ASMAUL~HUSNA

13_14

☆☆ *ASMAUL_HUSNAH* ☆☆
            © *MISS_HAFCY*
        Wannan page din nakune Rabia and Xahra💜, ILYSM

   Kusan 30mints tana zaune batako motsa ba tsoro duk ya hanata aiwata komai, jin ita kadai a cikin wannan makeken gidan, lekawa tai ta window ta hango me gadi ya shimfida tabarmarsa a kofar dakinsa yana jin redio abinsa, se a sannan ta d'an sami nutsuwa, cire mayafin ta tayi ta shiga bandakin cikin dakin dayasha wanki tsaf tayi fitsarin daya dade yana matsarta tai alwala tayi sallah, tana idarwa  ta tuno maganin da Anty Amina ta bada da kashedin ta mata, ba shiri ta janyo jakarta ta fiddo shi kalo daya ta masa taga ko kadan bazata iya shaba hakan yasata maidashi cikin jakarta ba shiri.

   Tana zaune tsuru taji horn din mota, da sauri ta yaye labilani window ta leka, motar AJ ce ta shigo da gudun gaske ta faka sannan ya fito yana tangal-tangal da alama a cikin maye yake, Husnah da gabanta ya gama fduwa ta dafe kirji "to fa! Nida farawa da bismillah, lallai ma, ace ranar da aka kawo maka anarya ma sai ka yi shaye-shaye Allah ya kyauta nikam aiki ya sameni Allah ka dubeni." duk wannan a zuciyarta take fadi, a haka ya shigo gidan yana bin waka abinsa.

    Kamar yasan dakin da Husna take kuwa kai tsaye can ya nufa, Husnah ta gyra mayafinta ta rufe fuskarta, bako salama ya banko dakin iya tsurewa kuwa Husnah ta gama shi, yadda ya shigo ta gama salamawa dukan tsiya ze mata addu'oi kawai take jerowa a zuciyarta, Muryasa ce ta katseta"Welcome to my house, sannu da zuwa amarya" ya fashe da dariya" ko kala Husnah batace masa saboda tsurewar da tai bazata barta tai ko mgna daya ba ya kari surutunsa ya fice daga daki, wata doguwar ajiyar zuciya tai sannan ta tashi ta rufe dakin da key, ta cire kayanta zuwa na bacci sannan ta bi lafiyar gado sai data gama cin kukanta ta koshi ta dade idanta daya tana sake-sake bacci barawo ya saceta...

      Washegari da asuba ta tashi tai sallar asuba sannan ta koma bacci, ba ita ta tashi ba se wajen 9 da sauri ta shiga wanka ta shirya cikin atamfarta yellow da brown dinkin ya karbi jikinta ya kuma sake fito da kyan surarta, fitowa tayi ta shiga zagaya gidan masha Allah gidan ya mata kyau sosaii.  Da karambaninta ta bude d'akin AJ  dakin ya hadu duk dakunan gidan ya fisu had'uwa gaton gado ne da wata wardrobe kamar ta glass ga kujera a gefe da lumtsumemen carpet, sai wani waje a gefe littafai ne da casets, komai na dakin white and black ne, har frames din da'akasa a dakin,  daga a gefe ga wata haddadiya Ball black da fara, sosaii d'akin ya burgeta.

     A  baje ta hangosho akan gado yanata baccinsa daga shi se gajeran wando a jikinsa bako riga kamar taje ta tashe shi sai kuma wata zuciyar ta hanata ta turo dakin ta koma palor ta zauna ta rafka tagumi.

