بعد مارجع بدر البيت دخل الحمام وخذله شور وراح انبطح على السرير وغط في النوم.
وفتح بدر عينه ولقى نفسه راقد على الارض في غرفه حالتها يرثى لها وبدا الخوف يتملكه وقام وراح للباب لكن كان مقفول قعد يضرب الباب لعل احد يسمع ويساعده.
قعد بدر يضرب الباب لكن ماكوا فايده فبدا يضربه بقوه الين مانكسر وطلع من الغرفة ولقى نفسه في مكان مهجور ومكسر وفي وسط غابة.
سقط على ركبته وقعد يصارخ لااااااا وفجاة سمع كلب ينبح التفت بدر على مكان الصوت ولقى كلب اسود يركض باتجاهه وكان شكله يخرع وكان كبير وسريع مره وصل الكلب عند بدر ونط عليه وعض يده.
في هالحظه صحى بدر من النوم وكان جسمه مليان عرق وقاعد يرجف من الخوف وماسك يده مكان العضه وعقب قعد يناظر يده ولقى آثار العضه موجوده لكن كيف واهو كان مجرد حلم.
طلع بدر من غرفته وراح للصاله وشغل التلفزيون وقعد يطالع مباراة في قناة من القنوات عشان يحاول ينسى الحلم خصوصا ان كل اهله نايمين في هالوقت المتاخر.
وفجاة سمع بدر صوت جاي من فوق وسمع خطوات شخص قاعد يمشي متجه للدرج فقعد بدر يناظر الدرج يبي يعرف من الي قاعد هالوقت.
كانت الخطوات بطيئه وبدا الصوت ايي من الدرج ينزل عتبه ورى الثانيه وهني كانت المصيبه ان بدر يسمع خطوات لكن بدون مايشوف احد يمشي جدامه.
مسك بدر جواله وركض باتجاه الباب وطلع من البيت وقعد يركض باتجاه بيت خليل واهو يتصل بجواله حق خليل.
نرجع لخليل الي اهو انا
قعدت من النوم على صوت جوالي وكان بدر متصل.
بدر: الوو خليل افتح لي الباب بسرعه.
خليل: اوكي وشصاير؟
بدر: افتح لي وبقولك لين دخلت.
خليل: ادخل الباب مفتوح.
دخل بدل بدر داخل البيت وساله خليل شفيك خايف؟ قعد بدر يحكي له قصته الي صارت له من كم دقيقه وخلاه يشوف العضه.
قعدت افكر بالي صار وقلت لبدر ان ينام عندي الليله وبقعد اراقب جسمك وشنو يصير فيه ووافق بدر وقالي ان انتبه لاي شيء يصير غير طبيعي فيه وفي البيت.
قمت ورحت قعدت جنان من النوم وخليتها تراقب كل غرف البيت ورحت انا لبدر وقعدت معاه لين حس بالامان ورقد.
كان نومه جدا طبيعي وبعد فتره بده ينتفض في مكانه واهو راقد فاكيد يحلم بكابوس وبعدها قام يحرك يده كانه يحاول يبعد شيء عنه وكان يصرخ(قوم..لااا..قوم عني) وفجاة صحى من النوم.
قام بدر من على السرير وطلع من البيت بدون مايقولي ولا شيء فاتصلت له لكن جواله كان جنب المخده فعلى طول طلعنه انا وجنان من البيت عشان نلحقه.
أنت تقرأ
معاناتي مع الجن
Terrorالقصة رعب وعن الجن فالي يخاف لا يقرا وفيها أحداث حقيقة والكثير من الأحداث الخيالية وللمعلومة عانيت الكثير لكتابتها والاماكن الموجودة في القصة حقيقية وليست من خيالي وكلهم أماكن مسكونه بالجن حسبما سمعت جميعها قمت بزيارتها مع اصدقائي عمر وعبدالرحمن وبد...
