معاناتي مع الجن

13.::ابقي بعيداً::.13

بند جوال حور لان خلص الجارج الي فيه وحاولت تشغله اكثر من مرة بس بدون فائدة فقامت واختبأت تحت السرير وتنتظر الشرطة يوصلون.

عقب دقائق معدودة حست حور ان تحت السرير مكان ملحوظ واي احد ممكن يفكر فيه وخصوصا انها نست تقفل باب الغرفة فقامت وبسرعة وطلعت برع البيت من النافذة.

بدت حور تمشي على حواف البيت من النافذة لين زلقت رجولها وكانت بتطيح فمسكت الحافة بسرعة كبيرة وقامت تحاول تركب مرة ثانية بس مب قادرة

وفجأة واهي متعلقة بكل قوتها مسك شخص يدها فرفعت راسها تشوف من الا كان شرطي وسحبها من تحت السرير وجلسها على السرير.

لكن الي صدم حور ان الكهرباء شغاله طبيعي والكرسي الي كانت عليه مب مكسور والي صدمها اكثر ان الشرطي يقول ان الباب الخارجي كان مقفل ومافي اي آثار تدل على ان احد حاول يكسر القفل او يكسر الباب والشرطي الثاني يقول ان كل شيء في البيت سليم ومافي اي محاولة دخول او اقتحام للبيت.

قعدت حور تسمعهم ومليون الاسئلة ندور في راسها معقولة كل الي صار لي وهم؟ معقولة كل الي صار لي حلم؟ معقولة كل شيء من خيالي؟

مشت الشرطة من البيت .

نزلت حور لين المطبخ وشربت ماء وقعدت قبال التلفزون وتفكر وفجأة سمعت صوت ضربات على باب في الطابق الأول فبسرعة خذت سكين من المطبخ وصعدت فوق ولحقت مكان الصوت لين ثاني غرفة على اليسار وفتحت الباب بشكل بطئ واهي ميته خوف وفجأة طاحت السكين من يد حور من هول المنظر الي جدامها ففي كل جدران الغرفة مكتوب "ابقي بعيداً".