    Bugun kofa taji da sauri har tana tuntube ta nufi kofa dan duk a zatanta su Nana ne kicibis sukai da Eshale tana washe hakora, ta dan saki murmushi yak'e "sannunki da zuwa shigo" Eshale bakin nan har kunne tace "toh Anty Amarya" ta dauki basket din abincin datazo dashi ta shigo bayan sun gaisa tace "Gashi Mummy ce tace na kawo muku" Husnah tai murmushi "Allah sarki Mummy mungode, d'ora kan dinning" Eshale da sauri ta kai kan dinning ta dawo " kinyu kyau Anty Amarya, kyakyawa dake yaya Ammar yai dace so......." daidai fotowar AJ kenan sanye da wata jalabiya fara harara ya aikawa da Eshale ba shiri ta gumtse baki tai shiru " ke meya kawoki nan?" "Naam... dama ....dama Mummy ce tace na kawo muku karin kumalo,"  a fusace yace " to tunda kin kawo tattara ki tafi ki barmin gida useless kawae" ai da sauri jiki na b'ari ta fice ko salama bataiwa Husnah ba.

    Da mamaki husnah ta juyo ta kalleshi  suna had'a ido tace "ina kwana" a dak'ile ya amsa "lafiya lau" bata sake mgna ba tai wajen dinning ta shiga bude flasks  din,  na farko chips ne sai kuma gashashen kifi sai plantain da kuma scramble egg, sai ketchup sai kuma flask na ruwan zafi, kitchen ta shiga ta dauko plates da cups ta dauraye ta aje a dinning din sannan ta dauko kayan tea a kitchen.

    AJ yana kan kujera yana danna waya da alama chatting yake,  tace "in zuba ma ne?" Eh ya amsa a takaice, komai ta zuba masa a plate tasa  fork sannan ta zuba mai ruwan zafi a cup ta aje a gefen plates din dan batasan yadda yake shan tea dinsa ba karta sa wani abin yai yawa ya mata masifa, ta had'a nata ta zauna ta fara ci a dan dama yunwa takeji kuma dama can bata wasa da cikinta, tana cikin cine  shima yazo ya hada  green tea lipton yasa sugar ya fara ci yana danna waya, suna gamawa ya koma palour yana kallan musics , Husnah tana kokarin hada plates din takai kitchen ta wanke AJ ya dakatar fa ita "me zakiyi?" " wankewa zanyi" ta amsa mai kai tsaye " no barshi mai aiki zata zo ta wanke" okay kawai tace ta dawo palour ta zauna tana karanta wani english novel data taho  dashi dan dan debe kewa.
.

    Kwankwasa kofa akai Husnah ta bude da sauri yanzu ma tana expecting taga su nNana, yar tsohuwar mata ta gani da wata yar budurwa tsaye suna mata murmushi cike da ladabi ta musu sannu da zuwa sannan tace su shigo, AJ na ganinta ya washe baki " Kakus za Kakus" tai dariya " Ammaru ango " ya d'an sha kunu da wasa " haba Kakus nifa ki dena bata min suna Ammar nake ba Ammaru ba" tai dariya sannan ta zauna Husnah ta duk'a ta gaisheta Hajiya ta amsa da walwala Fattu ma ta gaishedu hadda Ammar shikam dakayr ya amsa.

     Husnah ta kawo musu ruwa da lemo ta aje gabansu "gashi Hajjya" Hajiya tace " Sannu 'yar nan, ya bakon wajen? Yama sunan jikar tawa?" Husnah tayi murmushi " ASMAUL_HUSNAH" Hajiya tace " a'aaa Ma'u sannu" Ammar ya juyo " Kakus ke kowa sai kin b'ata masa sunansa, meye wani Ma'u?" dariya sosaii tai sannan tace "Ammaru nawa na kaina" sukai dariya gabadaya, nan ta shiga musu nasiha akan aure ta dan dad'e sannan suka tafi har kofa suka rakasu sannan suka dawo a lokacin har Eshale ta shigo da abincin rana ta gama wanke-wanke.

   Haka mutane suka dinga shigowa ganin gida mussaman wanda basu zo kawo amarya ba, su Nana kam sunyi sunyi suzo Anty Amina sunji bakin ciki hadda kukan k'arya amma sam Anty ta hanasu

       10:30Pm.........

     《Hafcici》