The Mistress

Chapter 12

Chapter 12 ×__×

"Mula sa detective agency"

Niyapos nang mahigpit ni Czarina ang sarili. Bigla siyang nanlamig.

"Hanggang-ngayon ba'y pinaiimbestigahan mo pa rin ako?"

"Matagal ko nang ipinatigil ang imbestigasyon" bawi ni Dane

"Ngayon lang ako naglakas-loob na magtanong sa'yo"

Natigilan si Czarina.

"Naglakas-loob ka pa?"

Hindi siya makapaniwala.

"You always snubbed my interested questions in the past"

"Bakit nagtanong ka pa rin ngayon?"

Hindi niya pinigil ang kuryosidad upang makabawi ng wisyo.

"Dahil nagtataka ako kung bakit may financial problem kayo gayong si George Alquizar ay isang kilala at mayamang negosyante"

"Tumangging tumanggap ng sustento si Mama magmula nang iniwan kami ni Papa noon"

Kusang humulaspos sa nagsisikip na lalamunan ni Czarina ang mapait na pahayag.

"You were only seven years old" sambit ni Dane.

"Yes"

"I see"

Tumahimik si Dane. Tila napakalalim ng iniisip. Czarina gulped down her wine. Nilagok niya ang alak na nasa kopita upang palisin ang panunuyo ng bibig.

" Do you have your father?" tanong ni Dane makalipas ang ilang mahahabang sandal ng katahimikan.

Czarina stiffened.

"Puwede akong tumangging sagutin 'yan, hindi ba?" ang paiwas na tugon niya.

Wala siyang kamalay-malay na nasa mga matang nagdaramdam ang kanyang kasagutan.

"Sure"

Ginagap ni Dane ang isang kamay niya at hinagod nang buong pagsuyo.

"I'm sorry, Czarina"

"Para saan ang sorry mo?" Binawi ni Czarina ang kamay. Lalo kasing sumidhi ang pagkasabik na sinusupil niya.

"Hindi ko gustong masaktan ang kalooban mo"

Mapakla ang ngiting sumilay sa bibig ni Czarina

"Maniniwala ka bang naaalala ko pa rin si Papa kahit matagal na kaming hindi nagkikita?"

"Oo" ang banayad na tugon ni Dane

"Ama mo pa rin siya kahit inapi niya kayong mag-ina"

Sinalinan nito ng alak ang dalawang kopita.

"Tama ka"

Lumamlam ang mga mata ni Czarina. Sumimsim siya ng alak upang mabawi ang paningin.

Bumuntong-hininga si Dane.

"Tumingin ka sa akin, Czarina. Please"

Ang pahabol na pakiusap ang nagtulak kay Czarina na tumingin nang diretso sa lalaki.

"Isa rin akong mayamang negosyante" pahayag ni Dane

" 'Yan ba ang dahilan kung bakit ayaw mo akong pakasalan?"

Napasinghap si Czarina. Naging sunod-sunod ang paglagok niya ng alak.

"Nagkasundo tayong hindi na natin pag-uusapan ang tungkol d'yan, hindi ba?" paalala niya.