The Mistress

Chapter 5

Chapter 5 +__+

"Bakit---bakit parang napaka-aggressive mo ngayon?"

Nagtataka pa rin talaga si Dane. Nagtanong ito kahit paos na paos pa rin ang tinig at kahit naghahabulan pa rin ang pagkabog ng dibdib. Pabugso-bugsong dumadapyo sa sensitibong balat ng leeg niya ang mainit na hininga.

"Maybe, I missed you so much as you did?" she whispered lightly.

Kunwari lang ang pabirong tono para maitago ang pangungulilang nadarama. Isipin pa lamang na malapit na niyang wakasan ang mga sandaling kaligayahan sa piling ng lalaking ito, nasasabik na agad siyang makaniig muli ang mangingibig.

"I'm glad, Czarina"

He was delighted. Natuwa si Dane. Tumagilid ito sa pagkakahiga sa tabi ni Czarina upang matunghayan ang kanyang mukha.

"That's a good sign, darling" ang masuyong sambit pa nito.

Czarina was unnerved with his joy. Kabaligtaran kasi ng lungkot sa dibdib niya ang katuwaan ni Dane.

"What do you mean?" maang niya

"Gusto ko rin sana kasing yayain kang magsama na tayo" he uttered the suggestion so casually.

Kaswal ang pagkakasambit pero seryoso ang mukha ni Dane.

"Gusto mong....magsama....na....tayo?" ang pautal na ulit ni Czarina

She was breathless once again. Parang mapupugto na ang hininga niya.

"I'll buy you a beautiful house" pangako ni Dane.

He sounded so eager.

"Kahit saang subdivision mo gustuhin, pero dapat ay malapit lang sa bahay ko para madali akong makakapunta sa'yo" he elaborated in a very pleased tone.

"Gusto mong..... mag-live-in tayo?" Czarina wanted to be sure.

"Sa umpisa lang naman tayo magli-live-in, darling" pang-aalo ni Dane.

"Ano'ng ibig mong sabihin?"

"Kapag nakapag-adjust na tayo sa isa't isa, I want to marry you"

"No!"

Hindi napigil ni Czarina ang mapabulalas nang marinig ang salitang 'marry'. May nakakabit na trauma ang katagang iyon. Bumalikwas siya ng bangon. Gusto niyang makalayo agad kay Dane.

"Bakit?"

Nagulat si Dane kaya hinayaan siyang bumangon.

"Czarina, ano'ng masama sa sinabi ko? Bakit ganyan ang reaksiyon mo?"

Pumitlag si Czarina nang hawakan ni Dane isang braso niya. parang napaso. Tuloy-tuloy na tumindig. Dali-daling dinampot ang roba sa sahig at isinuot. Nanginginig ang mga daliri niya kaya hindi maibuhol ang tali ng roba. Hinapit na lamang niya ang mga lapels sa harapan at niyapos nang mahigpit ang sarili.

"Sumisira ka sa kasunduan natin" she accused him shakily.

Humarap siya sa lalaki ngunit hindi makatingin nang diretso.

"Ano'ng kasunduan?"

Maliksing tumayo si Dane. Dinampot nito ang tuwalyang nasa sahig at itinapis sa beywang.

"No strings attached. No commitment"

Tumalikod siya upang hindi ma-distract sa mabalahibo at maskuladong dibdib.

"That's a ridiculous agreement" pakli ni Dane. Nakakunot ang noo.

"You mean, hindi ka seryoso sa kasunduan natin?"