معاناتي مع الجن

2.:: الصدمة ::.2

واحنه في طريق العوده للمدينة سالت جنان عن مكان سكنها فقالت ان تسكن في مدينة الحد فقالها بدر احنه بعد نسكن في الحد.
عم الهدوء السيارة بس سمعت صوت جنان كانت تتمتم بكلام غير مفهوم فنظرت من المنظره عليها بس ماكانت موجوده على طول لفيت عليها وقعدت اناظرها بخوف ورجعت اطالع المنظره بس ماشفتها من المنظره فعرفت ان اهي مب من البشر وان ابتلينا مع الجن فزدت السرعه لين ماوصلت الحد.

سالتها عن مكان سكنها ووديتها البيت كان بيت يبين عليه مهجور من سنين حتى صبغ البيت ماكملوه واول مانزلت جات صوبي ودقت على الباب ففتحت نافذة السيارة وقالت لي (ان شاء الله بنجوفكم قريب)وباقي الكلام بلغة غير مفهومه ومشت.

جمدت مكاني مب قادر اتكلم او اتحرك من الخوف فسالني بدر شصاير شفيك وقعد يهزني لين ما وعيت لنفسي وسالت عمر حكم اهو الي قاعد جنبها في السيارة عن شنو كانت تقول فقالي انها كانت تقول كلام غير مفهوم بس الي فهمه انها قالت اسمائنا احنه الاربعه فقلت لهم انها ماكانت تبين في المنظره فاكيد انها من الجن وماهي بشر متاكد انا وفجاة.

رمى شخص حجر على باب السيارة فنزلت اشوف من الي رماه وشفتها كانت واقفه جنان واقفه وقاعده تصرخ وتقول حفرتوا قبركم بنفسكم فركبت السيارة وهربنا من المكان.

ورحنه مجلس اهلي وقعدنه نفكر بحل للمشكلة الي ابتلينا فيها  رن جوال عمر وكانت اخته متصله تقوله يرجع البيت تاخر الوقت فاستاذن منه وطلع وعقب فتره تذكرت ان اهله مسافرين فاتصلت فيه بسرعه قبل ما يوصل البيت بس فات الاوان ردت علي امراة وكانت جنان وتقولي عمر راح ومابتشوفونه مره ثانية وانقطع الخط رديت اتصلت بس كان الجوال مغلق فقلت لهم لازم نروح بيت عمر عشان ننقذه.

وبسرعه طلعنه من البيت ورحنه لبيت عمر على طول رحت للباب ابي افتحه وندخل بس كان مقفل ومانقدر نكسره لان من حديد فرحنه ونطينه السور والبيت كان ظلمه ولا ليت شغال طلعنه جوالاتنه وبدينه نمشي واحنه خايفين الا وفجأة سمعنه صوت كلب وجهنا الجوال على مكان الصوت وشفناه الكلب الي ذبحناه انا وبدر بس كيف طلع حي على طول ركضنا للسور وطلعنا من البيت.

رن جوال بدر وكان رقم غريب اول مارد تغيرت ملامح وجهه وتركنا ومشى بدون ما يقولنا اي شيء فلحقناه بدون مايدري كان رايح لبيت عمر وصلنا البيت وشفناه ينط السور فاتصلت له انا لكن مارد علي فاتصلت اكثر من مره ورد علي صوت جنان وتقول لي بدر راح ومابتشوفونه وانقطع الخط تغيرت ملامح وجهي وسالني عبدالرحمن عن الي صاير فقلت له ان بدر راح وعمر راح مابقى غيري انا وانت فلازم مانفترق.

فعلا قعدنه مع بعض ومافترقنا وقلت لعبدالرحمن اتصل لاهلك قول لهم انك بتنام عندي اليوم واتصل وقالهم ووافقوا رجعنه البيت وقعدنه نفكر بالحل ومع التفكير دخلنه في النوم.

وقعدنه الساعة الواحده ظهرا ورحنه اشترينا اكل لان ميتين جوع وجلسنا نفكر لين جات رساله من رقم مجهول على جوالي مكتوب فيها "اذا تبون عمر وبدر لازم تجون الكوخ الي في نص المقبرة الساعة الثانية ونصف بعد منتصف الليل واذا تبون الشخص الثالث.......". تغيرت ملامح وجهي الشخص الثالث وسكت وماكملت الرساله فعرف ان في شيء صاير.

انتظرنا انا وعبدالرحمن لين الوقت المطلوب وقمت انا ورحت الحمام واول ماطلعت من الحمام شفت عبدالرحمن ماسك جوالي يقرا الرسالة وقام يصرخ علي من الشخص الثالث وشنو الي صاير انا ظليت ساكت ماقدرت ارد عليه وبدت دموعي تنزل وعبدالرحمن ماوقف صراخ وقعد يضربني واهو يقول انت شسويت تكلم قول.

وبديت اقوله قصتي بعد ماهدت اعصابي واعصابه.

____________________________________________________________________

انتهى البارت الثاني من القصة

واتمنى يكون عجبكم

انتظر رايكم

❤