض الي طلبتهم ليال أما حور فراحت ترسم النجمة والي بيحظرون فيها الجن ومن بعدها طلبت من ليال ان تنتظر في البيت وان اهي بتروح لمتجر بتشتري اغراض وبتجي بعد نصف ساعة.
ومع مرور الوقت...
وصل محمد البيت ودخل مع الاغراض وعقب ربع ساعة وصلت حور ومعاها ماء واكل وشموع وقعدوا فبالة النجمة وبدأوا يعملون الطقوس الي خبرتهم عنها ليال.
بدت الكهرباء في البيت تتقطع الى ان انطفت ومابقى إلا نور الشموع بس هذي الشيء ماوقفهم أبد قعدوا يواصلون لين ماخلصوا.
وفجأة انطفوا الشموع وبدت تنتشر اصوات مخيفة في البيت وفطلعوا جوالاتهم وشغلوا الكشاف وبداوا يتلفتون يمين ويسار وجميع الاتجاها لين شافوهم.
كانوا شخصين او بالأحرى جن متشكل وكان منظرهم يقشعر له الابدان لانهم ضخام الجثة شعرهم اسود طويل وعيونهم لونهم احمر يلمعون ولابسين ثياب سوداء وقبعة سحرة سوداء وواقفين يطالعون حور ومحمد.
أنت تقرأ
معاناتي مع الجن
Horrorالقصة رعب وعن الجن فالي يخاف لا يقرا وفيها أحداث حقيقة والكثير من الأحداث الخيالية وللمعلومة عانيت الكثير لكتابتها والاماكن الموجودة في القصة حقيقية وليست من خيالي وكلهم أماكن مسكونه بالجن حسبما سمعت جميعها قمت بزيارتها مع اصدقائي عمر وعبدالرحمن وبد...
