طلعنا من بيت عزوز انا وزهور وعزوز نتمشى رايحين المطعم وبدا عزوز يقول لي قصة الي كانوا ساكنين في البيت قبل ماننتقل.
عزوز: كانت في عائلة ساكنه في البيت بس كان الاب والام مسافرين ومخلين عيالهم في البيت وعقب فتره حصلوا جثة الولد مع اخته وثلاث جثث زياده بس كانت جثة اخت الولد مقطعه يدينها مفصولين عن جسمها ورجولها مفصولين عن جسمها وكانوا كل الجثث موجودين في القبو وكان الولد شانق روحه في القبو وحاضن راس اخته ولقوا اوراق مكتوب فيها مذكراته كان الولد كاتبها يقول الي صار معاه ويقول ان الجن قتلوا كل اسرته وربعه.
يوري: من صجك او تستهبل انت؟
عزوز: والله هذي الي سمعته.
يوري: لازم ارجع البيت احذر اهلي من المصيبه الي احنا فيها.
عزوز: ليش شصاير عندك في البيت؟
يوري: اختي شافت حرمه في غرفتها مع رجل وانا شفت الرجل الي شافته اختي في المطبخ يقولي طلعوا من البيت لا يكون مصيركم نفس الي قبلكم وشفته بعد واقف جنب في غرفتك وشفت الحرمه في بيتكم وفكرت انها امك بس زهور قالت لي ان امك متوفية من سنتين.
عزوز: لا تقعد تخوفني بتخيلاتك.
زهور: عشان جذي مارضيت تدخل الغرفة وقت مادفيتك.
يوري: اي هذي هو السبب واقسم بالله اني ماقاعد اكذب عليكم واستاذنكم بروح اقول لاهلي السالفة لازم نطلع من البيت.
زهور: شرايك عزوز نرجع معاه؟
عزوز: يلا قمنا.
قمت اركض رايح لبيتنه وشفت الرجل الضخم يدخل من باب البيت ركضت اسرع ماعندي ودخلت ووراي عزوز وزهور واول مافتحت باب غرفة ياوي.
انصدمنا كلنا من الي شفناه ياوي كانت نايمه وتطير فوق السرير والغرفة كانت مره بارده.
طلعت من غرفة ياوي اركض حق غرفة امي وابي وفتحت الباب وشفت ابوي واقف يناظر امي واهي نايمه قمت اقولي الي صاير ف ياوي بس قالي جمله صدمتني (عادي الي فيها طبيعي) رحت ابي اصحي امي بس مسكني ودفني وطحت على الارض قعدت اصارخ انادي امي لين صحت وقلت لها عن ياوي وانصدمت لان قالت لي نفس الجمله الي قالها ابوي.
طلعت من الغرفة اركض لين غرفة ياوي ودخلت بس ماحصلت احد فيها كلهم اختفوا قمت ادورهم في كل البيت ورحت للقبو حصلته مقفل واسمع اصوات ناس يتكلمون.
رجعت غرفة امي وابوي بس ماحصلت احد فيها وقلت في داخلي (معقوله تاخرت واخذوهم الجن...لا لا انا ما تاخرت ماتاخرت) وصرخت باعلى صوت: مااا تااخخررتت. وسمعت صوت ياوي وراي
تقولي: يوري شفيك شصاير قعدتني من النوم.
يوري والدمعه في وسط عينه: ياوي انتي بخير فيج شيء وين امي وابوي وعزوز ووزهور
ياوي بابتسامة خبث:انا مب ياوي انا جودس.
وصرخت صرخه قويه واغمى علي.
صحيت ولقيت روحي في مكان مثل الحظيره وكانت تحترق وفيها بنت وصبي وعجوز تطير.
قمت اركض ابي اطلع من المكان قبل ماحترق فيه فجاة شفت البنت تتثبت على الارض والصبي يندف لين برع الحظيره ويطيح مغمى عليه اما البنت بدات تطير لين برع الحظيره ووقفت النار ورجعت الحظيره لحالتها الطبيعية.
أنت تقرأ
معاناتي مع الجن
Horrorالقصة رعب وعن الجن فالي يخاف لا يقرا وفيها أحداث حقيقة والكثير من الأحداث الخيالية وللمعلومة عانيت الكثير لكتابتها والاماكن الموجودة في القصة حقيقية وليست من خيالي وكلهم أماكن مسكونه بالجن حسبما سمعت جميعها قمت بزيارتها مع اصدقائي عمر وعبدالرحمن وبد...
