🎀بوست شكر🎀
#شكرا كتير كتير كتير كبييييير لكل إلي سبق و دعمونا و شاركونا سواء بتعليق أو كلمة أو ايموجي أو ستيكرز أو حتى لايك ❤
#شكرا لكل إلي تحمسو معنا من البداية للنهاية و كانو ينتظرو نزول البارت بالدقيقة و اليوم ❤
#شكرا لكل إلي كانو يطالبونا ننزل بالأسبوع أكتر من بارت بسبب أنه الرواية أخدت حيز من أفكارهم و مشاعرهم و حياتهم و عاشو الدور و عاشو القصة بتفاصيلها مع كل الأبطال ❤
#شكرا لكل كلمة مديح طلعت بحقنا و لكل الألقاب الحلوة إلي اطلقوها علينا أنا و ياسمينتي ❤
#شكرا لكل إلي كانو يطالبونا عالخاص لتنزيل بارت زيادة بالاسبوع و يسألو عن تفاصيل القصة القادمة بشغف ❤
#شكرا لكل إلي قدرو تعبنا و سهرنا و حماسنا و فرحنا و حتى دموعنا ! لحتى تنتهي هالرواية و تطلع بالشكل إلي هي عليه قدامكن ❤
#شكرا لكل إلي حبو #انهيوك و فضلوه على باقي الأبطال بكل مواقفه و مشاهده و تصرفاته و غرقو معه و غرقو بلقب "الدونجوان" فيه ❤
#شكرا لكل إلي كرهو آريا بالبداية بسبب #كيوهيون وتعاطفهم معه ..بس بعدين انقلب الحال لتصير هي معشوقة الجماهير والكل لامه على عناده و بروده معها بالآخر ❤
#شكرا لكل إلي دابو مع رومانسية #دونغهي وتمنو يكونو يورا و لو ليوم واحد بس ! و رغم خديعته و كذبه ما قدر حدا منكم يكرهه بالعكس الكل كان متعاطف معه و حاسد يورا على كم الحب إلي كان بيحملها ياه ❤
#شكرا لكل إلي انطفى شوقهم ل#كانغ_إن بظهوره الصغير المؤثر بالرواية و حبو قسم الرومانس الخاص فيه ❤
كلمات #الشكر ما بتخلص .. لأنه هي الرواية بكل جماليتها و تفاصيلها و مشاعرها و رومانسيتها ما كانت بتكون بوضعها الحالي و شهرتها الكبيرة و مشاهداتها العالية و كل الناس الي صارت بتعرفها و بتلحقنا عليها حتى عالانستغرام !! ... لولا فضل الله .. ثم لولاكم انتو ❤
بتمنى نكون أنا و ياسمينتي Yasi13kyu قدرنا نوصلكم نوع من السعادة و الخيال الحلو من خلال عملنا المتواضع .. وأنا بقلكم .. انتظرونا (ولو على المدى البعيد) .. برواية تانية أتمنى تكون بنفس مستوى هي الرواية .. الي نحنا بالفعل خطينا أول خطواتنا فيها و لح بنكمل لنهايتها لنقدملكم عمل تاني ينال اعجابكم عالاكيد ❤
شكرا للمرة المليون ❤
أنت تقرأ
خديعة بنكهة الحب
Roman d'amourأحببتها بجنون و علمت بأنها لقلبي لن تكون إلا إن قمت بخداعها فكانت خديعتي. .... خديعة بنكهة الحب ♡ ملاحظة : هذه الرواية هي عمل مشترك بيني و بين صديقتي المقربة الكاتبة ياسمين @Yasi13kyu
