معاناتي مع الجن

5.:: المعاناة الحقيقة ::.5

اول ما طلعنا قعدنا ندوره بس ماحصلناه فرجعنا البيت وقعدنا في الصاله نفكر في بدر وشنو صاير معه وفجاة دخل بدر علينا وقعد على الكرسي فرحت سالته وين كان وبشنو حلم وبدا يقول ان كان حلم عادي ومافيه شيء وان طلع راح البيت ورجع.

قام بدر ومسك جواله وراح الطابق الثاني ودخل الغرفة بس انا وجنان لاحظنا ان كان يتهرب من الموضوع بالاصح من الجواب قعدنا نسأل بعض انا وجنان ان يمكن تلبسه احد من الجن او ان قالوا له في حلمه ان لازم يسوي شيء ومايقدر يقول لاحد.

وقعدنا نطالع فيلم كوميدي في التلفزيون وسمعت صوت احد خلفي قمت ناظرت مكان الصوت بس ماكان في احد رجعت اشوف الفيلم ورجع الصوت وكل شوي يقرب اكثر لين صار عند اذني اليمين بس كان كلام غير مفهوم وقال صاحب الصوت جمله خلتني افز من مكاني واهي: اشتقت لي انا جنان. قمت قعدت اناظر اختي واهي تقولي شفيك شصاير؟

رديت: اااا ولا شيء ولا شيء.

رجعت قعدت مكاني وانا ميت من الخوف واطالع الفيلم بس الصوت رجع مرة ثانية ويقولي:انت بتموت وكل شخص حواليك بموت.

جمدت في مكاني مب قادر حتى اتكلم واقول لاختي الي سمعته وانا كلي خوف من الي اسمعه وعليها اهي اخر اهل عندي ماقدر اعيش بدونها مابقى لي اهل غيرها مب عارف شنو اسوي من الخوف الي فيني وفجأة سمعنا صراخ من الغرفة الي فيها بدر.

رحنا للغرفة الي فيها بدر بس كان الباب مقفل وبدر يصرخ: لا لا هدوني. قمت اضرب الباب بقوه احاول اكسره وفجاة سمعت بدر يصرخ: آخ آخ. وانقطع الصراخ.

فرحت اخذت مطرقة كسرت الباب ودخلنا انا وجنان وشفنا بدر وكانت يده مقطوعه وحتى رجله وراسه والدم مغطي كل مكان في الغرفة انصدمنا من النظر وقمنا جمعنا اجزاء جسمه ووضعناهم في كيس ونظفنا الغرفة وحملنا جسمه ونزلنا للقبو ودفناه ولا كان شيء صار وكانت جنان تصيح لان الشيء مانتهى.

وبعد مرور كم يوم سمعنا احد يطق جرس الباب فرحت فتحت الباب وحصلت ضابط سلم علي ورواني مذكرة تفتيش للبيت ودخل فسالته عن الي الموضوع وقالي ان واحد من ربعي مفقود ويبون يفتشون البيت اهو والافراد الي معاه.

فتش غرفه غرفه لكن مالقى اي شيء فبدا يسالنا كم شيء ومشى.

اول ما طلع الضابط والشرطة الي معاه بدات جنان تصيح بسبب المشكله الي احنا فيها ورحت ضميتها وقعدت اهدي اعصابها لين نامت على الكرسي.

جلست افكر بشنو لازم اسوي عشان ترد حياتنا طبيعيه مثل ما كانت فجاة قطع حبل تفكيري صوت جوالي وكان عمر متصل رديت عليه لكنه ماتكلم قعدت اقول الووو الووو عمر رد شفيك لكنه ماتكلم وفجاة سمعت صوت صراخ خفيف وبعدها صوت يخوف مره يقولي:باقي ثلاثة باقي ثلاثة وبعدها سمعت صرخه كانت كافية ان تطيحني على الارض مغمى علي.

فتحت عيني ولقيت جنان قاعده ضامتني وتصيح وتسالني عن شنو الي صار ومن كان متصل قلت لها مادري من المتصل بس يقولي كلام غير مفهوم وباقي ثلاثة باقي ثلاثة وعقبها مادري شنو الي صار وقبلها كان في صوت يهمس لي يقول ان انا بموت وكل شخص حولي بموت.

قعدنا نفكر انا وجنان عن المشكله الي طحنا فيها وفجاة رن جرس الباب وكان الوقت متاخر (منتصف الليل) رحت فتحت الباب وشفت رجل طويل وشعره اسود طويل وله لحيه سوده طويله ويلبس ملابس لونها اسود ومعاه حرمه مغطيه وجها ولابسه ملابس سوده كان شكل الرجل يخوف.

بديت بالسلام عليه وقلت له كيف ممكن اساعدك؟

الغريب: هذا بيتك صح؟ وعايش مع اختك فيه؟

تعجبت من عدم رده على السلام ورديت عليه:
اي هذا بيتي انا واختي. ليش تسأل؟ومن انت؟

الغريب: مب مهم من انا المهم انك تعطينا اختك وماتتصل في الشرطة.

قلت له: شنو روح روح جاي لي وتقولي اعطيك اختي.

قمت بسكر الباب لكنه حط يده ومسك الباب عشان ماسكره وقام دفني بقوه وطيحني على الارض ودخل مع حرمته وجات حرمته ووقفت قدامي وقالت: اشتقت لي خليل. وقعدت تضحك ضحك غير طبيعي وكان الرجل قاعد يبحث عن جنان في البيت.

حاولت اقوم من على الارض بس قامت الحرمة وثبتتني برجلها على الارض حاولت ابعد رجلها لكن ماكو فايده فجاة دخل كلب اسود البيت ووقف جنب الحرمة وقعد يناظرني وفجأة دخل عمر ومعاه عبدالرحمن ووقفوا جنب الحرمة والكلب وقالوا انت حفرت قبرك وقبر من حولك والحين جاء يومك.

قعدت اكلمهم لكن ماكوا فايدة ولا كانهم يسمعوني وفجاة قام الكلب ونط على عمر وذبحه وبعدها عبدالرحمن وذبحه وانا مب قادر اتحرك من رجلها وقاعد اصيح من الخوف وادعي ربي ان ما يحصل شيء لجنان مابقدر اعيش بدونها.

فجاة سمعت صوت جنان تصرخ وعقبها بكم ثانية جاء الغريب وكان حاملها بيد وحده ورماها جنبي واهي تصيح تضرب روحها وتصرخ والغريب يكلم مع الحرمه بلغة غير مفهومه وفجاة اختفوا الكلب والغريب والحرمة وهنا كانت المصيبه جنان قامت تطير وفجاة انفصلت يدها عن جسمها وبعدها رجلها واخر شيء راسها الي طاح جنب راسي.